სოჭის ოლიმპიადის დროს წესრიგს კაზაკებიც დაიცავენ

სოჭში, ოლიმპიური თამაშების დროს წესრიგს 400-ზე მეტი კაზაკიც დაიცავს. ინფორმაციას ტელეკომპანია "დოჟდი" ავრცელებს.

ყუბანის კაზაკთა ჯარის წარმომადგენლის განცხადებით, კაზაკები სპორტსმენების, უცხოური დელეგაციებისა და ტურისტების უსაფრთხოებას დაიცავენ. ისინი მოვალეობას კაზაკთა ფორმაში გამოწყობილები პოლიციელებთან ერთად შეასრულებენ.

"სოჭში 410 კაზაკი უკვე ჩავიდა და ისინი მონაწილეობას მიიღებენ ქალაქში წესრიგის დაცვაში პარაოლიმპიური თამშების დასრულებამდე", - განაცხადა კაზაკთა ჯარის წარმომადგენელმა.

ამასთან, ტელეკომპანია "დოჟდის" ინფორმაციით, ყუბანი რუსეთის პირველი რეგიონია, სადაც 2012 წლის 1 სექტემბრიდან კაზაკთა ბრიგადები ამოქმედდა. მათ უფლებამოსილებაში შედის საბუთების შემოწმება. გარდა ამისა, კაზაკებს უფლება აქვთ სამართალდამრღვევები შინაგან საქმეთა ორგანოებში მიიყვანონ.

მომზადებულია tvrain.ru-ს მიხედვით.