ვიქტორ იანუკოვიჩი - უკრაინამ ცალი ფეხი სამოქალაქო ომში შედგა

უკრაინის ყოფილი პრეზიდენტი ვიქტორ იანუკოვიჩი უკრაინელ სამხედროებს მოუწოდებს, "ტურჩინოვის უკანონო ბრძანება" არ შეასრულონ. ამის შესახებ იანუკოვიჩმა როსტოვიდან გაკეთებულ მიმართვაში განაცხადა.

"უკრაინამ ცალი ფეხი შედგა სამოქალაქო ომში. ამისთვის ახალი ხელისუფლების სისხლის სამართლებრივი პასუხისმგებლობა დადგება", - განაცხადა იანუკოვიჩმა.

მისივე მტკიცებით, ძალისმიერი ოპერაციის შესახებ გადაწყვეტილება კიევმა მიიღო მას შემდეგ, რაც ალექსანდრე ტურჩინოვი აშშ-ს ცენტრალური სადაზვერვო სამსახურის უფროსს ჯონ ბრენანს შეხვდა.

უკრაინის უშიშროების საბჭოში კი, უარყვეს ინფორმაცია ბრენანის რაიმე გავლენის შესახებ კიევის გადაწყვეტილებაზე.

კიევმა ფართომასშტაბიანი ანტიტერორისტული ოპერაციის დაწყების შესახებ განაცხადა.