მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შემთხვევები მოიმატებს, მაგრამ არ მგონია ეპიდემიის სახე მიიღოს" - რას აცხადებს პაატა იმნაძე "მაიმუნის ყვავილზე", მისი გავრცელების მაჩვენებელზე, მიმდინარეობის სიმძიმესა და ვირუსის შეჩერების გზებზე
23:55 / 23-05-2022
თანამედროვე პირობებში ყვავილის გაჩერება არ არის ძალიან ძნელი, იმიტომ რომ ისეთი გადამდები არ არის, როგორიც კორონავირუსი იყო - ალბათ, "მაიმუნის ყვავილის“ შემთხვევები მოიმატებს, მაგრამ არ მგონია დიდი ეპიდემიის სახე მიიღოს, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ “პალიტრანიუსის“ გადაცემა "360 გრადუსში“ განაცხადა.
მისივე თქმით, "მაიმუნის ყვავილი“ ახალი არ არის და ის გასული საუკუნის 70-იან წლებში არის აღმოჩენილი.
იმნაძის განმარტებით, ყვავილების საწინააღმდეგო ვაქცინა არსებობს და ის “მაიმუნის ყვავილზეც“ საკმაოდ ეფექტიანია.
“ყვავილზე აცრა 1980 წლის მერე დედამიწაზე აღარ ხდება. ყვავილის ვაქცინა არსებობს და "მაიმუნის ყვავილის“ ვირუსისგანაც საკმაოდ ეფექტიანად იცავს. თუ საჭირო გახდება ეს ვაქცინა არსებობს, მსოფლიოს მისი წარმოების პოტენციალი გააჩნია, ასე რომ დიდ გართულებებს არ ველი, თუმცა, რა თქმა უნდა, ელემენტარული ჰიგიენური ნორმების დაცვა აუცილებელია”, - აღნიშნა პაატა იმნაძემ.
NCDC-ის ხელმძღვანელის მოადგილის თქმით, "მაიმუნის ვირუსი“ ძირითადად აფრიკაში არის გავრცელებული. მისი ორი ვარიანტი არსებობს: ცენტრალურ-აფრიკული და დასავლეთ-აფრიკული.
იმნაძის განცხადებით, ევროპის ქვეყნებში გავრცელებულია დასავლეთ-აფრიკული ვარიანტი, რომელიც უფრო მსუბუქი მიმდინარეობით ხასიათდება, ვიდრე ცენტრალურ-აფრიკული.
მისივე თქმით, ევროპის ქვეყნებსა და ამერიკაში დადასტურებული 100-მდე შემთხვევიდან მძიმე მიმდინარეობის არც ერთი ყოფილა.
"აფრიკის მონაცემებით, დასავლეთ-აფრიკული ვარიანტის ლეტალობა დაახლოებით, 1%-ია, იმიტომ რომ იქ პრაქტიკულად, სულ არის ხოლმე შემთხვევები. ცოტა უფრო მძიმე მიმდინარეობა ცენტრალურ-აფრიკულ ვარიანტს ახასიათებს. იქ ლეტალობა შეიძლება, 10%-მდეც ადიოდეს.
ჯერჯერობით, 100-მდე შემთხვევიდან, რაც ევროპასა და ამერიკაში არის დადასტურებული, არც ერთი არ ყოფილა მძიმე მიმდინარეობის, არც ერთი გარდაცვალება არ ყოფილა. უნდა დავაკვირდეთ სიტუაციას. მთელი მსოფლიო, ჩემი კოლეგები დაკვირვების რეჟიმში ვართ,“ - განაცხადა მან.
პაატა იმნაძის განმარტებით, მსგავს დაავადებებზე საქართველოში ზედამხედველობის სისტემა "კარგად არის აწყობილი“.
მისივე განმარტებით, "მაიმუნის ყვავილთან“ დაკავშირებით საშიში არაფერია და ამ დროისთვის, "განგაშის სიგნალი“ იმ ქვეყნებშიც კი არ არის ჩართული, სადაც ეს დაავადება გამოვლინდა.
"შიში არასოდეს არ არის კარგი. ჯერჯერობით არ უნდა გვეშინოდეს, საშიში ნამდვილად არაფერი არ არის. 2 დღის წინ დავბრუნდი ევროპის დაავადებათა კონტროლის ცენტრიდან. იქ სადაც ბევრი შემთხვევებია ევროპაში - იგივე ესპანეთში, პორტუგალიაში, დიდ ბრიტანეთში, იქაც კი არ არის ჯერჯერობით განგაშის მაღალი საფეხურები ჩართული. არაფერი ახალი არ არის. მაიმუნის ყვავილი 70-იან წლებში არის აღმოჩენილი.
როდესაც დედამიწაზე "ნატურალური ყვავილის“ ვაქცინაციის საშუალებით აღმოფხვრა მოხდა, იმ წლებში წამოყო სხვადასხვა ყვავილებმა/ნათესავმა ვირუსებმა თავი. მაგალითად, ეს იყო "მაიმუნის ყვავილი“, "ძროხის ყვავილი“ და სხვა. სხვათა შორის, საქართველოში რამდენიმე წლის წინ ყვავილის კიდევ ერთი ნაირსახეობა აღმოვაჩინეთ, რომელსაც "ახმეტა ვირუსი“ ვუწოდეთ, რადგან მთის საძოვრებში, მწყემსებში დადასტურდა. ასე რომ, საქართველოში ასეთ დაავადებებზე ზედამხედველობის სისტემა კარგად გვაქვს აწყობილი. საქართველოში "ძროხის ყვავილი“ ყოველწლიურად არა, მაგრამ რამდენიმე წელიწადში ერთხელ, 1-2 შემთხვევა ყოველთვის არის. "მაიმუნის ყვავილი“ ქვეყანაში არ ყოფილა, იმედია არც ახლა გვექნება, მაგრამ მზადყოფნა გვაქვს“, - აღნიშნა პაატა იმნაძემ.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბ-ნო პაატა, როგორც კი ჯანმო მაგისთვის ფულს გამოგიყოფთ, საქართველოში მაშინვე მოიმატებს შემთხვევები.
ეგრე იძახოდი კორონა ვირუსზე და მერე რა მოიფიქრეთ კარგად იცით