მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შაკირას ჩამოყვანა რომ გადაწყდა, მაშინდელი პრეზიდენტის, სააკაშვილის ადმინისტრაციიდან დარეკეს, კონცერტი არ უნდა ჩატარდესო... ეგონათ პატარკაციშვილს ჩამოჰყავდა" - ვარსკვლავის სტუმრობის უცნობი დეტალები
09:46 / 27-07-2023
თბილისში, 2007 წლის 23 დეკემბერს შაკირამ რიყეზე კონცერტი გამართა. პოპულარული მომღერლის შოუზე დასწრება უფასო იყო. მიუხედავად იმისა, რომ მაშინ სოციალური ქსელი პოპულარული არ იყო, ინფორმაცია მაინც გავრცელდა და იმ საღამოს რიყეზე 250 ადამიანი შეიკრიბა.
ეს იყო უნიკალური მოვლენა იმ პერიოდისთვის, მსგავსი მასშტაბის პოპ მომღერალი საქართველოს სტუმრობდა, მაგრამ მის ჩამოსვლას არაერთი სკანდალი ახლდა. მკითხველს შევახსენებთ, რომ 2007 წლის 7 ნოემბერი ახალი მომხდარი იყო, ქვეყანაში პოლიტიკური მუხტი დუღდა, ამ დროს კი საქართველოში შაკირას სტუმრობა დაიგეგმა.
"ისთერნფრომოუშენსის" დამფუძნებელი კახა კანდელაკი ჩვენთან ინტერვიუში ერთ-ერთი ყველაზე სკანდალური კონცერტის დეტალებს იხსენებს და აქამდე უცნობ ამბებს გვიყვება.
- შაკირა საქართველოში 2007 წელს ჩამოვიყვანეთ, ეს იყო ძვირადღირებული პროექტი, მაგრამ როდესაც ჩვენს მიერ განხორციელებულ პროექტებზეა საუბარი, რატომღაც არავინ ახსენებს ხოლმე. იმ პერიოდში ერთ-ერთი ქართველი ბიზნესმენი დაგვიკავშირდა, გვითხრა, რომ შაკირას ჩამოყვანა უნდოდა. ძალიან ცოტა დრო გვქონდა მოსამზადებლად. აქვე საიდუმლოდ გეტყვით, რომ იმ ადამიანს თავიდან რიკი მარტინის ჩამოყვანა უნდოდა, მაგრამ რიკი დედამ არ გამოუშვა. შეგახსენებთ, რომ ეს ხდებოდა ნოემბერში, ცოტა ხნით ადრე მომხდარი იყო ცნობილი პოლიტიკური მოვლენები.
თავიდან მეგონა მთავრობის შეკვეთა, ვიფიქრე, რომ ალბათ ხალხი რომ დამშვიდებულიყო, იმიტომ კეთდებოდა. დავიწყეთ შაკირასთან მოლაპარაკებები, ადვილად დაგვთანხმდა, მაგრამ სერიოზული მოთხოვნები გამოგზავნა, თან გარანტია მივეცით, რომ კარგად დავხვდებოდით.
ტექნიკური ჯგუფი ბალტიისპირეთიდან დაგვიკავშირდა, რიყეზე მაშინ არ არსებობდა სცენა, სადაც კონცერტი ჩატარდებოდა. ყველაფერი სატვირთო თვითმფრინავებით ჩამოვიდა, რადგან სხვანაირად ვერ ესწრებოდა. ამინდებიც ცუდი დაგვემთხვა, ქარიშხალი იყო, მუშებს ძალიან უჭირდათ სცენის აწყობა. ყველაფერი ნულიდან ავაწყეთ, ძალიან ბევრი ადამიანი იყო ჩართული.
კონცერტი უფასო იყო, თავისუფლად შეეძლო ნებისმიერ ადამიანს შემოსვლა. საბოლოო ჯამში 250 ათასი კაცი დაესწრო, მთელი ბარათაშვილის ხიდი, აღმართი, მეტეხის ხიდი - სავსე იყო ხალხით, სხვათა შორის სომხეთიდან ჩამოვიდა უამრავი ადამიანი.
- საქართველოში მაშინ პოპულარული არ იყო სოცქსელები, როგორ გაავრცელეთ ინფორმაცია?
- ამაზე ჩვენ არ გვიზრუნია, მხოლოდ ჩამოყვანა გვეხებოდა. ზოგადად, ძალიან სასაცილო ამბავი იყო, როდესაც გადაწყდა შაკირას ჩამოყვანა და ეს ინფორმაცია გავრცელდა, მირეკავენ მაშინდელი პრეზიდენტის, მიხეილ სააკაშვილის ადმინისტრაციიდან, სასწრაფოდ რამე ქენით, კონცერტი არ უნდა ჩატარდესო. მე მეგონა იმათ იცოდნენ, ხალხსაც ასე ეგონა, რომ პრეზიდენტს ჩამოყავდა. გავგიჟდი, ვუთხარი, დაელაპარაკეთ ვინც არის დამკვეთი, ჩვენ რა შუაში ვართ-მეთქი. აღმოჩნდა, რომ პრეზიდენტის ადმინისტრაციაში ეგონათ, რომ ბადრი პატარკაციშვილს ჩამოჰყავდა, ნერვიულობდნენ, რადგან წინასააარჩევნო გარემო იყო. მერე გაირკვა, რომ ამ ადამიანს, ბიზნესმენს მთავრობის გამო ჩამოყავდა, უთხრა, ხომ დაგპირდით მაგარ ივენთს გავუკეთებ ქალაქსო. კაპიკი არ ყოფილა სახელმწიფო ბიუჯეტიდან. თავიდან-ბოლომდე კონცერტი 4-5 მილიონი დოლარი დაჯდა.
