ვიქტორ იანუკოვიჩის შვილთან დაკავშირებით ურთიერთგამომრიცხავი ინფორმაციები ვრცელდება
უკრაინელი ოპოზიციონერი, ნესტორ შუფრიჩი ვიქტორ იანუკოვიჩის შვილის გარდაცვალებას ადასტურებს. "სამწუხაროდ ეს მართალია" , - განაცხადა პოლიტიკოსმა "ბიბისისთან" საუბრისას. უკრაინის ყოფილი პრეზიდენტის უმცროსი შვილის სიკვდილის ფაქტს ადასტურებს უკრაინელი დეპუტატი, ანტონ გერაშენკოც.
გავრცელებული ცნობით, ვიქტორ იანუკოვიჩის ვაჟი სპორტული ღონისძიების ფარგლებში ავტომობილით ბაიკალის ტბაზე გასვლას ცდილობდა, თუმცა, მოულოდნელად ყინული ჩატყდა და ის წყალში ჩავარდა. მანქანაში მასთან ერთად კიდევ ხუთი ადამიანი იმყოფებოდა, დანარჩენებმა თავის გადარჩენა შეძლეს.
ვიქტორ იანუკოვიჩის 33 წლის ვაჟის გარდაცვალებას არ ადასტურებს რუსეთის საგანგებო სიტუაციების სამინისტრო. უწყების ოფიციალურ გვერდზე წერია, რომ გუშინ ბაიკალის ტბაში ერთი ადამიანი მართლაც დაიხრჩო, თუმცა, დაღუპულის ვინაობას არ ასახელებენ.
უკრაინის ექსპრეზიდენტის ვაჟი, რომელსაც ასევე ვიქტორი ერქვა, ექსტრემალური რბოლის მოყვარული იყო.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
