მთა­ვარ­მა პრო­კუ­რორ­მა არ­ჩილ კბი­ლაშ­ვილ­მა გა­ზეთ "კვი­რის ქრო­ნი­კას" ინ­ტე­რიუ მის­ცა.

- სა­ზო­გა­დო­ე­ბა­ში და­ი­წყო უკვე სა­უ­ბა­რი, ხომ არ სჯო­ბია, გა­ივ­ლოს ზღვა­რი და შე­წყდეს და­ჭე­რე­ბი?

-ამ ყვე­ლა­ფერს მივ­ყვე­ბით ძა­ლი­ან მშვი­დად, მი­უ­ხე­და­ვად იმი­სა, რომ რთუ­ლი კი­თხვა დას­ვით, მო­დით, გავ­ყოთ ეს კი­თხვე­ბი და ისე გი­პა­სუ­ხებთ. მარ­ტი­ვად ვა­პი­რებთ ამის გა­კე­თე­ბას: წარ­მო­იდ­გი­ნეთ სა­კი­თხე­ბის დიდი გრო­ვა, საქ­მე უნდა და­ი­წყო იქი­დან, რაც პირ­ველ რიგ­ში ფე­ხებ­ში გე­დე­ბა. ელე­მენ­ტა­რუ­ლად, გზა გა­ა­სუფ­თაო და რაც, პირ­ველ რიგ­ში, ხელს გიშ­ლის, იმის გაწ­მენ­დით და­ი­წყო საქ­მე...

- ახა­ლა­ია ძა­ლი­ან გე­დე­ბო­დათ ფე­ხებ­ში?

- მო­დით, ამ სა­კითხს ასე უტ­რი­რე­ბას არ მივ­ცემ, საქ­მე­ე­ბი ხა­რის­ხე­ბად ლაგ­დე­ბა არა იმი­ტომ, რომ მე მაქვს ეს პრი­ო­რი­ტე­ტი, არა­მედ იმი­ტომ, რომ ესა თუ ის საქ­მე ლაგ­დე­ბა იმის მი­ხედ­ვით, რო­მე­ლი მო­ეს­წრე­ბა რომ გა­მო­ძი­ე­ბულ იქ­ნას. "პო­პ­კორ­ნის" აპა­რა­ტი ხომ გი­ნა­ხავთ? "ბატი-ბუ­ტად" რო­მე­ლი სი­მინ­დი გა­და­იქ­ცე­ვა პირ­ვე­ლად, ხომ არ იცი?.. 25 გა­მომ­ძი­ე­ბე­ლი პრო­კუ­რა­ტუ­რა­ში ზის, დღეს და ღა­მეს აერ­თი­ა­ნებს და მუ­შა­ობს, მი­დის საქ­მე­ე­ბის ინ­ტენ­სი­უ­რად შეს­წავ­ლა ყვე­ლა მი­მარ­თუ­ლე­ბით. ეკო­ნო­მი­კუ­რი და­ნა­შა­უ­ლი იქ­ნე­ბა ეს, სი­ცო­ცხლის წი­ნა­აღ­მდეგ მი­მარ­თუ­ლი, წა­მე­ბა, ცემა თუ ასე შემ­დეგ... რო­მე­ლიც იტყვის პირ­ვე­ლი, რომ თემა მომ­ზა­დე­ბუ­ლია, ის იქ­ნე­ბა შემ­დე­გი ჩვე­ნი თემა.

- სულ თქვე­ნი გან­ცხა­დე­ბა მიტ­რი­ა­ლებს თავ­ში, კერ­ძოდ: "პო­ლი­ტი­კა­ში იმ ასაკ­ში უნდა მი­ვი­დეს ადა­მი­ა­ნი, რო­მელ­საც სექ­სუ­ა­ლუ­რი ლტოლ­ვის ეტა­პი გა­და­ლა­ხუ­ლი აქვს, მო­წი­ფულ ასაკ­ზე გე­სა­უბ­რე­ბით, რო­დე­საც ადა­მი­ანს აქვს ის ასა­კი, რომ სრუ­ლად გა­აც­ნო­ბი­ე­როს ყვე­ლა ის რე­ა­ლო­ბა, რა რე­ა­ლო­ბაც მის წი­ნა­შეა. მე როცა ამ სი­ტყვებს ვამ­ბობ, 40 წლის ვარ!.." რა­ტომ აკ­ნი­ნებთ 40 წლის ადა­მი­ა­ნე­ბის საქ­სუ­ა­ლურ ლტოლ­ვას?

- (იცი­ნის) არა, ასე არ მით­ქვამს, მე ვთქვი, რომ ად­რე­უ­ლი ფი­ზი­ო­ლო­გი­უ­რი ლტოლ­ვის ასა­კი უნდა ჰქონ­დეს გა­და­ლა­ხუ­ლი.

- ჰო, ეს ფრა­ზა სექ­სუ­ა­ლუ­რი ლტოლ­ვის ეტაპს მო­ა­ყო­ლეთ. თქვენ­თან მოს­ვლამ­დე ხე­ლახ­ლა მო­ვის­მი­ნე, წერ­ტილ-მძი­მით ამო­ვი­წე­რე.

- თქვე­ნი მო­მა­ვა­ლი სტა­ტი­ის სა­თა­ურს აყა­ლი­ბებთ "ქრო­ნი­კა­ში"? (იცი­ნის)

- არა, წინ უფრო მძი­მე თე­მე­ბი გვაქვს. უბ­რა­ლოდ, მიკ­ვირს, ახალ­გაზ­რდა კაც­მა რა­ტომ ჩა­მო­ი­წე­რეთ სა­კუ­თა­რი თავი?

- ეს გან­ცხა­დე­ბა რომ გა­ვა­კე­თე, ვი­გუ­ლის­ხმე აი, რა: ყვე­ლა ადა­მი­ანს მისი გან­ვი­თა­რე­ბის სტა­დი­ა­ზე სხვა­დას­ხვა მო­თხოვ­ნი­ლე­ბა აქვს: ბავ­შვს უყ­ვარს დედა, შემ­დგომ უყ­ვარს სხვა, შემ­დეგ უყ­ვარს შვი­ლი და ასე შემ­დეგ... ეს ყვე­ლა­ფე­რი იც­ვლე­ბა ადა­მი­ა­ნის ფი­ზი­ო­ლო­გი­უ­რი ზრდის კვა­ლო­ბა­ზე... აი, მა­გა­ლი­თად, მე დავ­დი­ვარ ორი მან­ქა­ნით, მყავს დაც­ვა, ერთი გა­და­სა­ხე­დით, ვი­ღა­ცის­თვის არის ხიბ­ლი, - აი, ხე­დავ, მე შე­მიძ­ლია ხალ­ხი და­ვი­ჭი­რო, ყვე­ლა­ფე­რი გა­ვა­კე­თო რაც მინ­და, მე ამა­ზე უბ­რა­ლოდ, არ ვფიქ­რობ... ერ­თა­დერ­თი, რა­ზეც ვწუხ­ვარ ისაა, რომ ძილი მაკ­ლია. ყო­ველ­დღე სახ­ლში მივ­დი­ვარ ღა­მის 3-4 სა­ათ­ზე, შა­ბათ-კვი­რის ჩათ­ვლით.

