მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლეო ანთაძე: "დოიაშვილის თანამდებობიდან მოხსნა ძალიან დიდი უსამართლობაა, ესენი პოლიტიკური ნიშნით ებრძვიან ყველას“
12:09 / 17-04-2025
გუშინ, ცნობილი გახდა, რომ საქართველოს კულტურის სამინისტრომ მოულოდნელად გაათავისუფლა ვასო აბაშიძის სახელობის მუსიკისა და დრამის თეატრის სამხატვრო ხელმძღვანელი, დავით დოიაშვილი. მართალია, ამ გათავისუფლების მიზეზად სამინისტროს მხრიდან თეატრში შემოქმედებითი პროცესის შეფერხება დასახელდა, მაგრამ ამ გადაწყვეტილებას, თავად რეჟისორის და თეატრალური საზოგადოების დიდი ნაწილი პოლიტიკურ მოტივებს უკავშირებს. ვასო აბაშიძის სახელობის მუსიკისა და დრამის თეატრის მსახიობები ამბობენ, რომ დოიაშვილს არსად უშვებენ.
დავით დოიაშვილის თანამდებობიდან მოხსნაზე აზრი გაგვიზიარა ყველასთვის საყვარელმა მსახიობმა ლეო ანთაძემ:
"ახლახან მითხრეს ეს ამბავი, როგორც გავიგე, თეატრალური საზოგადოებიდან ძალიან ბევრია აღშფოთებული და მეც მათ ვუერთდები. დავით დოიაშვილის რანგის რეჟისორებს ქუჩაში კი ვერ მონახავ! თითზე ჩამოსათვლელია მისი მსგავსი ხელოვანი, ბრწყინვალე რეჟისორია! მისი მოხსნა ძალიან დიდი უსამართლობაა, მაგრამ ესენი პოლიტიკური ნიშნით ებრძვიან ყველას, ვინც კი უარყოფითი დამოკიდებულებით არის ამ მთავრობის მიმართ.
დავით დოიაშვილთან ყოველთვის ძალიან დიდი სიამოვნებით ვმუშაობდი. მარჯანიშვილის თეატრში რომ სამხატვრო ხელმძღვანელი იყო, მან დადგა სპექტაკლი, სადაც მთავარ როლს ვთამაშობდი. დაუვიწყარია ჩემთვის ის პერიოდი, ძალიან სასიამოვნოდ მაგონდება და ძალიან საწყენია ასეთი ნიჭიერი კაცი რომ გაათავისუფლეს. არ ვიცი, მეტი რა გითხრათ, როგორ გამოვხატო ჩემი ძალიან დიდი აღშფოთება..."
იხილეთ ასევე:
- "ეს არ არის ერთი ადამიანის მოხსნა, ეს არის თეატრის დახურვა..." - როგორ ეხმაურება თეატრალური საზოგადოება დავით დოიაშვილს გათავისუფლებას
- "ვერანაირ პოზიციას ვერ გაგიზიარებთ, ვწევარ, ავად ვარ და აზრზე არ ვარ, რა ხდება..." - ზურა ყიფშიძის პასუხი დოიაშვილზე დასმულ შეკითხვაზე
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