- შაკირას ჰონორარი რამდენი გადაუხადეთ?
- 800 ათასი დოლარი. ზოგადად, პანიკა იყო, არც მთავრობა მოვიდა კონცერტზე. მომღერალი სასტუმრო მერიოტში დავაბინავეთ, მთლიანად ავიღეთ ყველა ნომერი. მეც იქ ვცხოვრობდი ის პერიოდი. კონცერტის წინა ღამეს აპარატურა შემოიტანეს, რეპეტიცია უნდა ჰქონოდა. წარმოიდგინეთ, შაკირა 15 კაციანი ბენდით მღეროდა და აქეთ, მე და შაკირას ძმა ვზივართ და ვიბარებთ გენერალურ რეპეტიციას. დილამდე არ გვეძინა, მაგრად იმუშავეს. კონცერტის შემდეგ ბანკეტზე დაპატიჟებული ხალხიდან ნახევარი არ მოვიდა, არ ვიცი, ეშინოდათ თუ ეწყინათ.
- როგორი შთაბეჭდილებით წავიდა საქართველოდან?
- არ ვიცი, სულ რამდენიმე წამით ვხვდებოდი ხოლმე, ოცი კაცი დასდევდა, საქმრო ჰყავდა ჩამოყვანილი, პრეზიდენტის შვილი (ანტონიო დე ლა რუა პერტინე, არგენიტინის ყოფილი პრეზიდენტის ფერნანდო დე ლა რუას ვაჟი), დახეული ჯინსები და კეტები ეცვა. დაცვას ვუთხარი, ვინ არის გაიყვანეთ აქედან-მეთქი. მერე შაკირას ძმა მოვარდა, გვღუპავ, ამის იმედზე ვართ მთელი ოჯახიო, არადა მე ვიფიქრე, ეს რაღაც ცუდად დასდევს ამ გოგოს-მეთქი.
- კონცერტზე ამდენ ხალხს ელოდით?
- ალბათ კი, ძალიან მაგრად ჩაიარა კონცერტმა, მაგრამ გვეშინოდა, რადგან 20 ათასი პოლიციელი მოვითხოვეთ და მთავრობამ 5 ათასი გამოუშვა, ისინიც მოტრიალდნენ სცენისკენ და შაკირას უყურებდნენ. ხალხმა სცენა კინაღამ გადაატრიალა, გავგიჟდი.
- დამკვეთი კმაყოფილი დარჩა?
- არ ვიცი, აღარც მიკითხავს, ალბათ კი. ძალიან ბევრი ხალხი იყო და საყვედური გვითხრა შაკირას მენეჯერმა, კრიმინალები ხართ, ამდენ ხალხს რას უშვრებოდით, რამე რომ მომხდარიყო, ძალიან გადარჩითო. დამცავი ჯებირები გაარღვიეს, წალეკეს იქაურობა, 250 ათასზე მეტ კაცს 5 ათასი პოლიციელი როგორ შეაჩერებდა.
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სოფო ნიჟარაზე რომ ამღერეს ახსლ წელს ბოჩელთან ეგ რა დაჯდა ? მემგონი 12 მილიონი. სტინგი ?
სცენის გარდა იყო სხვა, არანაკლებ მნიშვნელოვანი და საპასუხისმგებლო სამუშაოები, როგორიცაა: ტერიტორიის მოწესრიგება, დამცავი ჯებირებით შემოფარგვლა, წყალმომარაგება, ელ.მომარაგება, კანალიზაცია, ვენტილიაცია, გათბობა კალორიფერებით, მისაღები და დაცვის კონტეინერების განთავსება და ზემოაღნიშნული ქსელების მიერთება და სხვა მრავალი (მათ შორის კომუნალური უზრუნველყოფისათვის საჭირო სარეზერვო დანადგარებით და მოწყობილობებით უზრუნველყოფა) ქალაქის მერიის შესაბამისმა სამსახურმა გააკეთა. მიუხედავად დიდი რისკებისა, დაგეგმილმა პროგრამამ წარმატებით ჩაიარა რაზედაც მადლიერაბა არავის არ გამოუხატავს. თავისუფლების მოედნის რეკონსტრუქციის არ იყოს (რომელიც 24 საათიანი უწყვეტი მუშაობით, უმოკლეს ვადებში შესრულდა, ურთულეს პირობებში, ტრანსპორტის მოძრაობის შეზღუდვის გარეშე და არც არავინ დაინტერესებულა ვისი პროექტით შესრულდა აღნიშნული სამუშაოები).