მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შესაძლოა ნასვამი არ იყო და ალკოტესტი მაინც გაწითლდეს"
23:15 / 16-08-2013
ახლახან საქართველოს პარლამენტში განიხილეს ცვლილებები "ადმინისტრაციულ სამართალდარღვევათა კოდექსში", რომელიც ნასვამი მძღოლებისთვის პირველივე შემთხვევისას, მართვის უფლების ერთი წლით ჩამორთმევას ითვალისწინებს. პარლამენტართა ნაწილმა ეს ნორმა ზედმეტად მკაცრად მიიჩნია, ერთ-ერთმა ისიც თქვა, სჯობს პირველ ჯერზე ჯარიმა გავზარდოთ, ის დაახლოებით იმდენი უნდა იყოს, რამდენიც მძღოლს პურმარილი დაუჯდაო. ამ მეტად აქტუალურ საკითხზე საგზაო სატრანსპორტო შემთხვევების ექსპერტი, იურისტი ნუკრი კვინიკაძე გვესაუბრება:
- გააჩნია, რა ხარისხის ნასვამობა დაექვემდებარება ამგვარ მკაცრ სანქციებს, არსებობს მსუბუქი, საშუალო და მძიმე ხარისხის სიმთვრალე, ჩვენი კანონმდებლობისთვის კი არავითარი მნიშვნელობა არა აქვს, რამდენად ნასვამია მძღოლი, ყველა ერთ ტაფაზე იწვის... ტრადიციებიც გასათვალისწინებელია, ზოგჯერ საფლავზე გავდივართ, ერთ ჭიქა ღვინოს ვსვამთ. 50 გრამი სასმელის მიღება არ შეიძლება უგონო სიმთვრალესთან გაიგივდეს. მეტიც, ზოგიერთი კვლევა ადასტურებს, რომ მსუბუქად ნასვამი მძღოლი მეტად კონცენტრირებულია, რეაქციისთვისაც ნაკლები დრო სჭირდება, საფრთხეს უფრო დროულად აღიქვამს, არც სწრაფად მოძრაობს, რომ საპატრულო პოლიციამ არ გააჩეროს. ვფიქრობ, მსუბუქი ხარისხის სიმთვრალეზე სანქციები არ უნდა იყოს, ხოლო რაც შეეხება მძიმე ხარისხის სიმთვრალეს, კანონი მკაცრი უნდა იყოს, არათუ მართვის უფლების ჩამორთმევას, შეიძლება, 6 თვით ადმინისტრაციულ პატიმრობასაც ითვალისწინებდეს ჯარიმასთან ერთად.
- შესაძლებელია თუ არა მძღოლის სიმთვრალის ხარისხის დადგენა?
- ამჟამინდელი ალკოტესტი, შეიძლება, ნასვამიც არ იყო, ისე გაწითლდეს, ვერ დგინდება რამდენი პრომილე ალკოჰოლია ორგანიზმში. საქართველოს კანონმდებლობით, 0,2 პრომილეს თუ აღემატება სისხლში ალკოჰოლის რაოდენობა, უკვე მსუბუქ სიმთვრალედ ითვლება, თუმცა, ქვეყნების დიდ უმრავლესობაში ეს ზღვარი 0,4 პრომილედან იწყება. ამერიკის შეერთებული შტატების ზოგიერთ შტატში 0,8 პრომილეს ზემოთ მიიჩნევა და ისჯება ნასვამობა. ამასთან, ამ ქვეყანაში აპრობირებულია მეთოდი, როცა პოლიციელი ნასვამობის ხარისხს მძღოლის რეაქციებით ამოწმებს და არა იმით, რა რაოდენობის ალკოჰოლი აქვს მიღებული. თავად მინახავს, როგორ ამოწმებენ, არის თუ არა მძღოლი ადეკვატური, შეუძლია თუ არა რეაგირება საფრთხეზე, გაივლის თუ არა სწორ ხაზზე და ა.შ. თუ ტესტი ჩააბარე, აღარ დაგაჯარიმებენ.
- შინაგან საქმეთა სამინისტრომ აღნიშნა, რომ ახალი ნარკოტესტები შემოიტანა პრომილეს საზომითა და ბეჭდვითი ფუნქციით.
- შინაგან საქმეთა მინისტრმა კახეთში ყოფნისას განაცხადა, რომ ახალ ალკოტესტებს შეუძლია განსაზღვროს, რამდენი პრომილე ალკოჰოლია სისხლში, მაგრამ ეს ტესტები პოლიციელებს მასობრივად არა აქვთ. მთავარი კი ისაა, რომ კანონით არ ხდება გრადაცია, რა ხარისხის სიმთვრალესთან გვაქვს საქმე. ფაქტია ისიც, რომ საგზაო შემთხვევების რიცხვი არ კლებულობს, ამიტომ ოქროს შუალედია გამოსაძებნი, მძღოლის უფლებებიც დაცული უნდა იყოს და ფეხით მოსიარულისაც; ყველა შემთხვევა ინდივიდუალურია, ზოგი მძღოლისთვის 100 გრამი ღვინოც შეიძლება "საკმარისი" იყოს, ქალი-მძღოლისთვის - ერთი კათხა ლუდიც, ზოგიერთში კი 300 გრამი სასმელი მსუბუქ თრობას იწვევს. ასევე, გააჩნია, რა საკვებთან მიიღებ ალკოჰოლს. ასე რომ, ჯარიმა, სანქციები სიმთვრალის ხარისხის თანაზომადი უნდა იყოს. მკაცრად უნდა ისჯებოდეს ისიც, ვინც ავტომანქანას არაფხიზელ მდგომარეობაში მყოფ ახლობელს გადასცემს.
ცნობისთვის
მსოფლიოში პირველი მძღოლი, ვინც საჭესთან ნასვამ მდგომარეობაში დაჯდომის გამო 25 შილინგით დააჯარიმეს, ლონდონელი ტაქსისტი ჯორჯ სმითი იყო, ეს 1897 წელს მოხდა; მას შემდეგ საუკუნეზე მეტი გავიდა, მაგრამ ბევრი არაფერი შეცვლილა... ნასვამ მძღოლებს ყველა ქვეყანაში ისე ებრძვიან, როგორც შეუძლიათ, თან ეროვნულ თავისებურებებსაც ითვალისწინებენ, ამიტომ განსხვავებულია ალკოჰოლის ის მინიმალური დოზა, რომლის მიღმაც ჯარიმა და მკაცრი სანქციებია დაწესებული: გერმანიაში, სადაც ლუდის კულტია, მძღოლის სისხლში ალკოჰოლის დასაშვები ზღვარი 0,29 პრომილეა, საფრანგეთში, ღვინის ქვეყანაში - 0,5 პრომილე, აშშ-ის უმრავლეს შტატში - 0,8 პრომილე, თუმცა, 21 წლამდე ახალგაზრდის დაჯარიმებისთვის 0,2 პრომილეც საკმარისია, რუსეთში, სადაც პატივს არაყს სცემენ, ეს ნორმა 1-ლი სექტემბრიდან 0,32 პრომილე იქნება, მძღოლს კი პირველივე ჯერზე მართვის მოწმობის 1,5 დან 2 წლამდე ჩამორთმევა და 30 000 რუბლი ჯარიმა ემუქრება.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
