მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სომხეთ-აზერბაიჯანს შორის ვითარება კვლავ დაიძაბა: სომეხი პოლიტოლოგების აზრით, აზერბაიჯანს რუსეთი ეხმარება - "ეს იმიტომ, რომ სომხეთმა უარი თქვა მოსკოვის შეხვედრაზე"
09:58 / 29-06-2023
აშშ-ის, სომხეთისა და აზერბაიჯანის საგარეო მინისტრების რამდენიმედღიანი მოლაპარაკებების პარალელურად, ე.წ. მთიანი ყარაბაღის თავდაცვის სამინისტრომ, აზერბაიჯანის მხრიდან სომხეთის პოზიციებისთვის ცეცხლის გახსნასა და ოთხი სამხედრო მოსამსახურის დაღუპვის შესახებ განაცხადა. მისივე ცნობით, აზერბაიჯანმა თავდასხმისთვის საარტილერიო საშუალებები და უპილოტო საფრენი აპარატები გამოიყენა.
იმავდროულად, განცხადება გაავრცელა ბაქომ და სომხეთის შეიარაღებული ძალები “აზერბაიჯანის ტერიტორიაზე და რუსი სამშვიდობოების დროებით განთავსების ტერიტორიაზე” აზერბაიჯანის პოზიციების მიმართულებით ცეცხლის გახსნაში დაადანაშაულა, რის შედეგადაც, აზერბაიჯანელი სამხედრო დაიჭრა.
დაძაბულობის ფონზე, გავრცელდა სომხეთის პრემიერ-მინისტრის, ნიკოლ ფაშინიანის განცხადება, რომელიც საერთაშორისო საზოგადოებას მოუწოდებს, დროულად იმოქმედონ ვითარების დასარეგულირებლად, რადგან მისივე თქმით, ეს დაძაბულობა არ ეხება მხოლოდ მთიან ყარაბაღს, შესაძლოა სიტუაცია მთელ სამხრეთ კავკასიაზე გავრცელდეს.
ფაშინიანმა ისაუბრა იმაზეც, თუ როგორ ილახება მთიან ყარაბაღში ეთნიკურად სომეხი მოსახლეობის უფლებები. ამასთანავე, მისი თქმით, აზერბაიჯანის შეიარაღებული ძალები მთიან ყარაბაღში სამხედრო ოპერაციის ჩატარებას აპირებენ, რათა სომხური სამხედრო ძალები აიძულონ, არცახის ტერიტორია სრულად დატოვონ...
2020 წლის ომის შემდეგ, (და არა მხოლოდ) მთიან ყარაბაღში ვითარება პერიოდულად იძაბება. პარალელურად, სხვადასხვა ქვეყანაში, სომხეთისა და აზერბაიჯანის პირველი პირების შეხვედრები არ წყდება, თუმცა, როგორც ორივე ქვეყნის მედია წერს, ჯერჯერობით, რაიმე სახის საბოლოო შეთანხმების მიღწევა ვერ მოხერხდა....
გამოცემა kavkaz-uzel.eu-თან საუბარში სომეხი პოლიტოლოგები ამბობენ, აზერბაიჯანულ მხარეს დეკლარირებული აქვს თავისი პოზიცია, რომლის თანახმადაც ის ცდილობს ლაჩინის დერეფანზე სრული კონტროლის აღებას. მათივე თქმით, ახლა სომხეთის ხელისუფლებაზეა დამოკიდებული, შეძლებს თუ არა ის ეროვნული ინტერესების გატარებას.
პოლიტიკური მიმომხილველის ნაირა აირუმიანის შეფასებით, აზერბაიჯანის მხარემ ხიდი ბეტონის სამშენებლო ბლოკებით გადაკეტა.
"ადრე ამის გაკეთებას ვერ ახერხებდნენ, შესაბამისი მასალა არ ჰქონდათ, შემდეგ საჭირო ინფრასტრუქტურა იპოვეს და გააკეთეს, თუმცა საერთაშორისო ორგანიზაციების მოსვლამდე, მოხსნეს კიდეც... სისულელეა იმაზე ლაპარაკი, თითქოს აღნიშნული ტერიტორიის გადაკეტვის შემთხვევაში, წითელ ჯვარს არცახიდან პაციენტების გადაყვანა აგდამის გავლითაც შეუძლიათ, სად უნდა წაიყვანოს ამ გზით? ბაქოში... აზერბაიჯანი ყველანაირად ცდილობს მიზნის მიღწევას, ზეწოლას ახორციელებს სომხეთზე, არცახის მოსახლეობაზე" - ამბობს აირუმიანი.
პოლიტოლოგ არმენ ვარდანიანის მოსაზრებით, აზერბაიჯანული მხარე ცდილობს მთიანი ყარაბაღის მოსახლეობაზე ფსიქოლოგიური წნეხი გააძლიეროს, რათა აზერბაიჯანთან ინტეგრაციას შეეგუონ...
