პეტერბურგის მეტროპოლიტენში აფეთქების სავარაუდო ორგანიზატორი კამერებმა დააფიქსირა

გავრცელებული ინფორმაციით, სანკტ-პეტერბურგის მეტროში დღეს მომხდარი აფეთქების სავარაუდო ორგანიზატორი მეტროპოლიტენის კამერებმა დააფიქსირა. ამის შესახებ "ინტერფაქსს" წყარომ აცნობა.

ზოგიერთი მონაცემით, ასაფეთქებელი მოწყობილობა მეტროს ვაგონში დატოვებულ პორტფელში იყო მოთავსებული.

"ინტერფაქსს" ამ ინფორმაციის ოფიციალური დასტური ამ დროისთვის არ გააჩნია.

სანკტ-პეტერბურგის ორ მეტროს სადგურს შორის აფეთქება დღეს ადგილობრივი დროით 14:00 საათზე მოხდა, რის შედეგადაც, დაზუსტებული ინფორმაციით, დაიღუპა 9 და დაშავდა 20 ადამიანი.

ვიდეო: უწყვეტი პირდაპირი ეთერი სანტ-პეტერბურგიდან

წაიკითხეთ: პეტერბურგის მეტროპოლიტენში აფეთქების სავარაუდო ორგანიზატორი კამერებმა დააფიქსირა