ლევან ცქიტიშვილი - "ყველა პატიმარს გვერდში ვუდგავარ"

"ყველა პატიმარს გვერდში ვუდგავარ", - ამის შესახებ "ინტერპრესნიუსს" ფეხბურთელმა ლევან ცქიტიშვილმა განუცხადა.

მისივე თქმით, პატიმრებზე განხორციელებული სისასტიკის ამსახველი მასალა, რომელიც ბოლო დღეებში ვიხილეთ, 21-ე საუკუნეში დაუშვებელია და იგი ერს ცუდად წარმოაჩენს. ლევან ცქიტიშვილი წამებაში მონაწილე პირების დასჯას ითხოვს.

"რაც ეს კადრები გამოვიდა, სამი დღე მართლა არ მძინებია. ყველა პატიმარს გვერდში ვუდგავარ. 8 წელი ევროპაში ვიყავი და მსგავსი არაფერი მსმენია. არა მგონია, რომ სადმე მსგავსი რამე ხდებოდეს. სირცხვილია, 21-ე საუკუნეა და ვინც ამ კადრებს ნახავს, ჩვენს ერზე, ალბათ, წარმოდგენა შეეცვლება. ვინც კარგს ფიქრობდა, არ არის გამორიცხული, ჩვენს ერზე უარყოფითად იფიქროს", - აღნიშნა ცქიტიშვილმა.

"ინტერპრესნიუსი"