22
მარტიდღის ზოგადი ასტროლოგიური პროგნოზი
ცნობილი შოტლანდიელი რომანისტის, უილიამ ბოიდის რომანი "აგენტ 007" ჯეიმს ბონდზე 2013 წლის 26 სექტემბერს გამოქვეყნდება. ამის შესახებ იან ფლემინგის შემოქმედებითი მემკვიდრეობის საქველმოქმედო ფონდის ხელმძღვანელმა განაცხადა. იან ფლემინგმა ბრიტანული დაზვერვის სუპერაგენტის იმიჯი შექმნა.
ნაწარმოების სათაური და სიუჟეტი არ ხმაურდება. "მხოლოდ იმის თქმა შეგვიძლია, რომ ახალ რომანში მოვლენები 1969 წელს ვითარდება, მაშინ "აგენტი 007" 45 წლის იყო",- ნათქვამია ფონდის განცხადებაში.
წიგნის პუბლიკაცია ფლემინგის პირველი რომანის "კაზინო როიალის" გამოსვლის 60-წლისთავს მიეძღვნება.
უილიამ ბოიდი მრავალრიცხოვანი ლიტერატურული პრემიების ლაურეატია. მისი კანდიდატურა წიგნის გასაგრძელებლად იან ფლემინგის ფონდმა შეარჩია. იან ფლემინგი ბონდის შესახებ 12 რომანის ავტორია.
დღემდე ფლემინგის რომანების გარდა, ჯეიმს ბონდზე ჯეფრი დივერის წიგნი - "კარტ-ბლანში" (2011) და სებასტიან ფოლკსის -"ეშმაკს არ უყვარს ლოდინი" (2008) გამოვიდა.
მომზადებულია newsru.com-ის მიხედვით.
_2019-10-07_pcZAK5dDPSlBIBs.jpg)
