მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სააკაშვილი VS ტრაილერი - პრეზიდენტის სახიფათო გართობა
12:00 / 08-04-2013
პრეზიდენტ მიხეილ სააკაშვილისგან არაორდინალურ ქმედებებსა და მის შესახებ გავრცელებულ ხმაურიან ამბებს, საქართველოში უკვე ჩვეულ რეალობად აღიქვამენ, თუმცა დღევანდელი ცნობა პრეზიდენტის მარცხიანი "გასეირნების" შესახებ ძნელად დასავიწყებელი იქნება.
სააკაშვილის ტრავმირების შესახებ ინფორმაცია დილიდან თურქულ მედიაში გავრცელდა. ადგილობრივი გამოცემები წერდნენ, რომ საქართველოს პრეზიდენტი ანტალიაში ველოსიპედით სეირნობისას საავტომობილო გზაზე გადავიდა და ტრაილერს შეეჯახა, მას მოტეხილი ჰქონდა ხელი და გარდა ამისა, სხვა დაზიანებებიც აღენიშნებოდა.
რამდენიმე საათიანი ნერვიულობის შემდეგ ინფორმაცია პრეზიდენტის ადმინისტრაციამ დაადასტურა. როგორც აღმოჩნდა, მიხეილ სააკაშვილის ტრავმა საკმაოდ მძიმეა. მას მხრის სამმაგი მოტეხილობა აქვს და სტამბულის ერთ-ერთ საავადმყოფოში ოპერაცია უკვე ჩაუტარდა. ოფიციალურ განცხადებაში არაფერია ნათქვამი ინციდენტის გარემოებების შესახებ, მხოლოდ აღნიშნულია ის, რომ შემთხვევა ველოსიპედით ყოველდღიური ვარჯიშის დროს მოხდა.
ასევე უცნობია, რომელი მხარი დაიშავა პრეზიდენტმა - მარჯვენა თუ მარცხენა. შესაბამისად კითხვის ნიშნის ქვეშ დგას, შეძლებს თუ არა ის ახლო მომავალში ქვეყნისთვის მნიშვნელოვან დოკუმენტებზე "ხელის მოწერას".
თუმცა მიხეილ სააკაშვილი ერთადერთი პოლიტიკოსი არ არის, ვინც თურქეთში დაზარალდა. 2009 წლის აპრილში სტამბულის სასტუმროში ნატო-ს გენერალურმა მდივანმა ანდერს ფოგ რასმუსენმა მხარი დაიზიანა. ოფიციალური ვერსიით ის სასტუმროს კიბეზე წაიქცა.
ალბათ სიმბოლურია, რომ თურქეთში სწორედ ნატო-ს მინისტერიალზე ვიზიტისას ხელი მოიტეხა რუსეთის საგარეო უწყების ხელმძღვანელმა სერგეი ლავროვა. ოფიციალურ ვერსიად სასტუმროს ჰოლში წაბორძიკება და წაქცევა დასახელდა, თუმცა ამ პერიოდში რუსული მედია აქტიურად წერდა, რომ ლავროვმა მოტეხილობა აკვა-პარკში დასვენებისას მიიღო.
ამ სამ შემთხვევას შორის ლიდერობას ტრავმის სირთულისა და ექსტრემალური გარემოების გათვალისწინებით საქართველოს პრეზიდენტი იმსახურებს. მით უმეტეს თუ თურქული მედიის ვერსია რეალურია და მიხეილ სააკაშვილი ველოსიპედით მართლაც სატვირთო ავტომობილს შეეჯახა.
ბექა პატურაშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
