მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კონსტანტინე გამსახურდია ბიძინა ივანიშვილის განცხადებას ეხმაურება - "სჯობს გვიან, ვიდრე არასდროს"
20:10 / 29-03-2019
რა თქმა უნდა, ახლა ეს პოლიტიკური ნაბიჯია, მაგრამ საქმის რაკურსიდან თუ შევხედავთ, სჯობს გვიან, ვიდრე არასდროს, - ამის შესახებ კონსტანტინე გამსახურდიან "ინტერპრესნიუსს" განუცხადა, რითაც გამოეხმაურა ზვიად გამსახურდიას გარდაცვალების საქმეზე ბიძინა ივანიშვილის განცხადებას.
კონსტანტინე გამსახურდიას თქმით, მიუხედავად იმისა, რომ აღნიშნულ საქმეზე მმართველი გუნდის წევრების მხრიდან დღეს საუბარი შესაძლოა, პოპულისტური ნაბიჯი იყოს, გამოძიების თვალსაზრისით მაინც კარგია.
"უცნაურია, რომ 7 წელია არ ახსენდებათ ეს საქმე, რომელიც ბედის ანაბარა არის მიტოვებული. სანამ პროკურატურაში არჩილ კბილაშვილი იყო, ეს საქმე წლების მანძილზე თაროზე შემოდებული რჩებოდა. შემდეგ დაკვალიფიცირდა, მაგრამ პრაქტიკულად არანაირი სერიოზული, აღნიშნვნის ღირსი საგამოძიებო ქმედება არ ჩატარებულა. მხოლოდ ჩვენი შიმშილობის შემდეგ გამოიბერტყა ყურები ხელისუფლებამ და გააგრძელა გამოძიება ერთი მხრივ და მეორე მხრივ, დააანონსეს შედარებით სერიოზული ნაბიჯების გადადგმა გამოძიების მიმართულებით. რა თქმა უნდა, ახლა ეს პოლიტიკური ნაბიჯია, მაგრამ საქმის რაკურსიდან თუ შევხედავთ, სჯობს გვიან ვიდრე არასდროს. როდესაც ამხელა პოლიტიკური გავლენის მქონე ადამიანი შეეხება ამ საქმეს, რა თქმა უნდა ეს საქმის გამოძიებისთვის კარგია.
კიდევაც რომ ჰქონდეს ბიძინა ივანიშვილის განცხადებას პოპულისტური მხარე, ეს მაინც კარგია. ზვიად გამსახურდიას ფიგურა დღეს მაინც რაღაცნაირად კრავს ამ დაგლეჯილ ქვეყანას, სადაც ქვეყნის პოლიტიკური სისტემა დაყოფილი და ერთმანეთს წაკიდებულია. ამ მხრივ არის ზვიად გამსახურდიას ფიგურა სრულიად უნიკალურია" - განაცხადა კონსტანტინე გამსახურდიამ.
"ის, რომ საქართველოს პირველი პრეზიდენტის დაღუპვის გარემოებები დღემდე გამოუძიებელია, ჩვენი ქვეყნის დიდი სირცხვილია", - ასე გამოეხმაურა პარტია "ქართული ოცნების" დამფუძნებელი და თავმჯდომარე ბიძინა ივანიშვილი საქართველოს პირველი პრეზიდენტის ზვიად გამსახურდიას დაბადებიდან 80 წლისთავს. ბიძინა ივანიშვილის განცხადებით, ზვიად გამსახურდიას გარდაცვალების გამოძიების საქმე დროულად უნდა მივიდეს ბოლომდე და ყველაფერს თავისი სახელი დაერქავას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