- ადას­ტუ­რებთ, რომ თქვე­ნი წი­ნა­მორ­ბე­დი - მურ­თაზ ზო­დე­ლა­ვა - გაქ­ცე­უ­ლია?

- მე ვიცი, რომ სა­ქარ­თვე­ლო­ში არ არის... თუმ­ცა როცა მბო­ბენ, რომ ის გაქ­ცე­უ­ლია, ეს არის ყო­ფი­თი ტერ­მი­ნი. სა­მარ­თლებ­რი­ვად, მის მი­მართ არა­ნა­ი­რი დევ­ნა არ მიმ­დი­ნა­რე­ობს, ეს იმას ნიშ­ნავს რომ მას გა­დაკ­ვე­თი­ლი აქვს სა­ქარ­თვე­ლოს სა­ზღვა­რი.

- თქვენ, ალ­ბათ, პირ­ვე­ლი, რა­საც გა­ა­კე­თებ­დით, ასე­ვე და­ინ­ტე­რეს­დე­ბო­დით მურ­თაზ ზო­დე­ლა­ვას საქ­მი­ა­ნო­ბით. იკ­ვე­თე­ბა მისი და­ნა­შა­უ­ლებ­რი­ვი საქ­მი­ა­ნო­ბა?

- ამა­ზე ახლა ვერ გი­პა­სუ­ხებთ...

- თქვენ ჟურ­ნა­ლის­ტე­ბი­სათ­ვის ად­ვი­ლად ხელ­მი­საწ­ვდო­მი ხართ. ვუკ­ვირ­დე­ბი, რომ არ იყე­ნებთ პრესს­პი­კერს და ყვე­ლა გან­ცხა­დე­ბას თა­ვად აკე­თებთ სა­ზო­გა­დო­ე­ბის­თვის. ეს ძა­ლი­ან კარ­გია, მაგ­რამ რო­გორც კი თქვენ შე­წყვეტთ ღია კო­მუ­ნი­კა­ცი­ას, მა­შინ­ვე გაჩ­ნდე­ბა კი­თხვე­ბი, რომ თქვენ ხიბლში შეხ­ვე­დით, ჩა­ი­კე­ტეთ და ესე იგი, არა­სა­სურ­ვე­ლი საქ­მე­ე­ბით და­კავ­დით...

- ადა­მი­ან­მა უნდა იცო­დე, რომ ნე­ბის­მი­ერ თა­ნამ­დე­ბო­ბა­ზე ინიშ­ნე­ბი დრო­ე­ბით. სხვა­თა შო­რის, ჩვენ გვაქვს ცვლი­ლე­ბა და ჩა­ი­წე­რე­ბა, რომ ხუთი წლით და­ი­ნიშ­ნე­ბა გე­ნე­რა­ლუ­რი პრო­კუ­რო­რი, არა­ვი­თა­რი ორი ვადა და ასე შემ­დეგ... როცა მე აღარ ვიქ­ნე­ბი გე­ნე­რა­ლუ­რი პრო­კუ­რო­რი, უნდა და­ვუბ­რუნ­დე ჩემს სა­ად­ვო­კა­ტო საქ­მი­ა­ნო­ბას, უნდა დავ­ბრუნ­დე იმა­ვე სა­ზო­გა­დო­ე­ბა­ში, უკან და­სა­ხე­ვი გზა უნდა და­ვი­ტო­ვო. ადა­მი­ა­ნი იკე­ტე­ბა მა­შინ, როცა იგი ისეთ რა­ღა­ცას აკე­თებს, რაც არ უნდა, სხვებ­მა გა­ი­გონ... ვეც­დე­ბი, ჩემ შემ­თხვე­ვა­ში ეს არ მოხ­დეს. აი, ეს სკა­მი (მი­თი­თებს პრო­კუ­რო­რის სა­ვარ­ძელ­ზე,- ნ.ს.) ჩემ მიერ ოკუ­პი­რე­ბუ­ლია იმის გამო, რომ ძა­ლი­ან ბევ­რი ადა­მი­ა­ნი, უბ­რა­ლოდ, მოკ­ლეს!.. გირ­გვლი­ა­ნი, რო­ბა­ქი­ძე, ვა­ზა­გაშ­ვი­ლი, 26 მა­ი­სის მო­ნა­წი­ლე­ე­ბი, 7 ნო­ემ­ბე­რი... რამ­დე­ნი კი­დევ უსა­ხე­ლო მკვლე­ლო­ბაა, რო­მე­ლიც ჯერ კი­დევ სა­ზო­გა­დო­ე­ბამ არ იცის... მე ვალ­ში ვარ იმ ადა­მი­ან­თა სუ­ლე­ბის წი­ნა­შე. მი­მაჩ­ნია, რომ ჩემი აქ ყოფ­ნა არის მათი სი­ცო­ცხლის ხარ­ჯზე (მთა­ვარ პრო­კუ­რორს თვა­ლე­ბი აუც­რემ­ლდა, რა ადა­მი­ა­ნუ­რი ყო­ფილ­ხართ!.. ნ.ს.).

- ბა­ტო­ნო არ­ჩილ, თვა­ლე­ბი აგიც­რემ­ლდათ, თქვენ ტი­რი­ლიც შე­გიძ­ლი­ათ?.. რა ადა­მი­ა­ნუ­რი ყო­ფილ­ხართ...

