ამერიკული ბიოფარმაცევტული კომპანია რუსეთში ფილერსა და ბოტოქსს აღარ შეიტანს
ამერიკული ბიოფარმაცევტული კომპანია AbbVie რუსეთში ესთეტიკური სილამაზის პროცედურებისთვის საჭირო პროდუქტებს, მათ შორის, ბოტოქსსა და ფილერს აღარ შეიტანს. მიზეზი რუსი სამხედროების მიერ უკრაინაში შეჭრაა.
ამის შესახებ განცხადება კომპანიის ოფიციალურ ვებგვერდზეა გამოქვეყნებული.
“ჩვენი პრიორიტეტია უზრუნველვყოთ ჩვენი კოლეგების უსაფრთხოება და დავეხმაროთ პაციენტებს საჭირო მედიკამენტების მიღებაში.
იმის გამო, რომ უკრაინაში ტრაგიკული მოვლენები ვითარდება, AbbVie-მ რუსეთში შეაჩერა ოპერირება და ყველა სახის ესთეტიკური პროდუქტის შეტანა“, - ნათქვამია განცხადებაში.
გამოცემა Nexta აღნიშნულ გადაწყვეტილებას ასეთი პოსტით ეხმიანება: "უკრაინაში ომის გამო, ამერიკული ბიოფარმაცევტული კომპანია AbbVie რუსეთში ბოტოქსისა და ფილერის შეტანას აჩერებს, რაც ყველაზე პოპულარული პროდუქტებია რუსეთში, ესთეტიკურ მედიცინაში", - წერია "ტვიტერზე" გამოქვეყნებულ ინფორმაციაში და მას პუტინის შემდეგი ფოტო აქვს თან დართული:
