"მოსკოვში მიტროპოლიტ ნიკოლოზის ოფიციალური ვიზიტი არ ყოფილა - ჩვენ არ გვქონდა ინფორმაცია, რომ ის ღვთისმსახურებას ესწრებოდა" - საპატრიარქო

საქართველოს საპატრიარქო მიტროპოლიტ ნიკოლოზის მოსკოვში ვიზიტთან დაკავშირებით განცხადებას ავრცელებს და აღნიშნავს, რომ ეს არ ყოფილა მიტროპოლიტის ოფიციალური ვიზიტი.

ამასთან საპატრიარქო აღნიშნავს, რომ არ ჰქონდა ინფორმაცია იმის შესახებ, რომ მიტროპოლიტი ნიკოლოზი რუსეთის პატრიარქ კირილეს ანგელოზის დღეს ღვთისმსახურებას ესწრებოდა, ვიდრე ინტერნეტში არ გავრცელდა შესაბამისი ფაქტის ამსახველი ფოტომასალა.

„მედიასა და ინტერნეტსივრცეში გავრცელდა ინფორმაცია, რომლის მიხედვით, თითქოს ახალქალაქის, კუმურდოსა და კარის მიტროპოლიტი ნიკოლოზი (ფაჩუაშვილი) მოსკოვში რუსეთის პატრიარქ კირილეს ანგელოზის დღის მისალოცად საქართველოს საპატრიარქომ გაგზავნა.

აღნიშნულთან დაკავშირებით განვმარტავთ:

საქართველოს საპატრიარქოს არ ჰქონდა ინფორმაცია იმის შესახებ, რომ მიტროპოლიტი ნიკოლოზი ამ დღეს ღვთისმსახურებას ესწრებოდა, ვიდრე ინტერნეტში არ გავრცელდა შესაბამისი ფაქტის ამსახველი ფოტომასალა.

გარდა ამისა, გარკვევით აღვნიშნავთ, რომ ეს არ ყოფილა მიტროპოლიტ ნიკოლოზის ოფიციალური ვიზიტი. უკანასკნელ პერიოდში იგი არაერთხელ სწვევია მოსკოვს კერძო და პირადი საჭიროებიდან გამომდინარე, რადგან მას რუსეთის დედაქალაქში ჰყავს ოჯახის წევრები და სხვა ახლობლები”, - ნათქვამია განცხადებაში.

წაიკითხეთ ასევე:

• "ვერ მოვასწარი პატრიარქისგან ლოცვა-კურთხევის აღება და გადაწყვეტილება დამოუკიდებლად მივიღე" - მეუფე ნიკოლოზი მოსკოვში პატრიარქ კირილის წირვას დაესწრო