მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საქართველოს ხელისუფლება მენტალურად არის მიერთებული მოსკოვთან და ქვეყნის უსაფრთხოებას კრემლის პრიზმიდან უყურებს" - თინა ხიდაშელი
12:42 / 11-01-2023
თავდაცვის ყოფილი მინისტრის, თინა ხიდაშელის შეფასებით, საქართველოს ხელისუფლება მენტალურად არის მიერთებული მოსკოვთან და ქვეყნის უსაფრთხოებას კრემლის პრიზმიდან უყურებს.
როგორც მან "პალიტრანიუსის“ გადაცემა "ნიუსრუმში“ აღნიშნა, ტრაგედიაა, თუ ხელისუფლებაში ვინმე ფიქრობს, რომ რუსეთი იმ მდგომარეობაშია, სადღაც "მეორე ფრონტს“ გახსნის.
"საქართველოს ხელისუფლების მთავარი პრობლემა სწორედ ის არის, რომ ისინი ჩვენი ქვეყნის უსაფრთხოებას კრემლის პრიზმიდან უყურებენ. იმაში კი არ არის პრობლემა, რომ ვიღაც ჩვენი ხელისუფლებიდან "შნურით“ კრემლზეა მიერთებული. არა, ეს არ არის რეალურად ასე. მთავარი პრობლემა ის არის, რომ ისინი მენტალურად არიან მიერთებული მოსკოვთან და ამ შიშებთან: "რას იტყვიან კრემლში, როგორ იმოქმედებს ეს კრემლის პოლიტიკაზე“. თუ საქართველოს ხელისუფლებაში ვინმე არსებობს ისეთი, ვინც სინამდვილეში ლოგიკურად და დასაბუთებულად ფიქრობს, დღეს რუსეთი იმ მდგომარეობაშია, სადღაც "მეორე ფრონტი“ გახსნას, კიდევ უფრო დიდ ტრაგედიასთან გვქონია საქმე. ხვდებით, რა გადამეტებული წარმოდგენა აქვთ რუსეთის უძლეველობაზე?!“,-განაცხადა ხიდაშელმა.
მისი განმარტებით, რუსეთი პოლიტიკურად და სამხედრო თვალსაზრისით მკვდარია, რასაც ვერ ხვდება საქართველოს ამჟამინდელი ხელისუფლება.
"პასუხი მარტივი და მოკლეა - საქართველოს ხელისუფლების პირველმა, მეორე, მეშვიდე პირებმა ვერ გაიგეს, ვერ დაიჯერეს, ბოლომდე ვერ გააცნობიერეს, რომ რუსეთი პოლიტიკურად, სამხედრო თვალსაზრისით უკვე მკვდარია და დამარცხებული. ამაშია მთელი პრობლემა“, - განაცხადა ხიდაშელმა.
გარდა ამისა, მან უკრაინის საქმეთა დროებითი რწმუნებულის, ანდრეი კასიანოვის განცხადება შეაფასა, რომლის თქმითაც, კიევმა "ბუკის“ კომპლექსების გადაცემა ითხოვა. როგორც თინა ხიდაშელი აცხადებს, უკრაინის მხრიდან ასეთი მოთხოვნა არც მოულოდნელია და არც გაუგებარი.
"თავიდან თხოვნა იყო, იმის გათვალისწინებით, რომ უკრაინა სამხედრო დახმარებას ითხოვს ყველა მისი მეგობარი და პარტნიორი სახელმწიფოსგან, ბუნებრივია, ამ ჩამონათვალიდან საქართველო ვერ ამოვარდებოდა. იმედია, არც არასდროს ამოვარდება. მეგობარ და პარტნიორ სახელმწიფოდ დარჩება მიუხედავად იმ პერიოდული გაუგებრობის ტალღებისა, რომელიც ამ ურთიერთობებში გადაგვივლის ხოლმე. ამიტომ, ეს არ არის არც მოულოდნელი, არც გაუგებარი და არც უცნაური“, - განაცხადა ხიდაშელმა.
მკითხველის კომენტარები /
39 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სად დაიბადე და გაიზარდე ასეთი სამშობლოს მოძლე,გრანტებზე გაყიდულო.
კარგად გამოჩდა ჩანაწერში ვინაა რუსეთუმე ,რამდენი ხოშტარია გყოლია ,ფიქრობთ დიდხანს მოატყუებთ ხალხს ??