- არ და­გი­მა­ლავთ, ემო­ცი­უ­რი ვარ. მოკ­ლედ, რაც ვარ, ეს ვარ და თა­ნამ­დე­ბო­ბამ რო­გორ უნდა გა­მა­გი­ჟოს?.. მეც მა­ინ­ტე­რე­სებს, მო­მა­ვალ­ში რო­გორ იქ­ნე­ბა. თუმ­ცა აქვე გე­ტყვით, რომ ემო­ცი­უ­რო­ბა აბ­სო­ლუ­ტუ­რად არ მიშ­ლის ხელს, მი­ვი­ღო გა­და­წყვე­ტი­ლე­ბე­ბი და აქამ­დე გა­და­წყვე­ტი­ლე­ბა მი­მი­ღია და რა­საც მო­მა­ვალ­ში მი­ვი­ღებ, ის ემო­ცი­ას­თან კავ­შირ­ში არ არის...

- სა­ზო­გა­დო­ე­ბა დღეს სა­უბ­რობს, თუ რა­ტომ არ და­ი­წყო დღეს პრო­კუ­რორ­მა იმ გახ­მა­უ­რე­ბუ­ლი მკვლე­ლო­ბე­ბის გა­მო­ძი­ე­ბა, რაც თქვენ ჩა­მოთ­ვა­ლეთ... ხალ­ხს ეჭვი აქვს, პი­რა­დი ან­გა­რიშწო­რე­ბით და­ი­წყო "ოც­ნე­ბამ" ადა­მი­ა­ნე­ბის და­პა­ტიმ­რე­ბაო, ვინც მათ ავიწ­რო­ებ­და, უს­მენ­და და ა.შ. თქვენ ჟვა­ნი­ას­თან კარ­გი ურ­თი­ერ­თო­ბა გქონ­დათ და მე­გობ­რობ­დით, არ­ჩევ­ნე­ბამ­დე იყო ვერ­სია, რომ არ­სე­ბობ­და ფი­რე­ბი, რომ­ლის გა­მოქ­ვეყ­ნე­ბა­საც ყვე­ლა ელო­და. პი­რა­დად თქვან თუ ჩა­ი­ხე­დეთ ჟვა­ნი­ას საქ­მე­ში და ვის­თან მი­დის მკვლე­ლო­ბის კვა­ლი?

- მა­ინც რთულ კი­თხვებს სვამთ და ერთ კი­თხვა­ში ბევრ სა­კითხს აერ­თი­ა­ნებთ...

- უნდა მა­პა­ტი­ოთ, კი­თხვე­ბის გა­ერ­თი­ა­ნე­ბით დროს ვი­პა­რავ... თქვენ ხომ 45-წუ­თი­ა­ნი ლი­მი­ტი და­მი­წე­სეთ?

- სხვა­თა შო­რის, მინ­და გი­თხრათ, რომ ახა­ლი გა­მომ­ძი­ე­ბე­ლი დავ­ნიშ­ნე, რო­მე­ლიც მი­მაგ­რე­ბუ­ლია გახ­მა­უ­რე­ბუ­ლი მკვლე­ლო­ბის სა­კი­თხზე, ასე­ვე და­ნიშ­ნუ­ლია ახა­ლი პრო­კუ­რო­რი, სწო­რედ ისი­ნი სწავ­ლო­ბენ ამ საქ­მე­ებს. 12 ნო­ემ­ბერს და­ვა­კომ­პლექ­ტეთ ახა­ლი ხელ­მძღვა­ნე­ლო­ბა, პრო­კუ­რა­ტუ­რის რო­გორც ცენ­ტრა­ლურ, ასე­ვე სა­ოლ­ქო დო­ნე­ზე, სწო­რედ 12 ნო­ემ­ბერს და­ვი­წყეთ ამ საქ­მე­ე­ბის შეს­წავ­ლა.

- სა­მარ­თალ­დამ­ცველ სტრუქ­ტუ­რა­ში სა­კად­რო კრი­ზის­ზე სა­უბ­რო­ბენ და ამას მი­იჩ­ნე­ვენ ერთ-ერთ მან­კი­ერ მხა­რედ... აი, მა­გა­ლი­თად გა­ზეთ "ალი­ა­ში" გა­მოქ­ვეყ­ნდა ჟურ­ნა­ლისტ გელა ზე­დე­ლაშ­ვი­ლის ინ­ტერ­ვიუ ვიცე-პოლ­კოვ­ნიკ და­ვით მარ­ტი­აშ­ვილ­თან, რო­მელ­საც ბრა­ლი დას­დეს სამ­შობ­ლოს ღა­ლატ­ში სა­ხელ­მწი­ფო გა­დატ­რი­ა­ლე­ბის მცდე­ლო­ბა­ში და ამ ბრალ­დე­ბით უკა­ნო­ნოდ ცი­ხე­ში იჯდა. ამ პი­როვ­ნე­ბას საკ­მა­ოდ ტრა­გი­კუ­ლი ის­ტო­რია აქვს, ამას ახლა ვერ მო­გიყ­ვე­ბით, მაგ­რამ საქ­მე ის არის, რომ ვიცე-პოლ­კოვ­ნი­კი მარ­ტი­აშ­ვი­ლი ხელს ადებს მის გა­უ­ბე­დუ­რე­ბა­ში გიგი კა­ლან­და­ძეს- მეტ­სა­ხე­ლად "სა­მას­ტრე­ლას", "მას­ტე­რას", ახა­ლა­ი­ას, კე­ზე­რაშ­ვილს. ამ პი­როვ­ნე­ბამ არა­ერ­თხელ მოგ­მარ­თათ წე­რი­ლით, რათა პრო­კუ­რა­ტუ­რას მისი საქ­მე ხე­ლახ­ლა გა­მო­ე­ძია. თქვენ­მა მო­ად­გი­ლემ - და­ვით მჭედ­ლიშ­ვილ­მა, გა­და­ა­მი­სა­მარ­თა გა­მომ­ძი­ე­ბელ გი­ორ­გი ქევ­ხიშ­ვილ­თან, რო­მელ­მაც შე­ას­რუ­ლა წინა ხე­ლი­სუფ­ლე­ბის დაკ­ვე­თა და ეს ადა­მი­ა­ნი და­ა­პა­ტიმ­რა. მარ­ტი­აშ­ვი­ლი ყვე­ბა: გი­ორ­გი ქევ­ხიშ­ვი­ლი რომ და­ვი­ნა­ხე, ეს ავა­ზა­კი, რომ­ლის გა­მოც დე­და­ჩე­მი საფ­ლავ­ში წევს, ავ­კან­კალ­დი, ამ კაც­მა და­მი­ჭი­რა და მან რო­გორ უნდა გა­მო­ი­ძი­ოს ახლა ჩემი საქ­მეო? ამ ქევ­ხიშ­ვილს და მის­ნა­ი­რებს და­ტო­ვებთ პრო­კუ­რა­ტუ­რა­ში?

- რო­გორც ვიცი, გი­ორ­გი ქევ­ხიშ­ვი­ლი ერთ-ერთი სამ­მარ­თვე­ლოს უფ­რო­სია ჩვენ­თან. მას პი­რა­დად არ ვიც­ნობ, ჩვენ შევ­ცვა­ლეთ დე­პარ­ტა­მენ­ტის ხელ­მძღვა­ნე­ლე­ბი, რაც არის ყვე­ლა­ზე ზედა დონე. დე­პარ­ტა­მენ­ტე­ბი შედ­გე­ბა სამ­მარ­თვე­ლო­ე­ბის­გან. ეს პო­ზი­ცია, რო­მე­ლიც ქევ­ხიშ­ვილს უკა­ვია, არ არის ზედა დონე. მე მი­ვი­ღე ასე­თი გა­და­წყვე­ტი­ლე­ბა, - დე­პარ­ტა­მენ­ტის პირ­ველ პი­რებს მი­ვე­ცი უფ­ლე­ბა, სამ­მარ­თვე­ლო­ე­ბის უფ­რო­სე­ბი, რომ­ლე­ბიც მათ დე­პარ­ტა­მენ­ტებ­ში შე­დი­ან, თვი­თონ წარ­მო­ად­გი­ნონ კან­დი­და­ტუ­რე­ბად. 25 ნო­ემ­ბრამ­დე ისი­ნი ამას წარ­მო­ად­გე­ნენ, ამას იმი­ტომ კი არ ვამ­ბობ, რომ ქევ­ხიშ­ვი­ლის რამე სა­წი­ნა­აღ­მდე­გო მაქვს, უბ­რა­ლოდ, არის ასე­თი მო­ცე­მუ­ლო­ბა, არ შე­იძ­ლე­ბა ერ­თი­ა­ნად აიღო 333 პრო­კუ­რო­რი, რაც მთლი­ა­ნად სა­ქარ­თვე­ლო­შია, გა­უშ­ვა და მო­იყ­ვა­ნო ამ­დე­ნი­ვე ახა­ლი პრო­კუ­რო­რი... აქვე გე­ტყვით, რომ 3000-ზე მეტი წე­რი­ლია შე­მო­სუ­ლი 15 დღე­ში და რთუ­ლია, შე­სა­ბა­მი­სად, ყვე­ლა ამ წე­რი­ლის გაც­ნო­ბა. უფრო მარ­ტივ გზას ვე­ტყვი მარ­ტი­აშ­ვილს და ყვე­ლა და­ინ­ტე­რე­სე­ბულ ადა­მი­ანს, ვი­საც პრო­კუ­რო­რის ან გა­მომ­ძი­ებ­ლის მი­მართ აქვს კომ­პრო­მა­ტი. მათ უნდა მის­წე­რონ იუს­ტი­ცი­ის სა­მი­ნის­ტროს, გე­ნე­რა­ლუ­რი ინ­სპექ­ცი­ის უფ­როსს, ამას ვა­ცხა­დებ თქვე­ნი გა­ზე­თის სა­შუ­ა­ლე­ბით. ჩვენ ვებ-გვერ­დზე დავ­დეთ ადა­მი­ან­თა სია, რომ­ლე­ბიც და­ი­ნიშ­ნენ დე­პარ­ტა­მენ­ტის ხელ­მძღვა­ნე­ლე­ბად. სწო­რედ ამ მიზ­ნით, თუკი სა­ზო­გა­დო­ე­ბას რო­მე­ლი­მეს მი­მართ აქვს პრე­ტენ­ზია, ეს პრე­ტენ­ზია უნდა იქ­ნეს გან­ხი­ლუ­ლი გე­ნინ­სპექ­ცი­ა­ში.

- გენშტა­ბის უფ­რო­სის დი­ლის 6 სა­ათ­ზე და­კა­ვე­ბამ თვით ვანო მე­რა­ბიშ­ვი­ლიც კი აღაშ­ფო­თა და გა­ნა­ცხა­და, რომ ეს არის "კა­გე­ბეშ­ნი­კუ­რი" მე­თო­დე­ბი. ძა­ლი­ან ბევ­რს სა­უბ­რო­ბენ სა­ზო­გა­დო­ე­ბა­ში მის არას­წორ და­კა­ვე­ბას­თან და­კავ­ში­რე­ბით, სვა­მენ კი­თხვას, - რა­ტომ არ შე­ვი­და პრო­კუ­რა­ტუ­რა სა­სა­მარ­თლო­ში შუ­ამ­დგომ­ლო­ბით, რომ შე­წყვე­ტი­ლი­ყო მისი უფ­ლე­ბა­მო­სი­ლე­ბა იმა­ვე დღეს? ჩვენ ვნა­ხეთ, რომ იგი და­ა­კა­ვეთ, მაგ­რამ პრე­ზი­დენ­ტმა, გან­თა­ვი­სუფ­ლე­ბის შემ­დეგ, კვლავ სამ­სა­ხურ­ში წა­რად­გი­ნა.

- ჩვენ მო­ვი­თხო­ვეთ კა­ლან­და­ძის პა­ტიმ­რო­ბა, ბუ­ნებ­რი­ვია, თუ მას სა­სა­მარ­თლო შე­უ­ფარ­დებ­და პა­ტიმ­რო­ბას, იგი ცი­ხე­ში გენშტა­ბის უფ­რო­სო­ბას ვერ შე­ას­რუ­ლებ­და, მაგ­რამ რო­დე­საც მას სა­სა­მარ­თლომ შე­უ­ფარ­და გი­რაო, მე­ო­რე დღეს­ვე მო­ვი­თხო­ვეთ თა­ნამ­დე­ბო­ბი­დან გა­და­ყე­ნე­ბა და გა­დად­გა. რაც შე­ე­ხე­ბა ე.წ. კა­გე­ბეშ­ნი­კურ მე­თო­დებს, - თავ­დაც­ვის მი­ნის­ტრი ჩა­ვა­ყე­ნეთ საქ­მის კურ­სში. რო­მე­ლი ფორ­მა იქ­ნე­ბო­და მი­სა­ღე­ბი, ის რაც გა­ვა­კე­თეთ თუ მას­თან შუ­ა­ღა­მით ოჯახ­ში რომ მივ­სუ­ლი­ყა­ვით, სა­დაც მე­უღ­ლე და ორი მცი­რე­წლო­ვა­ნი ბავ­შვია? წინა ხე­ლი­სუფ­ლე­ბა ჩვენ­სა­ვით იქ­ცე­ო­და? რო­გორ აპა­ტიმ­რებ­დნენ ისი­ნი ხალ­ხს?

