"ვინ იტყვის, რომ საქართველოს ხელმძღვანელობა არ შეიცვლება ანტირუსული რადიკალებით. ან იძულებული არ იქნება, თავად გახსნას მეორე ფრონტი?" - სერგეი შამბა
"ჩვენ ახლა დიდწილად ვართ დამოკიდებული საქართველოს შიდა პოლიტიკურ ვითარებაზე“, - ამის შესახებ ოკუპირებული აფხაზეთის ე,წ, უშიშროების საბჭოს "მდივანმა," სერგეი შამბამ ბრიფინგზე განაცხადა.
- "საქართველოს ამჟამინდელი ხელმძღვანელობა ინარჩუნებს ნეიტრალიტეტს რუსეთის მიმართ. უფრო მეტიც, იგი აქტიურად ეწინააღმდეგება უკრაინის ხელისუფლებისა და საკუთარი ოპოზიციის მცდელობებს, გახსნას მეორე ფრონტი რუსეთის წინააღმდეგ აფხაზეთსა და სამხრეთ ოსეთში", - აღნიშნა შამბამ.
მისივე თქმით, "მეზობელი ქვეყნის ასეთი პოლიტიკის უკან რუსოფილია ან ურთიერთობების მოწესრიგების სურვილი არ დგას. საქართველოს ხელისუფლების ასეთი ქცევა წმინდა პრაგმატული მიზეზებით არის გამოწვეული.
თუმცა, ვინ იტყვის, რომ არსებული ზეწოლის შედეგად საქართველოს ხელმძღვანელობა არ შეიცვლება ანტირუსული რადიკალებით ან იძულებული არ იქნება, თავად გახსნას მეორე ფრონტი?" - იკითხა შამბამ.
ცნობისთვის, მანამდე აფხაზეთის "საგარეო საქმეთა სამინისტროს" ე.წ. ხელმძღვანელმა, ინალ არძინბამ განაცხადა, რომ "საქართველოსთან ომის ალბათობა საკმაოდ მაღალია".