რუსული ძალები ძირითად ძალისხმევას ბახმუტის, ავდიივკასა და მარინკას მიმართულებებით შეტევითი ოპერაციების ჩატარებაზე მიმართავენ, - ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.
უწყების ცნობით, უკრაინელებმა აღნიშნული მიმართულებებით მტრის 60-მდე შეტევა მოიგერიეს.
გენერალური შტაბის ცნობით, ბახმუტისა და მარინკასათვის მძიმე ბრძოლები გრძელდება.
"ბახმუტის მიმართულებით მტერი აგრძელებს შეტევითი ოპერაციების წარმოებას. მძიმე ბრძოლები გრძელდება თავად ქალაქ ბახმუტისთვის. ასევე, დღის განმავლობაში მტერმა წარუმატებელი შეტევითი ოპერაციები ჩაატარა გრიგოროვკას, ბოგდანოვკასა და ივანოვსკოეს დასახლებების მიდამოებში. მტრის დაბომბვის შედეგად არაერთი დასახლება დაზარალდა“, - აცხადებენ გენშტაბში.
მათივე ინფორმაციით, ავდიივკას მიმართულებით რუსულმა ძალებმა შეტევითი ოპერაციები განახორციელეს დონეცკის ოლქის ნოვოკალინოვოსა და პერვომაისკის ტერიტორიებზე, მაგრამ წარმატებას ვერ მიაღწია და დიდი დანაკარგები განიცადა.
"მარინკას მიმართულებით, გასული დღის განმავლობაში, უკრაინელმა დამცველებმა მტრის მრავალი შეტევა მოიგერიეს მარინკას ჩრდილოეთ და ცენტრალურ ნაწილებში, ასევე დონეცკის ოლქის ნოვომიხაილოვკას რაიონში. ამავდროულად, მტერმა დონეცკის ოლქის კრასნოგოროვკას, გეორგიევკას, მარინკას, პობედას, ნოვომიხაილოვკასა და პრასკოვეევკას დასახლებები დაბომბა“, - აცხადებენ გენშტაბში.
რუსეთის არმიაზე რა წამოდგენაც მქონდა, ზუსტად ის აღმოჩნდა უკრაინაში. არავითარი ,,მეორე არმია" არ არსებობს. არის მხოლოდ ურდო, რომლის სამხედრო წარმატება იმით იყო განპირობებული, რომ ფეხზე ეკიდათ ადამიანური რესურსი. ვერ გათვალეს, რომ 21-ე საუკუნეში უკვე სხვა ტიპის ომებია, რომელსაც სერიოზულად ჩამორჩნენ. უკრაინის გამარჯვება მოსკოვში გაფორმდება. რუსეთუმეებს კი რაღა გეშველებათ, რფ-ში რომ ვეღარ უშველით თავს, თუმცა ჩრდილოეთ კორეისკენ გზა ხსნილი გაქვთ.
ერთი და იგივე ფაქტი, მე რასაც ვუყურებ, უკრაინულ, რუსულ, გერმანულ(ZDF) და არაბულ(ალ ჯაზირა) ტელეარხებზე სრულიად განსხვავებულად გადაიცემა. სხვები ალბათ კიდევ სხვა რამეს გადასცემენ. მოკლედ, სიმართლე რა არის, ომის დასრულების შემდეგაც ვერავინ გაიგებს.