- თქვენ­გან გან­სხვა­ვე­ბით ისი­ნი და­დი­ოდ­ნენ კა­მე­რე­ბით, უვარ­დე­ბოდ­ნენ შუ­ა­ღა­მი­სას ოჯა­ხებ­ში, ჩუს­ტებ­ში პო­უ­ლობ­დნენ ბომ­ბებს, კა­რა­დებ­ში ყუმ­ბარმ­ტყორ­ცნებს, ბა­ლი­შის ქვეშ ნარ­კო­ტი­კებს, ცოლ-ქმარს ყრიდ­ნენ სა­წო­ლი­დან და გვაჩ­ვე­ნებ­დნენ საც­ვლე­ბის ამა­რა, - აი, ეს იყო მათი ე.წ. დე­მოკ­რა­ტი­უ­ლი და­ჭე­რა. თუმ­ცა ეს იმას არ ნიშ­ნავს, რომ თქვენც მო­მა­ვალ­ში მათ და­ემ­სგავ­სოთ. ხალ­ხმა ხმა იმი­ტომ მოგ­ცათ, რომ აღად­გი­ნოთ სა­მარ­თლი­ა­ნო­ბა და და­ნერ­გოთ სა­ერ­თა­შო­რი­სოდ აღი­ა­რე­ბუ­ლი დე­მოკ­რა­ტი­უ­ლი სტან­დარ­ტე­ბი. და­კა­ვე­ბულ პო­ლი­ცი­ელ გუ­ნა­ვა­ზე ატყდა ამ­ბა­ვი, რომ მას ჩა­უ­დეს ნარ­კო­ტი­კი და ია­რა­ღი...

- აი, ამა­ზე რა კო­მენ­ტა­რი უნდა გა­ვა­კე­თო?

- "ნა­ცი­ო­ნა­ლურ მოძ­რა­ო­ბას" პი­არ­ში ვე­რა­ვინ აჯო­ბებს, რამ­დე­ნად არის სა­შიშ­რო­ე­ბა, რომ და­ჭე­რე­ბის თემა უმ­ცი­რე­სო­ბამ თქვენ წი­ნა­აღ­მდეგ გა­მო­ი­ყე­ნოს და რე­ვან­ში მო­ა­ხერ­ხოს?

- თქვე­ნი კი­თხვა თა­ვის­თა­ვად პო­ლი­ტი­კურ შე­ფა­სე­ბას მო­ი­თხოვს. მთა­ვა­რი პრო­კუ­რო­რი ემიჯ­ნე­ბა პო­ლი­ტი­კურ შე­ფა­სე­ბებს, ამას კა­ნო­ნი მიკ­რძა­ლავს...

- კარ­გით, სა­მარ­თლებ­რივ სა­კი­თხებ­ზე ვი­სა­უბ­როთ, - ახა­ლა­ი­ე­ბამ­დე იყ­ვნენ კო­დუ­ე­ბი... შე­გახ­სე­ნებთ ერთ ფაქტს, როცა ერეკ­ლე კო­დუა იყო "სო­დის" უფ­რო­სი, ნა­ნუ­კა ჟორ­ჟო­ლი­ანს პი­რად მო­ბი­ლურ­ზე და­უ­რე­კა სვან­მა ახალ­გაზ­რდამ ღა­მის სა­ა­თებ­ში, მე­ო­რე დღეს ეს სვა­ნი ახალ­გაზ­რდა სვა­ნეთ­ში სა­მარ­შრუ­ტო ტაქ­სი­დან მო­ი­ტა­ცეს ძა­ლოვ­ნებ­მა, ნარ­კო­ტი­კუ­ლი ნივ­თი­ე­რე­ბა გა­უ­კე­თეს, სას­ტი­კად სცე­მეს და მცე­ნა­რეს და­ამ­სგავ­სეს "მო­დუ­ლის" შე­ნო­ბა­ში. ამ საქ­მეს უშუ­ა­ლოდ ხელ­მძღვა­ნე­ლობ­და ერეკ­ლე კო­დუა, ეს სა­კი­თხი მა­შინ­დე­ლი სა­ხალ­ხო დამ­ცვე­ლის - სო­ზარ სუ­ბა­რის მოხ­სე­ნე­ბა­ში მოხ­ვდა. საკ­მა­ოდ რე­ზო­ნან­სუ­ლი თემა იყო, ამა­ზე ნინო ზუ­რი­აშ­ვილ­მა დო­კუ­მენ­ტუ­რი ფილ­მი გა­და­ი­ღო, მათ შო­რის, ჩვე­ნი გა­ზე­თიც ამა­ზე ბევ­რს წერ­და. მაშ, ასე! - აღიძ­ვრე­ბა თუ არა ამ კონ­კრე­ტულ ფაქ­ტზე საქ­მე ერეკ­ლე კო­დუ­ას მი­მართ? თან, რო­გორც ვი­ცით, კო­დუა არ იმ­ყო­ფე­ბა სა­ქარ­თვე­ლო­ში...

- არ ვიცი, არის თუ არა ერეკ­ლე კო­დუ­ა­ზე სის­ხლის სა­მარ­თლის საქ­მე აღ­ძრუ­ლი. მე პი­რა­დად ეგ სა­კი­თხი არ მო­მიკ­ვლე­ვია და არც და­ვა­ლე­ბა არ მი­მი­ცია. პირ­და­პი­რი მნიშ­ვნე­ლო­ბით ვამ­ბობ, რომ არა­ვის გაგ­ვხსე­ნე­ბია. ეს საკ­მა­ოდ სკან­და­ლუ­რი საქ­მეა, კარ­გად მახ­სოვს... მე მი­მაჩ­ნია, რომ ეს არის გა­მო­სა­ძი­ე­ბე­ლი საქ­მე. სვა­ნი ახალ­გაზ­რდა, რო­მე­ლიც არის და­ზა­რა­ლე­ბუ­ლი, მან უნდა მოგ­ვამ­რთოს, შე­იძ­ლე­ბა მოგ­ვმარ­თა კი­დეც... ვნა­ხავთ. გპირ­დე­ბით, ადრე თუ გვი­ან, ყვე­ლას გა­მო­ვი­ძი­ებთ. როცა ვამ­ბობ "ადრე თუ გვი­ან", ვგუ­ლის­ხმობ შე­საძ­ლებ­ლო­ბებს...

