მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დაბრუნდება თუ არა ჯიბღაშვილი "ჩემი ცოლის დაქალებში"
23:14 / 04-08-2013
"ფსიქოს" სტუმარი მსახიობი და თბილისში ცნობილი "გულთამპყრობელი" ლევან ჯიბღაშვილია. სერიალ "ჩემი ცოლის დაქალებიდან" მისი გაქრობის შემდეგ მაყურებელს ძალიან მოანატრა თავი. როგორც ამბობს, ალბათ, მალე შეძლებს თაყვანისმცემლების გახარებას.
- ლევან, გეტყობა, უკვე მოასწარი დასვენება.
- კი. ბათუმში ვიყავი მეგობრებთან ერთად. მალე თურქეთში ან ოდესაში ვაპირებ გამგზავრებას, რა თქმა უნდა, მეგობრებთან ერთად.
- შენს კარიერაში რა ხდება, ბოლო დროს როლებით აღარ ანებივრებ მაყურებელს.
- ამჯერად არაფერი ხდება, თუმცა ორ პროექტზე მოლაპარაკებები მიდის. ერთი ფილმია, მეორე კი სერიალი, მაგრამ სანამ საბოლოოდ არ გადაწყდება, ვერაფერს ვიტყვი.
- ქართული პროექტებია?
- დიახ, ქართულია ფილმიც და სერიალიც.
- სერიალ "ჩემი ცოლის დაქალების" ერთ სერიაში ეპიზოდურად ისევ გამოჩნდი, ხომ არ იგეგმება შენი დაბრუნება?
- ამ სერიალის სეზონი ახლა დასრულდა. მომავალ სეზონში კი ვნახოთ, რა მოხდება. ძალიან კარგ კოლექტივში ვმუშაობდი და სიამოვნებით გავაგრძელებ თანამშრომლობას, თუ შემოთავაზება იქნება.
- მსახიობებში კერპი თუ გყავს?
- ჩემი კერპია ალ პაჩინო. ძალიან მომწონს ჯონი დეპი, ის გარდასახვის ოსტატია, მომწონს ასევე ლეონარდო დი კაპრიოს შესრულებული როლებიც, მაგრამ მე არც ერთი მათგანი არ ვარ...
- ვის მიიჩნევ ყველაზე სექსუალურ და მიმზიდველ ქალად?
- მონიკა ბელუჩისა და ანჯელინა ჯოლის. თურმე პატარა რომ ვიყავი, დაახლოებით, 6-7 წლის, ჩემი საოცნებო ქალი შერონ სტოუნი ყოფილა, მაგრამ მე არ მახსოვს. მთელი ბავშვობა ამ ქალზე ვგიჟდებოდი.
- წარმოიდგინე, რომ ანჯელინა და შერონი შენი სიყვარულისთვის ერთმანეთს დუელში იწვევენ, რა რეაქცია გექნება?
- აუუ, ძაან ძნელია... ჩემი რეაქცია ის იქნება, რომ ასეთ ლამაზ ქალებს ერთმანეთს არ დავახოცინებ (იცინის).
- რომანტიკული თუ ხარ?
- კი, რომანტიკული ვარ, როგორც სხვები მეუბნებიან, ძალიან რომანტიკული ვარ.
- თუ შეგიძლია გაიხსენო, რა გაგიკეთებია ქალისთვის განსაკუთრებული?
- ნამდვილად გამიკეთებია, მაგრამ რა გავაკეთე, ამის თქმა არ არის საჭირო, უხერხულია.
- შეყვარებული ხარ?
- ეს ძალიან პირადულია. სჯობს, ისე იყოს, როგორც არის.
- ვანო მერაბიშვილის მხარდამჭერ კლიპში მონაწილეობას მიიღებდი?
- შემომთავაზეს, მაგრამ უარი ვთქვი, თუმცა ეს უარი არ ყოფილა პიროვნული დამოკიდებულების გამო. ზოგადად ყველამ იცის, რომ მე პოლიტიკისგან ძალიან შორს ვარ და ვერც ვერავის გავუწევ პოლიტიკურ მხარდაჭერას. ამაზე მხოლოდ იმიტომ ვთქვი უარი, რომ არ მინდა ჩემი სახელი პოლიტიკასთან ასოცირდებოდეს.
- პრეზიდენტი რომ იყო, ვის აჩუქებდი ძვირფას საჩუქარს?
- პრეზიდენტი რომ ვიყო, ძვირფას საჩუქრებს, რა თქმა უნდა, ჩემს საყვარელ ადამიანებს ვაჩუქებდი.
- სოფო ნიჟარაძემ რომ სერენადა გიმღეროს, რა რეაქცია გექნება?
- ახლა ნუ გადახვედი პოლიტიკურ თემებზე...
- სოფო ნიჟარაძე პოლიტიკური თემაა?
- არა, უბრალოდ, უკვე ბევრი პოლიტიკური კითხვა დამისვი (იცინის).
- მაშინ, შენი უახლოესი გეგმები გაგვანდე.
- უახლოეს მომავალში ვგეგმავ ჩემი ბიზნესის გაფართოებას, უკვე დაწყებულია ამაზე მუშაობა. ვხსნი ბავშვთა ცენტრის ფილიალს. ასე რომ, ძალიან ბევრს ვმუშაობ.
მაკა ქობალია
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
