მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჩინეთში კორონავირუსის მხოლოდ 320 აქტიური შემთხვევაა, ქალაქი კი, საიდანაც ვირუსი გავრცელდა, შეზღუდვების გარეშე ცხოვრობს - გზა "ლოქდაუნიდან" თავისუფლებამდე
12:31 / 23-12-2020
კორონავირუსამდე ალბათ, ბევრს ჩინეთის ქალაქ უხანის შესახებ არც სმენოდა, თუმცა დღეს მისი სახელი ყველამ იცის. უხანი ის ადგილია, სადაც ოფიციალური ცნობით, კორონავირუსის ახალი შტამი, Covid-19 გაჩნდა და საიდანაც ვირუსი მალე მთელ მსოფლიოს მოედო.
უხანში თვეების განმავლობაში მოქმედებდა უმკაცრესი კარანტინის რეჟიმი, აკრძალული იყო ქალაქიდან გასვლა და იქ შესვლა.
დღეს კი, მაშინ, როცა დანარჩენი მსოფლიო აკრძალვებით ცხოვრობს, უხანში ყველა შეზღუდვა მოხსნილია და ადამიანები ნორმალურ ყოფას დაუბრუნდნენ.
თუ ოფიციალურ მონაცემებს დავეყრდნობით, ჩინეთში, საერთო ჯამში, კორონავირუსის 86 882 შემთხვევაა გამოვლენილი, გარდაცვლილია 4 634 ადამიანი, გამოჯანმრთელდა 81 928 პაციენტი და ქვეყანაში ამ დროისთვის ვირუსის მხოლოდ 320 შემთხვევაა აღწერილი. კორონავირუსით ინფიცირებულთა საერთო რაოდენობით ჩინეთი ახლა მსოფლიოს მე-80 ქვეყანაა. ბოლო 24 საათში იქ კორონავირუსის 15 შემთხვევაა აღწერილი.
უხანში კი ბოლო 7 თვეა კორონავირუსის არც ერთი შემთხვევა აღარ დაფიქსირებულა. ადამიანები ჩვეულებრივად ცხოვრობენ, უმეტესობა პირბადესაც აღარ ატარებს, იმართება ხალხმრავალი წვეულებები, ღამის ცხოვრება აქტიურ რიტმს დაუბრუნდა, ადამიანები აღარ უფრთხიან თავყრილობებს, არც სხვადასხვა მუსიკალური ფესტივალების მოწყობას. მარტივად რომ ვთქვათ, უხანში ისე ცხოვრობენ, როგორც ვირუსის გაჩენამდე, თუმცა რთული სათქმელია, როგორ მიაღწიეს ამ შედეგს.
უნდა ითქვას, რომ ჩინეთს უკვე აქვს კორონავირუსის საწინააღმდეგო ვაქცინები, რომლებიც კომპანიების Sinovac-ისა და Sinopharm-ის მეცნიერებმა შექმნეს. აღსანიშნავია, რომ არც ერთი ჩინური ვაქცინა არ დაუმტკიცებია ჯანდაცვის მსოფლიო ორგანიზაციას. მიუხედავად ამისა, "სინოვაკის“ ვაქცინით ჩინეთში ვაქცინაცია უკვე რამდენიმე თვეა დაწყებულია, თუმცა ვაქცინაცია ჯერჯერობით უტარდებათ მხოლოდ მედიკოსებსა და სხვა რისკ-ჯგუფებს, მასშტაბური ვაქიცინაცია არ დაწყებულა. ამიტომაც ვერ ვიტყვით, რომ კორონავირუსთან ბრძოლის კუთხით ჩინეთის წარმატება ვაქცინასთან არის დაკავშირებული.
აღსანიშნავია ის ფაქტიც, რომ კორონავირუსის წარმომავლობის შესასწავლად ჯანდაცვის მსოფლიო ორგანიზაციის მეცნიერები გაემგზავრნენ უხანში და ადგილზე გამოიკვლევენ ყოველივეს. კვლევას შესაძლოა რამდენიმე თვე დასჭირდეს.
მანამდე კი ნახეთ ფოტოები, რომელზეც უხანის დღევანდელი ცხოვრებაა აღბეჭდილი.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ხდება? ქვეყანა სადაც ჩინეთის ქალაქის ორი კორპუსის მოსახლეობა ცხოვრობს, რატომ არის ყოველდღე ასი ჩინეთის დოზა ინფიცირებული?
ჩინეთმა კი ,,მოჭიმა,, მსოფილო, თუ მანამდე მათი ეკონომიკა სუპერ სისწრავით წიმ მიწევდა, ეხლა აჯერ უფრო წინ მიიწევს, მთელი მსოფლიო ჩინეთის საქონელს მოიხმარს, არ მანამდე აკლდათ მაგრამ ეხლა საერთოდ....
დროა უხანაში დავგეგმოთ შვებულების გატარება (თუ შეგიშვეს რა თქმა უნდა :)