მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არავის ვეომებით, მაგრამ ყველამ უნდა გაითვალისწინოს, რომ არც არავისი გვეშინია" - გიორგი გახარია
20:12 / 27-07-2021
დავიწყებთ მუნიციპალური არჩევნებით, გავაგრძელებთ საპარლამენტო არჩევნებით და ქვეყნის შიგნითაც და გარეთაც ყველას ვაჩვენებთ როგორ უნდა იზრუნო ხალხთან ერთად და აშენო სახელმწიფო. რაც მთავარია - ჩვენ ეს შეგვიძლია! , - ამის შესახებ პარტია „საქართველოსთვის“ ლიდერმა გიორგი გახარიამ ჩხოროწყუში მხარდამჭერებთან შეხვედრაზე განაცხადა, სადაც პარტიის ხედვებზე ისაუბრა.
გახარიამ „ოცნებაში“ დარჩენილ „ღირსეულ ადამიანებზეც“ და ხელისუფლების მიერ პარტიის მხარდამჭერების შევიწროების მცდელობებზეც ისაუბრა.
„ბევრი კარგი ადამიანია იქით მხარეს, ჩვენც ხომ იქედან მოვედით - ჩვენც ხომ „ოცნების“ ნაწილი ვიყავით. იქ ბევრი ღირსეული ადამიანი დარჩა, მაგრამ უკვე უფრო სწრაფად არის ბევრი რამე გასაკეთებელი, უფრო ეფექტიანად, უფრო კეთილსინდისიერად არის გასაკეთებელი. ერთხელ და სამუდამოდ ერთმანეთის ჭამას, გინებას და ლანძღვას თავი უნდა დავანებოთ და უნდა ვთქვათ - ყველანი უნდა გავერთიანდეთ იმისთვის, რომ ჩვენ შვილებს ღირსეული მომავალი შევუქმნათ“, - განაცხადა გახარიამ.
პარტია „საქართველოსთვის“ თავმჯდომარის განცხადებით, ხელისუფლება უნდა მიხვდეს, რომ მისი მუქარების არავის ეშინია.
„კიდევ ერთხელ ვამბობ - არავის არ ვეომებით, მაგრამ ყველამ უნდა გაითვალისწინოს, რომ არც არავისი გვეშინია. ვერანაირი მუქარებით, რაღაც სამსახურიდან გაგდებებით ვერავის შეაშინებენ, საერთოდ ვერავის! მინდა თითოეულ ადამიანს ვუთხრა - იცოდეთ, რომ თითოეული თქვენგანის გვერდით ვდგავარ და აბა, მოვიდნენ და ვინმეს დაემუქრონ! ვერავინ ვერასოდეს გაბედავს ამ ქვეყანაში რიგითი ადამიანის დაშინებას იმით, რომ სამსახურს და ხელფასს დაკარგავს! ეს არის უღირსობა უბრალოდ.
„ნაცები“ იმ 2012 წელს სხვას არაფერს აკეთებდნენ. მაგრამ მიუხედავად ამისა, მაინც მჯერა და ვიცი, რომ იქ ბევრი ადამიანია დარჩენილი, რომელიც ქვეყნის მომავალზე ფიქრობს - განსაკუთრებით, საჯარო სამსახურში. საჯარო სამსახურში ბევრი ღირსეული ადამიანია, რომელსაც ჩვენ უნდა გავუფრთხილდეთ, ხელი გავუწოდოთ და ვუთხრათ, რომ გვესმის ყველაფერი და მოვა დრო, როდესაც ამ ქვეყნის მომავალზე ერთად უნდა ვიზრუნოთ და ერთად უნდა ვიბრძოლოთ“, - განაცხადა გახარიამ.
გიორგი გახარიამ მხარდამჭერებს პარტიის ხედვა გააცნო და აღნიშნა, რომ რეგიონებში სიღარიბის დასაძლევად პარტია „საქართველოსთვის“ კონკრეტული მუნიციპალიტეტების დონეზე განიხილავს მათთვის ეკონომიკური ფუნქციების განსაზღვრას.
„არ შეიძლება სამეგრელოში გლეხს, კეთილსინდისიერ მშრომელ ადამიანს უჭირდეს ისე, როგორც უჭირს დღეს. ეს არ შეიძლება - არასოდეს ასე არ ყოფილა. თითოეულ რაიონს, თითოეულ მუნიციპალიტეტს ან ძველი ფუნქცია უნდა აღვუდგინოთ, ან ახალი უნდა შევძინოთ და ამაში ჩვენ წინააღმდეგობის გაწევა კი არ გვჭირდება, დახმარება გვჭირდება. ზოგიერთებს, წლების წინ რომ ებრძოლათ „ნაცების“ წინააღმდეგ ისე, როგორც ახლა ჩვენ წინააღმდეგ იბრძვიან, ქვეყანა დღეს სხვაგან იქნებოდა და ბევრად უფრო წარმატებული იქნებოდა“, აღნიშნა გახარია.
გიორგი გახარიამ პარტიის მუნიციპალური არჩევნების შემდგომ საპარლამენტო არჩევნებში მონაწილეობაც დააანონსა.
„ჩვენ დავიწყებთ მუნიციპალური არჩევნებით, შემდგომ გავაგრძელებთ საპარლამენტო არჩევნებით და როგორ უნდა ხალხთან ერთად იზრუნო და აშენო სახელმწიფო, ამის მაგალითს ვაჩვენებთ ქვეყნის შიგნითაც ყველას და და ქვეყნის გარეთაც. რაც მთავარია - ჩვენ ეს შეგვიძლია!“ - განაცხადა გახარიამ.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჟერარ დეპარდიეს დეიდაშვილს გავს. "არც არავის ვემონები, არც ვბატონობ არავიის"
ეხ, ეხ ჩემო გახარია! ჩხოროწყუ, შეიძლება შენია, მააგრამ; ჩვენ უკვე გყვავდი პირველ პირად, გეკეთებინა, უფრო კარგად, უფრო ხარისხიანად, უფრო კეთილსინდისიერად, ვინ გიშლიდა??? და თუ გიშლიდა, თქვი შე კაცო კეთილსინდისიერად, პერსონალურად დაასახელე ის ხალხი, თუ ჯგუფი და როგორ გიშლიდნენ ხელს ისიც თქვი. აბა ეგრე რომ ამბობ ჰაერზე, იქითაც არიან კარგებიო, ჩვენ ხომ ვაართ და ვაართო. ფაქტები გვინდა ხალხს ფაქტები და დსკვნებს როგორმე ჩვენ, თვითონ გამოვიტანთ.