21
მარტიდღის ზოგადი ასტროლოგიური პროგნოზი
ანალიზებით დადასტურდა, რომ მიხეილ სააკაშვილთან მძიმე მეტალებით მოწამვლას ადგილი არ ჰქონია, - ამის შესახებ "ვივამედის" კლინიკურმა დირექტორმა, ზურაბ ჩხაიძემ განაცხადა.
"რაც შეეხება პაციენტის ჯანმრთელობის მდგომარეობას, ყოველთვის ხდება გადამეორება ლაბორატორიული კვლევის შედეგების. ამჯერადაც გავიმეორეთ ყველა ანალიზი, განსაკუთრებით მის ძირითად დაავადებებთან უკვე რაც გვქონდა გამოტანილი და რაც შედის კვლევის პაკეტში, მათ შორის გაგზავნილი იყო ანალიზი სისხლში მძიმე მეტალების შემცველობასთან დაკავშირებით.
მივიღეთ პასუხი „ლიმბახის“ გერმანული ლაბორატორიიდან და ყველა ჩამოთვლილი მძიმე მეტალი, რომელსაც ვიკვლევდით, არის ნორმის ფარგლებში, ნორმის ქვედა ზღვარზე უფრო ქვემოთ. მაისშიც გვქონდა გაგზავნილი მსგავსი ანალიზი და ეს ანალიზი კიდევ უფრო გაუმჯობესებულია. ნორმა იყო მაშინ, ნორმა არის დღესაც, მაგრამ ზოგიერთი მეტალის რაოდენობა კიდევ უფრო შემცირებულია.
ეს მიუთითებს იმაზე, რომ მძიმე მეტალებით მოწამვლას, ყოველ შემთხვევაში, მწვავე მოწამვლას მასთან ადგილი არ აქვს. მეტალებით შემცველობა ჯანმრთელი ადამიანის ორგანიზმშიც, დაბინძურებული გარემოს პირობებიდან გამომდინარე, შეიძლება იყოს რაღაც პროცენტული რაოდენობა. ეს მეორედ შესრულებული კვლევაა და ინტოქსიკაციის, მოწამვლის არანაირი ნიშანი ამ ანალიზით არ დასტურდება“, - აცხადებს ჩხაიძე, რომლის კომენტარს "იმედინიუსი" ავრცელებს.
ჩემს მიშიკოს:
1. დემენცია არ აღმოაჩნდა, 15 წლის წინანდელი ამბები ახსოვს;
2. მოწამლული არ არის.
მაშინ ვივა-მედმა თვითონ მოიფიქროს რაიმე ისეთი ავადმყოფობა, რითაც ციხიდან გამოვიხსნით. აბა სიმულანტობა თუ დადგინდა, ვინ გაუშვებს გარეთ?
ერთხელ, ხომ დადგა, ის ბედნიერი დღე, სოფოს დედის საცივი, რომ დააგემოვნა, იქნებ ახლა, ამჟამად ,,დედიიიიმისმა,, სცადოს??? ოღონდ, ისევ ცივი (გაყინული, გალურჯებული) ჭადი და პრასის მიტანა არაა საჭირო.