მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თენგიზ ცერცვაძე აგრესიულ ტესტირებაზე მარინა ეზუგბაიას განცხადებას ეხმაურება
18:29 / 25-04-2020
მარინა ეზუგბაიამ, დიდი ალბათობით, იგულისხმა, რომ საქართველო მოახერხებს ეპიდემიის შეჩერებას და მისი დაღმავალი გზით გაშვებას, - ამის შესახებ ინფექციური საავადმყოფოს დირექტორმა თენგიზ ცერცვაძემ ჟურნალისტებს განუცხადა.
ამით ცერცვაძე გამოეხმაურა ამავე საავადმყოფოს სამედიცინო დირექტორის მარინა ეზუგბაიას განცხადებას, რომელმაც იმედი გამოთქვა, რომ კვლევები აგრესიული ტესტირების გარეშე ჩატარდება და ინფიცირების მაჩვენებელი მაღალი არ იქნება.
ცერცვაძის განცხადებით, თუ ეპიდემია დაღმავალი გზით წავიდა, აგრესიული ტესტირების საჭიროება აღარ იქნება, თუმცა მან ასევე დასძინა, რომ ნაკლებ სავარაუდოა, ეს ასე მარტივად მოხერხდეს.
"მარინა ეზუგბაიამ, დიდი ალბათობით, იგულისხმა, რომ საქართველო მოახერხებს ეპიდემიის შეჩერებას და მისი დაღმავალი გზით გაშვებას. თუ ეპიდემია წავიდა დაღმავალი გზით, როგორც ეს ხდება მაგალითად, გრიპის დროს, მაშინ არც აგრესიული ტესტირების საჭიროება იქნება. თუმცა პირადად მე არ მგონია, რომ ეს ასე იოლად მოხერხდება.
მე მაინც ვფიქრობ, რომ ჯერ იქნება მატება, სადღაც თვის ბოლოს მივაღწევთ პიკს, შემდეგ იქნება პლატო და უკვე ამის შემდეგ შეიძლება წავიდეს დაღმავალი გზით. ჩემი პოზიცია ასეთია, რომ ჩვენ მოგვიწევს კოვიდთან თანაცხოვრება, ე.წ. კოჰაბიტაცია" - განაცხადა ცერცვაძემ.
ცნობისთვის, ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა, რომ დღე-ღამეში კორონავირუსით ინფიცირების 25 ახალი შემთხვევის გამოვლენა მთელი ქვეყნის მასშტაბით აგრესიული ტესტირების ჩატარებამ განაპირობა.
„ვიმედოვნებთ, რომ შემდგომ დღეებში აგრესიული ტესტის გარეშე ჩატარდება კვლევები და ეს მაჩვენებელი ასეთი არ იქნება”, - აღნიშნა ეზუგბაიამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
