მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თამარ გვერდწითელი - "ყველა სიმღერა სიყვარულის ისტორიაა"
10:20 / 13-08-2013
ბათუმი თამარ გვერდწითელის სახელობის მუსიკალურ ფესტივალს მასპინძლობს. გუშინ საღამოს, საზაფხულო თეატრში თამარ გვერდწითელის პირველი საღამო გაიმართა. პროგრამის ძირითადი ნაწილი ქართულ სიმღერებს დაეთმო. კონცერტში მონაწილეობდნენ თამარ გვერდწითელის მოლდოველი, რუსი და ამერიკელი მეგობრები.
გვედწითელის კონცერტი საზაფხულო თეატრის სცენაზე ორ საათს გაგრძელდა. ვარსკვლავმა ცნობილი კომპოზიციები შეასრულა. კონცერტი კი მომღერალმა ანსამბლ "ბათუმთან" ერთად, სიმღერით "საქართველო" გახსნა. თამარ გვერდწითელმა ანსამბლ "ცისფერ ტრიოსთან" ერთად შეასრულა რამდენიმე სიმღერაც.
კონცერტის დასრულების შემდეგ მომღერლის დედამ, ინა გვერდწითელმა აღნიშნა, რომ მაყურებლისგან დიდი სიყვარული იგრძნობოდა. თამარ გვერდწითელმა კი ჟურნალისტებს საკუთარი ემოციების შესახებ ესაუბრა.
"შესანიშნავი შემსრულებლები იყვნენ დღეს ჩემს გვერდით. ფესტივალის დევიზია მუსიკა საზღვრის გარეშე, მაგრამ ყველა სიმღერა მაინც ეს არის სიყვარულის ისტორია, ეს არის ქალის ისტორია. ის ეხება ქალს, მის განცდილს, მის განვლილ გზას. ყველა სიმღერა სიყვარულზეა და, ალბათ, ასეც უნდა იყოს. ძალიან კარგად ჩაიარა პირველმა საღამომ, მოლოდინს გადააჭარბა მაყურებლის სითბომ და თითქოს არც ველოდით ამხელა ემოციებს. პირველივე სიმღერით მივხვდით, რომ საჭიროა ამ მუსიკამ გაიჟღეროს. ისეთი გრძნობა დაგვეუფლა, რომ მართლა ვჭირდებით მსმენელს".
კონცერტების სერია 10-დან 15 აგვისტოს საქართველოს კულტურის პალატის ორგანიზებით იმართება. ხუთი დღის განმავლობაში ბათუმს ყველა ის შემსრულებელი ეწვევა, ვისთანაც თამარ გვერდწითელს უმღერია. კონცერტებში სუხიშვილების ნაციონალური ანსამბლიც მიიღებს მონაწილეობას. ანსამბლმა რამდენიმე ცეკვა სპეციალურად ფესტივალისთვის დადგა, რომლის პრემიერაც დღეს საღამოს გაიმართება. კონცერტში მონაწილეობას მიიღებს ოპერისა და ბალეტის ორკესტრიც, ასევე აჭარის ნაციონალური ორკესტრი. კონცერტების სერია საზეიმოდ 15 აგვისტოს ბათუმის პიაცაზე დაიხურება.
ნინო ხოზრევანიძე
იხილეთ ვიდეო
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