- ასე­ვე რე­ზო­ნან­სუ­ლია კახი კა­ლა­ძის ძმის მკვლე­ლო­ბის სა­კი­თხი. ლე­ვან ცინ­ცა­ძე­ზე, რო­მელ­საც 25 წელი აქვს მის­ჯი­ლი, მი­დი­ო­და ფსი­ქო­ლო­გი­უ­რი ზე­წო­ლა, და­ნა­შა­უ­ლი რომ ეღი­ა­რე­ბი­ნა, ამას მისი ად­ვო­კა­ტი ჭკა­დუა აცხა­დებს. ძა­ლი­ან მნიშ­ვნე­ლო­ვა­ნი ფი­გუ­რე­ბი იკ­ვე­თე­ბი­ან, რო­გო­რიც არის გია ბა­რა­მი­ძე. ად­ვო­კა­ტი აცხა­დებს, რომ სწო­რედ გია ბა­რა­მი­ძის და­ვა­ლე­ბით ჰყავ­დათ გა­ტა­ცე­ბუ­ლი გე­ნე­რა­ლი გია ვა­შა­კი­ძე, რო­მელ­საც აი­ძუ­ლებ­და ბა­რა­მი­ძე, თავ­ზე აეღო კა­ლა­ძის ძმის გა­ტა­ცე­ბა და მკვლე­ლო­ბა. გია ბა­რა­მი­ძის სა­ხე­ლი ბევ­რგან ფი­გუ­რი­რებს, მისი ბეგ­რა­უნ­დი კი აფ­რა­სი­ძე­ე­ბის სპე­ცო­პე­რა­ცია და მათი ამო­ხოც­ვაა. დად­გე­ბა თუ არა გია ბა­რა­მი­ძის სის­ხლის სა­მარ­თლის პა­სუ­ხის­მგებ­ლო­ბის სა­კი­თხი?

- რა თქმა უნდა, ტო­ლო­ბის მარ­ცხე­ნა მხა­რეს თქვენ ისე­თი მო­ცე­მუ­ლე­ბა და­დეთ, რომ მარ­ჯვე­ნა მხა­რეს არის პა­სუ­ხი - დიახ!.. აფ­რა­სი­ძე­ე­ბის საქ­მის გა­მო­ძი­ე­ბა მა­ღა­ლი სა­ზო­გა­დო­ებ­რი­ვი ინ­ტე­რე­სის სა­გა­ნია და ეს სა­კი­თხი აუ­ცი­ლებ­ლად იქ­ნე­ბა გა­მო­ძი­ე­ბუ­ლი.

- ბა­ჩა­ნა ახა­ლა­ია უფრო მძი­მე და­ნა­შა­ულ­შია ეჭ­ვმი­ტა­ნი­ლი, კონ­კრე­ტუ­ლად, რო­გო­რიც არის ე.წ. ცი­ხის ბუნ­ტი. სო­ზარ სუ­ბა­რის მა­შინ­დელ მოხ­სე­ნე­ბა­ში ეწე­რა, რომ ამ ბუნტს რამ­დე­ნი­მე პა­ტიმ­რის სი­ცო­ცხლე შე­ე­წი­რა.

- ცი­ხის თემა ამ­ჟა­მად გა­მო­ძი­ე­ბის სტა­დი­ა­შია, უახ­ლო­ეს დღე­ებ­ში ეს თემა გა­იხ­სნე­ბა, არის სა­კი­თხე­ბი, რა­საც მეტი სიღ­რმე­ე­ბი სჭირ­დე­ბა, რო­გო­რიც გახ­ლავთ ეკო­ნო­მი­კუ­რი და­ნა­შა­უ­ლო­ბე­ბი. გე­მახ­სოვ­რე­ბათ, ალ­ბათ, იქ­მნე­ბო­და უამ­რა­ვი ფონ­დი, იყო უამ­რა­ვი ფუ­ლის ხარ­ჯვა, ტენ­დერე­ბი...

- ეს ნიშ­ნავს, რომ გიგი უგუ­ლა­ვას ნამ­დვი­ლად მი­ა­დე­ქით?!

- რო­გორც საქ­მე გვიჩ­ვე­ნებს, ისე იქ­ნე­ბა!.. ეკო­ნო­მი­კურ და­ნა­შა­უ­ლე­ბებს დრო სჭირ­დე­ბა, ჩვენ რომ ისე მო­ვიქ­ცეთ, რო­გორც ჩვე­ნი წი­ნა­მორ­ბე­დი აკე­თებ­და, როცა იჭერ­დნენ ადა­მი­ა­ნებს და ის ადა­მი­ა­ნი წა­მე­ბის შემ­დეგ ყვე­ლა­ფერს აღი­ა­რებ­და, მა­გის გა­კე­თე­ბა არ გვინ­და. მეს­მის, სა­ზო­გა­დო­ე­ბა ჩვენ­გან ითხოვს სის­წრა­ფეს, მაგ­რამ ჩვენ­თვის მთა­ვა­რია ხა­რის­ხი­ა­ნი და კვა­ლი­ფი­ცი­უ­რი გა­მო­ძი­ე­ბა.

- რო­გორც ვიცი, სა­მარ­თალ­დამ­ცვე­ლე­ბის­თვის მო­უ­ლოდ­ნე­ლი იყო ბა­ჩა­ნა ახა­ლა­ი­ას სა­ქარ­თვე­ლო­ში გა­მო­ჩე­ნა და მას მო­უმ­ზა­დებ­ლე­ბი დავ­ხვდით. რო­გორ ფიქ­რობთ, რის­თვის გა­მო­ი­ყე­ნე­ბენ მას? და სა­ერ­თოდ, არ მეს­მის, რა პრი­ვი­ლე­გი­ებ­ში ამ­ყო­ფე­ბენ ამ ქარ­თველ ბრე­ი­ვიკს. ალ­ბათ, გა­მო­ძი­ე­ბა და­ამ­ტკი­ცებს, რომ მას 71 კაც­ზე მეტი ჰყავს მო­ნე­ლე­ბუ­ლი. რას ნიშ­ნავს ული­მი­ტო მი­მოს­ვლის და­წე­სე­ბა ცი­ხე­ში? ტე­ლე­ვი­ზო­რი, მალე ქა­ლებ­საც მო­ი­თხოვს... რა­ტომ დაგ­ვა­ზე­პი­რე­ბი­ნეთ, დღე­ში რამ­დენ­ჯერ გა­დის ტუ­ა­ლეტ­ში, რა უხა­რია და რა სწყინს?!. ამი­ტო­მაც, ე.წ. ის­ტო­რი­კოს­მა მას­ხა­რაშ­ვილ­მა ის ცოტ­ნე და­დი­ა­ნად მო­ნათ­ლა, ცოტა ხან­ში ყვე­ლა ვიქ­ნე­ბით მის წი­ნა­შე დამ­ნა­შა­ვე... ძა­ლი­ან ლო­ი­ა­ლუ­რე­ბი ხომ არ ხართ?

