ალეკ ბოლდუინის რეაქცია, როდესაც აცნობეს, რომ მის მიერ გასროლილი ტყვიის შედეგად დაჭრილი ქალი გარდაიცვალა - მედიაში აქამდე უცნობი კადრები ვრცელდება
მედიაში ვრცელდება ვიდეო ჩანაწერი, სადაც ასახულია ალეკ ბოლდუინის რეაქცია, როდესაც მას გადასაღებ მოედანზე მომხდარი ინციდენტის დროს დაჭრილი ოპერატორის, ჰალინა ჰაჩინსის გარდაცვალების შესახებ აცნობეს. შოკირებულმა მსახიობმა თქვა - "არა" და სახეზე ხელები აიფარა.
დაკითხვის ოთახში სიჩუმე ჩამოწვა და მას შემდეგ, გაოგნებულმა და თავზარდაცემულმა მსახიობმა მხოლოდ ის თქვა, რომ ცოლისთვის უნდა დაერეკა და ოთახი დატოვა. ბოლდუინს შუბლზე ჰქონდა ხელები მიბჯენილი და ისე გავიდა დერეფანში.
"სულ ეს შემთხვევა მესიზმრება და სწორედ იმ დროს მეღვიძება, როცა იარაღიდან ვისვრი", - ამბობს მსახიობი.
უბედური შემთხვევა, გასულ წელს, ვესტერნის ჟანრის ფილმის, Rust-ის გადაღებებს უკავშირდება. გადასაღებ მოედანზე, ალეკ ბოლდუინმა ცეცხლსასროლი იარაღიდან გაისროლა, იარაღში ნამდვილი ტყვიები აღმოჩნდა. მოხდარის შედეგად ოპერატორი ქალი, ასევე ფილმის რეჟისორი - დაიჭრა. ოპერატორი ჰალინა ჰაჩინსი გარდაიცვალა.
მანამდე მედიაში გავრცელებული იყო ფოტოები, სადაც ბოლდუინის რეაქციები იყო აღბეჭდილი ტრაგიკული ინციდენტის შემდეგ, თუმცა იმ მომენტში მსახიობმა არ იცოდა, რომ გასროლას ოპერატორი ემსხვერპლა.
წყარო: marca
მოამზადა: ანა სიბოშვილმა