23
მარტიდღის ზოგადი ასტროლოგიური პროგნოზი
ანტიბიოტიკების არარაციონალური გამოყენება მსოფლიოში უდიდეს პრობლემად იქცა. სამედიცინო სფეროს წარმომადგენლების განმარტებით, ბუნებრივი ანტივირუსული და ანტიმიკრობული მოქმედების მქონე საშუალებების პრაქტიკაში ფართოდ გამოყენება მეტად მნიშვნელოვანია. ანტობიოტიკებისგან განსხვავებით, მათ მიმართ რეზისტენტობა არ ვითარდება. სწორედ ასეთ ფიტობიოტიკს - "უმკალორს" მიეძღვნა საერთაშორისო სამეცნიერო კონფერენცია თბილისში, რომელიც კომპანია "ალპენ ფარმას" წარმომადგენლობამ საქართველოში გამართა. კონფერენციის თემა მწვავე რესპირაციული ინფექციების მართვა იყო.
კონფერენციის მხარდამჭერია სამედიცინო ჟურნალი "ოჯახის მკურნალი", რომელიც, ასევე, სამედიცინო კონფერენციებში მონაწილეობითა თუ სხვა მეთოდებით აქტიურად ზრუნავს სამედიცინო პერსონალის კვალიფიკაციის ამაღლებაზე. ჟურნალი მიესალმება ბუნებრივი და ნატურალური მედიკამენტების ფართო გამოყენებას პრაქტიკაში.
ღონისძიებაზე, რომელსაც თერაპევტები, ოჯახის ექიმები და პედიატრები ესწრებოდნენ, უცხოელმა და ქართველმა სპიკერებმა განიხილეს მწვავე რესპირატორული ინფექციების აქტუალობა და მართვის ზოგადი პრინციპები.
"რესპირაციული ინფექციები გლობალური პრობლემაა. გრიპის შემთხვევაში პერიოდულად ჩნდება პანდემიები, რაც, სამწუხაროდ, ხშირად სიკვდილით მთავრდება. ეს პრობლემა განსაკუთრებით მწვავედ ბავშვებში დგას. ჩემთვის, როგორც პედიატრისთვის, მთავარი ამოცანაა ვირუსებისგან დავიცვა პატარა, რომელსაც იმუნური დაცვის მექანიზმი სრულად არ აქვს ფორმირებული. ფარმაცევტული კომპანიების მიერ შემოთავაზებული სამკურნალო საშუალებების არსენალი უფრო იხვეწება და მრავალფეროვანი ხდება. აქტიურად ჩნდება ახალი პრეპარატები. პედიატრები უპირატესობას ვანიჭებთ კომპლექსური ქმედების მქონე მედიკამენტებს, რაც საშუალებას გვაძლევს, რომ პოლიპრაგმაზიას ავარიდოთ თავი,"- განმარტავს უკრაინის მედიცინის მეცნიერებათა დოქტორი ელენე კოლოსკოვა.
გერმანიისა და ამერიკის შეერთებული შტატების საპატიო დოქტორის ანდრეას შაპოვალი კონფერენციის დამსწრე 300 ქართველს ექიმს ესაუბრა, რესპირაციულ დაავადებებზე, ფიტობიოტიკ "უმკალორზე" და მისი მოქმედების სამმაგ მექანიზმზე. "უმაკლორის" გამოყენება შესაძლებელია გაციების დასაწყისიდანვე და გართულებების გამოვლენისასაც. მას ნიშნავენ ლარინგიტის, ფარინგიტის, ტონზილიტის, რინიტის, ჰაიმორიტის და ბრონქიტის დროს.
"დღეს მცენარეული მედიკამენტი "უმაკლორი" მრავალი ქვეყნის კლინიკურ და ფარმაცევტულ პრაქტიკაში ფართოდ გამოიყენება. თუმცა ის ახალი მედიკამენტი არაა და მას ჯერ კიდევ საუკუნეების წინ აფრიკის მოსახლეობა ძლიერი ხველის საწინააღმდეგოდ იყენებდა. მედიკამენტის შემადგენელ მთავარ მცენარეს მათ ენაზე უმკალოაბო ქვია. სწორედ აქედან მოდის პრეპარატის თანამედროვე დასახელებაც. თუმცა, "უმაკლორმა", რომელსაც ანტიბაქტერიული კუთხით ხშირად გამოვიყენებთ, მრავალი ეტაპი გაიარა, ვიდრე ასეთ ფორმას მიიღებდა. ის არ არის მხოლოდ დაუმუშავებელი მცენარე, რომელსაც აფრიკელები გამოიყენებდნენ," - განმარტავს ანდრეას შაპოვალი.
ქართულ ბაზარზე "უმაკლორი" შვეიცარიულმა ფარმაცევტულმა კომპანიამ "ალპენ ფარმამ" შემოიტანა. კომპანია გერმანულ პროდუქციის დისტრიბუციას ახორციელებს. "ალპენ ფარმას" პრეპარატები ძირითადად მცენარეულ, ნატურალურ, ბუნებრივ ექსტრაქტებზეა დამზადებული.
"ალპენ ფარმა" ქართულ ფარმაცევტულ ბაზარზე ერთ-ერთი გამორჩეული კომპანიაა. მისი მთავარი ნიშა ხარისხიანი მედიკამენტებია. მნიშვნელოვანია, რომ ეს კომპანია ძირითად აქცენტს მცენარეულ პრეპარატებზე აკეთებს. მათი მედიკამენტების უმეტესობა სიმპტომური მკურნალობისთვის გამოიყენება. "ალპენ ფარმას" არ აქვს ანიბიოტიკები, თუმცა აქვს პრეპარატები, რომლებსაც ადგილობრივი ანტიბაქტერიული ეფექტი აქვს. ისინი გამოიყენება ბრონქიტის, სინუსიტის, ფარინგიტის - ყველა იმ დაავადების სამკურნალოდ, რომელიც ექიმს პირველადი ჯანდაცვის რგოლში ხვდება. მეორე მხრივ, აღსანიშნავია, კომპანიის საგანმნათლებლო საქმიანობა. "ალპენ ფარმა" აწყობს უამრავ კონფერენციას, სადაც მაღალი დონის უცხოელი სპიკერები ჩამოყავთ ხოლმე. კონფერენციებზე აქცენტი კეთდება არა კომპანიის კონკრეტულ მედიკამენტებზე, არამედ პრობლემასა და მასთან ბრძოლის საშუალებებზე," - ამბობს საქართველოს რესპირაციული ასოციაციის გამგეობის თავმჯდომარე ივანე ჩხაიძე.
