მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სტაიანშიკები" და "სითი პარკი" გარიგდნენ?!
23:15 / 20-09-2013
სტაიანშიკების სამსახური 2007 წელს ოფიციალურად გაუქმდა. იმავე წელს დედაქალაქის მერიის მიერ გამოცხადებულ ტენდერში პარკირების ორგანიზების უფლება 15 წლით კომპანია "სითი პარკმა" მოიპოვა. "სითი პარკის" 6-თვიანი ქვითრის ფასი 25 ლარით განისაზღვრა. მერიის ამ გადაწყვეტილებას სტაიანშიკების პროტესტი მოჰყვა, მაგრამ ქალაქის მერმა განაცხადა, რომ ის "სტაიანშიკების" დევნას არ აპირებდა და მძღოლების ქველმოქმედების იმედად შეეძლოთ მუშაობის გაგრძელება. ასეა თუ ისე, პარკირების პრობლემა თბილისში კვლავ მოუწესრიგებელია და მძღოლებიც დაბნეულები არიან. მათი უკმაყოფილება "სითი პარკის" მიმართ ყოველდღიურად იზრდება. ზოგი იმაზე დარდობს, რომ ქვითრის ქონის მიუხედავად, მაინც უწევს "სტაიანშიკისთვის" თანხის გადახდა, ზოგი კი "სითი პარკს" უკანონო დაჯარიმებაში ადანაშაულებს.
გია მიქაძე: - არაერთხელ მქონია ასეთი შემთხვევა, გამიჩერებია მანქანა და მითხოვია "სტაიანშიკისთვის", რომ ყურადღება მიექცია, რათა "სითი პარკს" არ დავეჯარიმებინე. გამოვსულვარ, არანაირი ქვითარი არ დამხვედრია და შემდეგ იმ ადგილას არასწორი პარკირებისთვის ჯარიმა მომსვლია. დარწმუნებული ვარ, ქვითრებს "სტაიანშიკები" იპარავენ, რათა შემდეგ მძღოლისგან გასამრჯელო არ დაკარგონ. ამ ბოლო დროს იმაშიც ვრწმუნდები, რომ "სითი პარკი" და "სტაიანშიკები" გარიგებულები არიან. გეტყვიან - მობრძანდი, შეიძლება გაჩერებაო და უცბად, ჩნდება "სითი პარკი" და გაჯარიმებს.
ნათია გედენიძე: - ჩემმა მეუღლემ აღმაშენებლის გამზირზე გააჩერა ავტომობილი, ქვითარი ჰქონდა, მაგრამ "სტაიანშიკმა" თანხის გადახდა მოსთხოვა. გადავამოწმეთ და აღმოჩნდა, რომ ტერიტორია "სითი პარკს" ეკუთვნის და პარკირებისთვის დამატებითი თანხის გადახდა საჭირო არ იყო.
გიორგი სვანიძე: - ვერ ვხვდები, რატომ არის საჭირო "სითი პარკის" ქვითრის შეძენა: მანქანას სადაც ვაჩერებ, მოდის "სტაიანშიკი" და თანხის გადახდას მთხოვს. ბევრჯერ 10 ლარით დავუჯარიმებივარ "სითი პარკს", მაგრამ ჯარიმის ფურცელი დაკარგულა. მასაც "სტაიანშიკები" იპარავენ და თუ ვერ გაიგე, რომ დაჯარიმდი და დროულად არ გადაიხადე, კიდევ 100 ლარით დაჯარიმდები".
"ყველა სიახლე" "სითი პარკის" პიარმენეჯერ ლევან ტაბიძეს დაუკავშირდა:
- რა აღარ მომისმენია "სითი პარკზე" მძღოლებისგან. კანონი "სტაიანშიკებს" მუშაობას არ უკრძალავს, შესაბამისად, ეს ვერ დარეგულირდება. თუ მძღოლს აქვს "სითი პარკის" ქვითარი, თბილისის მასშტაბით ყველგან შეუძლია მანქანის უფასო პარკირება, კერძო ავტოსადგომების გარდა. "სტაიანშიკს" კი სურვილისამებრ უხდის თანხას. კანონი ამას არ ავალდებულებს.
- მძღოლები ჩივიან, რომ "სტაიანშიკები" თქვენს კომპანიასთან შეთანხმების საფუძველზე მათ 10-ლარიანი ჯარიმის ქვითრებს ჰპარავენ...
- ხელს ვერავის დავადებ, მაგრამ არის შემთხვევები, როცა ჯარიმის ქვითარი იკარგება. ამის გათვალისწინებით, ჯარიმის გადახდის ათვლა არ იწყება მანამ, ვიდრე ის მძღოლს იურიდიულ მისამართზე არ მიუვა.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
