მეგან მარკლი ქმრის გარეშე გამოჩნდა - ჰერცოგინია "ჟივენშის" კაბაში ბრწყინავდა

მეგან მარკლი გამოფენაზე ქმრის გარეშე მივიდა. Daily Express-ის ინფორმაციით, სასექსის ჰერცოგინიას ღონისძიებისთვის 2 510 ფუნტად ღირებული „ჟივენშის“ შავი კაბა და Aquazzura-ს 490 ფუნტიანი ფეხსაცმელი ეცვა. ხელჩანთა კი, რომელიც მეგანს ეჭირა, გამოცემის ინფორმაციით, 1390 ფუნტი ღირს. მარკლის შავმა კაბამ ყველა მოხიბლა, სოციალური ქსელების მომხმარებლები და ჟურნალისტები ერთხმად აღნიშნავენ, რომ მეგანი ამჯერადაც თვალისმომჭრელად გამოიყურებოდა.

სასექსის ჰერცოგინია სტუმრების ნაკადს შეუერთდა ხელოვნების სამეფო აკადემიის მიერ გამართული გამოფენის დასათვალიერებლად. ღონისძიებაზე 200 ნამუშევარია წარმოდგენილი. მეგანი გამოფენის ორგანიზატორებს და ხელოვანებს გაესაუბრა.

ნახეთ ვიდეო : მეგან მარკლი მეუღლის გარეშე გამოჩნდა

გამოფენაზე დამთვალიერებლებს საშუალება ჰქონდათ ეხილათ ახალი ზელანდიიდან, ფიჯიდან, ავსტრალიიდან და ტონგადან ჩამოტანილი ექსპონატები. ექსპოზიციები შემთხვევით არ ყოფილა შერჩეული, სწორედ ამ ქვეყნებს მოინახულებენ სასექსის ჰერცოგი და ჰერცოგინია პირველი ოფიციალური საერთაშორისო ტურნეს დროს, რომელიც 16 ოქტომბერს დაიწყება.