- იცით, რა ხდე­ბა? თქვენ პა­რა­ლელს ავ­ლებთ წინა ხე­ლი­სუფ­ლე­ბას­თან, გუ­შინ­დე­ლი ცხოვ­რე­ბი­დან გა­მომ­დი­ნა­რე სა­უბ­რობთ ასე. კარ­გად იცით, რა­საც აკე­თებ­დნენ ესე­ნი. ერთ რა­მეს გე­ტყვით, - ეს "კუ­დის" 12 თა­ნამ­შრო­მე­ლი, რომ­ლე­ბიც და­ვა­კა­ვეთ, და­კი­თხვის დროს გა­ო­ცე­ბუ­ლე­ბი გვე­კი­თხე­ბოდ­ნენ, - არ უნდა გვცე­მო­თო?!

- ისე, ერთი ვა­სი­კო ჯა­მა­ლაშ­ვი­ლი არც თქვენ გა­წყენ­დათ... არ გი­ფიქ­რი­ათ, რომ ეს ახალ­გაზ­რდა კარ­გი საქ­მის­თვის გა­მო­ი­ყე­ნოთ, რად­გან იშ­ვი­ა­თია ის ნიჭი, რო­მე­ლიც მას აქვს თა­ნა­მედ­რო­ვე კი­ბერ­ტექ­ნო­ლო­გი­ა­ში. ასე­თი ადა­მი­ა­ნე­ბი "ცე­ე­რუს", "ფე­ეს­ბეს", "ნა­სას" აღ­რი­ცხვა­ზე ჰყავთ და მათ­თან თა­ნამ­შრომ­ლო­ბენ.

- გა­ვით­ვა­ლის­წი­ნებთ თქვენს რჩე­ვებს და ვიქ­ნე­ბით კა­ნო­ნის ფარ­გლებ­ში ჰუ­მა­ნუ­რე­ბი.

- ვრცელ­დე­ბა ინ­ფორ­მა­ცია, რომ პრო­კუ­რა­ტუ­რა დათა ახა­ლა­ი­ას ბრალს და­უს­წრებ­ლად წა­უ­ყე­ნებს.

- მას ბრალს წა­ვუ­ყე­ნებთ იმ ეპი­ზოდ­თან და­კავ­ში­რე­ბით, რა­ზეც "კუ­დის" 12 თა­ნამ­შრო­მე­ლი და­ვა­კა­ვეთ. იმ ეპი­ზოდ­ში, ალ­ბათ, სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბა იქ­ნე­ბა და თა­ვი­სუფ­ლე­ბის უკა­ნო­ნო აღ­კვე­თა ბესო სურ­მა­ვას­თვის.

- დათა ახა­ლა­ი­ას გვარ­მა გა­იჟ­ღე­რა გუ­რამ შა­რა­ძის მკვლე­ლო­ბას­თან მი­მარ­თე­ბი­თაც. და­ინ­ტე­რეს­დე­ბა თუ არა გა­მო­ძი­ე­ბა ამ სა­კი­თხით?

- სხვა­თა შო­რის, გუ­რამ შა­რა­ძის ქა­ლიშ­ვი­ლი ამ­ბობს, რომ ის ადა­მი­ა­ნი, რო­მე­ლიც გუ­რამ შა­რა­ძის მკვლე­ლო­ბის­თვის სას­ჯელს იხ­დის, რე­ა­ლუ­რად მკვლე­ლი არ არის. ამ საქ­მეს ჩვენ აუ­ცი­ლებ­ლად გა­მო­ვი­ძი­ებთ.

- როცა ნა­ტოს გე­ნე­რა­ლუ­რი მდი­ვა­ნი აკე­თებს გან­ცხა­დე­ბას, რომ აღ­შფო­თე­ბუ­ლია სა­ქარ­თვე­ლო­ში არ­ჩევ­ნე­ბის შემ­დეგ პო­ლი­ტი­კუ­რი და­პა­ტიმ­რე­ბით, ალ­ბათ, რას­მუ­სენს არ ჰქონ­და ინ­ფორ­მა­ცია "ნა­ცი­ო­ნა­ლუ­რი მოძ­რა­ო­ბა" რას აკე­თებ­და ხე­ლი­სუფ­ლე­ბა­ში მოს­ვლის დროს, მათ წინა ხე­ლი­სუფ­ლე­ბის 11 მა­ღალ­ჩი­ნო­სა­ნი, მათ შო­რის, მი­ნის­ტრე­ბი და­კა­ვეს, შს მი­ნის­ტრი - კობა ნარ­ჩე­მაშ­ვი­ლი, ასე­ვე და­ვით მირ­ცხუ­ლა­ვა, სულ­ხან მო­ლაშ­ვი­ლი, მე­რაბ ადე­იშ­ვი­ლი, აკა­კი ჩხა­ი­ძე და ა.შ.

- სხვა­თა შო­რის, მე ბევ­რი მათ­გა­ნის ად­ვო­კა­ტი ვი­ყა­ვი: კობა ნარ­ჩე­მაშ­ვი­ლის, აკა­კი ჩხა­ი­ძის, ლე­ვან კენ­ჭა­ძის, ებ­რა­ე­ლე­ბის გახ­მა­უ­რე­ბუ­ლი საქ­მის...

- შე­სა­ბა­მი­სად, დად­გე­ბა თუ არა "ნა­ცი­ო­ნა­ლუ­რი მოძ­რა­ო­ბის" ყო­ფი­ლი მი­ნის­ტრე­ბის პა­სუ­ხის­მგებ­ლო­ბის სა­კი­თხი, თუკი მათ­ზე იქ­ნე­ბა სა­თა­ნა­დო მტკი­ცე­ბუ­ლე­ბე­ბი და სამ­ხი­ლი? ხომ არ შე­გე­შინ­დე­ბათ და ხომ არ და­კომ­პლექსდე­ბით სა­ერ­თა­შო­რი­სო გან­ცხა­დე­ბე­ბით? სა­დამ­დე მივა და­ჭე­რე­ბის ხაზი?

