16
მაისიდღის ზოგადი ასტროლოგიური პროგნოზი
ხარაგაულის რაიონში წყალმომარაგების სისტემაში უამრავი ხარვეზია და მოსახლეობა დაბინძურებულ წყალს იღებს. ამის შესახებ "ქუთაისის საინფორმაციო ცენტრის" ორგანიზებით გამართულ შეხვედრაზე განაცხადეს.
შეხვედრას "სემეკის" თავმჯდომარესთან ერთად, გაერთიანებული წყალმომარაგების კომპანიის ქუთაისის სერვის-ცენტრის ხელმძღვანელი მიხეილ თათარაძეც ესწრებოდა. სწორედ გაერთიანებული წყალმომარაგების კომპანიის მისამართით გამოთქვა შენიშვნები არასამთავრობო ორგანიზაცია "პიემარტის-საზოგადოების მონიტორინგისა და კვლევის ცენტრის" მენეჯერმა, რუსუდან გურგენიძემ. მისი თქმით, კომპანიისადმი არაერთი მიმართვის მიუხედავად, მოსახლეობა კვლავ სასმელად უვარგის წყალს იღებს.
"უმთავრესი პრობლემა ის არის, რომ ხარაგაულში წყალმომარაგების სათავე ნაგებობები არ არის ნორმალურად გაკეთებული და ყოველთვის მღვრიე წყალი მოდის, განსაკუთრებით კი წვიმიან ამინდში. არ ხდება სასმელი წყლის დაქლორვა, ისე, როგორც საჭიროა, კუსტარული კასრები დგას და პირდაპირ იქედან მიეწოდება ქლორი სათავე ნაგებობებს. ზოგიერთ წყალსაცავზე საერთოდ არ არსებობს საქლორატორო. რაც ნიშნავს იმას, რომ დაქლორვა კვირაში ერთხელ ხდება, მაშინ როდესაც გამდინარე წყალი საათში ერთხელ უნდა იქლორებოდეს. არ ხდება ლაბორატორიული გამოკვლევები, აღარც ლაბორანტი ჰყავთ, რომელიც წყლის შესახებ ინფორმაციას ეტაპობრივად აწვდიდა სათავე-ნაგებობების თანამშრომლებს, რის შემდეგაც ხდებოდა ნორმების დარეგულირება", - აცხადებს გურგენიძე.
