23
მარტიდღის ზოგადი ასტროლოგიური პროგნოზი
ბრიტანეთში დიდი პოპულარობით სარგებლობს დამკრძალავი ბიურო სახელწოდებით A.W. Lymn, რომელიც პირველ რიგში გრანდიოზული ავტოპარკით გამოირჩევა. კომპანიას უძვირფასესი ავტომობილები ჰყავს - მათ შორის 39 "როლს-როისი" და "ბენტლი".
ფირმის უახლესი "როლს-როისები" კლასიკურ "gregorian silver" ფერშია გადაწყვეტილი. ამ დროისთვის საქმეს 15 Rolls-Royce Phantom აკეთებს. ორი Phantom ახლა მზადდება (ვენეციაში), ახლო მომავალში კი კიდევ 5 "როლსის" გადაკეთებაა დაგეგმილი. "ერთი ჩვეულებრივი Phantom-ის ექსკლუზიურ "კატაფალკად" გადაკეთებას 6 თვე და 500 000 ფუნტი სჭირდება. მანქანები ნოტინგემიდან იტალიაში ჩაგვყავს. ხარჯების დაზოგვის მიზნით, უახლეს ეგზემპლარებს კი არ ვყიდულობთ, არამედ მეორადებს," - აცხადებს ფირმის საავტომობილო მიმართულების კოორდინატორი რობ ლიპიტი.
ცხადია, "როლს-როისით" უკანასკნელი გასეირნება იაფი არ არის. "ჩვენი მომსახურება ყვავილების გარეშე 10 000-დან 15 000 ფუნტი ღირს. თუმცა ეს ფასი შეიძლება გაორმაგდეს კიდეც - გააჩნია, სჭირდება თუ არა კლიენტს ესკორტი და სად ხდება დასაფლავება," - ამბობს რობ ლიპიტი.