- რო­გორც კი იქ­ნე­ბა და­ნა­შა­უ­ლის ნიშ­ნე­ბი ნე­ბის­მი­ერ ყო­ფილ მა­ღალ თა­ნამ­დე­ბო­ბის პირ­ზე, გა­მო­ვალ და ამის შე­სა­ხებ გან­ვა­ცხა­დებ. გა­მო­რი­ცხვით არა­ფერს გა­მოვ­რი­ცხავ და აბ­სო­ლუ­ტუ­რად არა­ნა­ი­რი გან­ცხა­დე­ბა არ და­მა­კომ­პლექ­სებს. ის, რომ ნა­ტოს გე­ნე­რა­ლუ­რი მდივ­ნი­სა და სხვა­თა გა­მო­ნათ­ქვა­მე­ბი შე­ი­ცავს კრი­ტი­კულ მო­საზ­რე­ბას, ეს არის შე­დე­გი ნა­ტო­ზე ცრუ ინ­ფორ­მი­რე­ბუ­ლო­ბი­სა და არა იმი­სა, რომ კრი­მი­ნა­ლი არ უნდა და­ვი­ჭი­როთ.

- ვანო მე­რა­ბიშ­ვილ­მა შოთა ხი­ზა­ნიშ­ვი­ლის და­კა­ვე­ბას­თან და­კავ­ში­რე­ბით გა­ნა­ცხა­და, რომ ხი­ზა­ნიშ­ვი­ლი იმი­ტომ და­ა­კა­ვეს, პირ­და­პირ ჩემ­ზე მოხ­დეს ზე­წო­ლაო... თუკი შე­ვარ­დნა­ძის ში­ნა­გან საქ­მე­თა მი­ნის­ტრი აღ­მოჩ­ნდა ცი­ხე­ში, რამ­დე­ნად შე­საძ­ლე­ბე­ლია, რომ "ნა­ცი­ო­ნა­ლუ­რი მოძ­რა­ო­ბის" ყო­ფი­ლი ში­ნა­გან საქ­მე­თა მი­ნის­ტრი, რო­მე­ლიც ბევრ გახ­მა­უ­რე­ბულ საქ­მე­ში ფი­გუ­რი­რებს, აღ­მოჩ­ნდეს ცი­ხე­ში?

- ის არის პო­ლი­ტი­კო­სი და შე­უძ­ლია ნე­ბის­მი­ე­რი გან­ცხა­დე­ბა გა­ა­კე­თოს, ამ სა­კი­თხზე მეტ კო­მენ­ტარს არ გა­ვა­კე­თებ გარ­და ერ­თი­სა, რომ თუკი ვინ­მეს და­უმ­ტკიც­დე­ბა და­ნა­შა­უ­ლი, მან პა­სუ­ხი უნდა აგოს. ხი­ზა­ნიშ­ვი­ლი კი და­ვა­კა­ვეთ იმი­ტომ, რომ ის ხელ­მძღვა­ნე­ლობ­და იმ უკა­ნო­ნო ქმე­დე­ბებს, რაც არის გა­მოქ­ვეყ­ნე­ბუ­ლი. მორ­ჩა!..

- რაც შე­ე­ხე­ბა გიგი უგუ­ლა­ვას ძა­ლი­ან სკან­და­ლურ გან­ცხა­დე­ბას: "ბი­ძი­ნა ივა­ნიშ­ვი­ლის მსტოვ­რე­ბი ისე იჭე­რენ ადა­მი­ა­ნებს, იმის ღირ­სა­დაც კი არ გვთვლი­ან, მათი ბრა­ლე­უ­ლო­ბა გაგ­ვაც­ნონ. გაფრ­თხი­ლებთ, ბუ­მე­რან­გი­ვით და­გიბ­რუნ­დე­ბათ ეს შუ­რის­ძი­ე­ბა და რე­ვან­შიო"... რო­გორ ფიქ­რობთ, რას გუ­ლის­ხმობს გიგი უგუ­ლა­ვა რე­ვანშში?

- მე რა ვიცი, რას გუ­ლის­ხმობს, ჰკი­თხეთ პი­რა­დად მას... მე ვიცი ის, რომ ვი­საც ბრა­ლი წა­ვუ­ყე­ნეთ, ყვე­ლა დო­კუ­მენ­ტი გან­ვა­სა­ჯა­რო­ვეთ...

- თინა ხი­და­შე­ლი ჩემ­თან არა­ერთ ინ­ტერ­ვი­უ­ში აცხა­დებ­და, რომ გიგი უგუ­ლა­ვა სა­მარ­თლი­ან ქვე­ყა­ნა­ში პა­სუ­ხის­გე­ბა­ში უნდა იყოს მი­ცე­მუ­ლი. პი­რა­დად მას არა­ერ­თი მა­კომ­პრო­მი­ტი­რე­ბე­ლი მა­სა­ლა გა­მო­უქ­ვეყ­ნე­ბია ჩვენს გა­ზეთ­ში უგუ­ლა­ვას კო­რუფ­ცი­უ­ლი გა­რი­გე­ბე­ბის, ეკო­ნო­მი­კუ­რი და­ნა­შა­უ­ლე­ბე­ბი­სა და ბიზ­ნე­სებ­ში არას­წო­რი მო­ნა­წი­ლე­ო­ბის შე­სა­ხებ.

- თინა ხი­და­შე­ლი არის პო­ლი­ტი­კო­სი და ამას ამ­ბობ­და პო­ლი­ტი­კუ­რი დე­ბა­ტე­ბის ჭრილ­ში. რისი თქმის უფ­ლე­ბაც აქვს პო­ლი­ტი­კოსს, იმის თქმის უფ­ლე­ბა არ აქვს პრო­კუ­რორს. ყვე­ლა სა­კი­თხი იქ­ნე­ბა შეს­წავ­ლი­ლი, ვინც თქვენ და­ა­სა­ხე­ლეთ და ვინც არ და­გი­სა­ხე­ლე­ბი­ათ.

- ეს ხაზი მივა მი­ხე­ილ სა­ა­კაშ­ვი­ლამ­დე?

- სა­დაც მივა, იქამ­დე მი­ვალთ...

ნინო სამ­ხა­რა­ძე

"კვი­რის ქრო­ნი­კა"

(შე­მოკ­ლე­ბუ­ლი ვერ­სია)