"ეს ყველაფერი ხდება იმიტომ, რომ სომხეთმა უარი თქვა მოსკოვში შეხვედრაზე, რადგან მოსკოვის შუამავლობით ახალი შეთანხმების მიღწევა იგეგმება, რაც ცხადია, სომხეთისთვის მომგებიანი არ არის" - ამბობს ვარდანიანი.
პოლიტიკური მიმომხილველი, გორმ არმათუნი მიიჩნევს, რომ სქემა ძალიან პრიმიტიულია და პროცესები რუსეთსა და თურქეთს შორის მიღწეული შეთანხმების მიხედვით ვითარდება - რუსეთმა თურქეთს დაუთმო სომხეთ-აზერბაიჯანს შორის არსებული კონფლიქტი.
"ახლა აზერბაიჯანი მოქმედებს ისე, როგორც წლების წინ ოცნებობდა. სომხეთს გორის-კარპანი რომ არ დაეთმო, წინააღმდეგობა რომ გაეწია, უფრო სხვაგვარად, ფრთხილად იმოქმედებდა, ახლა რუსეთისგან მწვანე აქვს ანთებული, რაც ნაწილობრივ უკრაინის ომში თურქეთის ნეიტრალური მხარის დაჭერითაც აიხსნება და სომხეთის დასავლეთისკენ ყურებითაც... ამასთანავე, სომხეთს უამრავი შიდა პრობლემები აქვს, რომლის მიჩქმალვასაც ცდილობს, მაგრამ რაც უფრო ცდილობს, უფრო არ გამოსდის. სომხეთისთვის იქ რუსული სამშვიდობო ძალის ყოფნაც პრობლემაა, რადგან მათი ნდობა არ შეიძლება - პროვოკაციები ხომ მათი ხელწერაა. ამიტომ ვითხოვთ ევროკავშირის წარმომადგენლობას" - მიაჩნია არმათუნის.
კიდევ ერთი პოლიტოლოგის, დავით კარაკებიაკის თქმით, აზერბაიჯანმა უკვე დაიწყო მთიანი ყარაბაღის ინტეგრაციის პროცესი, ამაში კი, რუსეთი ეხმარება.
"მოსკოვის ერევანზე წნეხის აშკარა გამოხატულებაა ის, რაც ახლა არცახში ხდება... ლავროვის უწყებამ აღნიშნა, რომ კონფლიქტის პროცესებში პროგრესი იქნება სამმხრივი მონაწილეობის შემთხვევაში, ანუ მაშინ, თუ ის (რუსეთი) იქნება მთავარი მოკარნახე. ვერაფრით გააცნობიერეს, რომ სომხეთში, ისე, როგორც მათი გავლენის სხვა ქვეყნებში, რუსეთის დრო წავიდა" - ამბობს ის.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"თუ ჯართს არ ჩავაბარებ საჭმლის გარეშე დავრჩებით" - 11 წლის ალექსანდრე ალავერდაშვილი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სომხეთის მაგალითი ცალსახად მიუთითებს, რომ რუსეთი არასანდო მოკავშირეა! რუსეთმა თურქეთთან ივაჭრა და სომხეთი ურცხვად გაყიდა! მხოლოდ რუსეთის ნომრიანი აგენტი ან დებილი უნდა იყო, რომ ეს არ შეიმჩნიო!
დავიწყოთ იქიდან რომ ყარაბახის ტერიტორია ადრე იყო აზერბაიჯანის სსრ-ში, ავტონომიური რესპუბლიკის სტატუსით. შემდეგ როცა დაიშალა სსრკ, სომხებმა მოახერხეს, სომხური დიასპორის დაცვის მიზეზით და რაღაც ისტორიული "დოკუმენტის" ახსნით, შევიდნენ ყარაბახის ტერიტორიაზე, გამოაცხადეს ყარაბახის "დამოუკიდებელი" რესპუბლიკა, "დამოუკიდებელი" მთავრობით, ოღონდ თავიანთი კონტროლით. მაგრამ ბოლო დროის "ორ სკამზე ჯდომის" პოლიტიკით, დაიჭირეს ის რაც დაიჭირა ედუარდ ამბროსის-ძე-მ. ეხლაც იგივე "ორ სკამზე ჯდომის " პოლიტიკას თამაშობენ მაგრამ, აზერბაიჯანი უკვე აღარაფერს დაუთმობს, თურქების იმედით და მხარდაჭერით(ლაითად, რომ რუსები არ გააღიზიანონ) და რუსების გულგრილობით სომხების მიმართ, სანამ თურქები ძალიან არ გაბლატავდებიან და წითელ ხაზებს არ გადაკვეთავენ.