მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ადამიანებს ქონებაზე, ფინანსურ რესურსზე წვდომა შეუზღუდო, ეს არის არქაული, საბჭოთა პერიოდის გადაწყვეტილება და არა ის, რასაც დემოკრატია ჰქვია" - გია ვოლსკი სანქციებზე
15:48 / 11-04-2025
ძალიან სამწუხარო და ამავე დროს ამაღელვებელია, რომ თანამედროვე ევროპაში, 21-ე საუკუნეში, კონკრეტული ადამიანების მიმართ ასეთი უტიფარი, არქაული გადაწყვეტილებები შეიძლება იქნას მიღებული, - ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა, რითაც გაერთიანებული სამეფოს მიერ 4 ქართველი თანამდებობის პირის დასანქცირებას გამოეხმაურა.
უმრავლესობის დეპუტატი ორმაგ სტანდარტებზე საუბრობს და აცხადებს, რომ ამ გადაწყვეტილების მიღება უსამართლობაა.
როგორც ვოლსკი აღნიშნავს, პოლიტიკურ ველზე შეიძლება აზრთა სხვადასხვაობა იყოს, თუმცა ადამიანებისთვის ფინანსურ რესურსზე ხელმისაწვდომობის და გადაადგილების შეზღუდვა არქაული, საბჭოთა პერიოდის გადაწყვეტილებაა.
"აქ არის გადაწყვეტილება მიღებული იქიდან გამომდინარე, თუ რა პოლიტიკური ინტერესი აქვს კონკრეტულ ქვეყანას. სულ ახლახან ჩვენ ვიხილეთ, რომ ამერიკის შეერთებული შტატების ადმინისტრაციამ ბრიტანეთის პრემიერ-მინისტრს გადადგომისკენ მოუწოდებდა და მას დამნაშავედ თუ არა, უმძიმეს დანაშაულზე ხელის დამფარებლად ასახელებდა. რასაკვირველია, ეს პროცესია. პოლიტიკურ ველზე შეიძლება აზრთა სხვადასხვაობა იყოს. ამერიკის და ბრიტანეთის ეს დაპირისპირება, პოლემიკა კარგი მაგალითია, მაგრამ აიღო და ადამიანების მიმართ დააწესო სანქცია, მით უმეტეს, ქონებაზე, ფინანსურ რესურსზე ხელმისაწვდომობა და გადაადგილება შეუზღუდო, ეს არის არქაული, რაღაც საბჭოთა პერიოდის გადაწყვეტილება. ეს არ არის ის, რასაც დემოკრატია ჰქვია. ძალიან სამწუხაროა და ამავე დროს ამაღელვებელია, რომ თანამედროვე ევროპაში, დღეს, 21-ე საუკუნეში, ასეთი უტიფარი, არქაული გადაწყვეტილებები შეიძლება კონკრეტული ადამიანების მიმართ იქნეს მიღებული,“ - განაცხადა ვოლსკიმ.
ცნობისთვის, გაერთიანებული სამეფოს მთავრობამ ადამიანის უფლებების გლობალური სანქციების რეჟიმის ფარგლებში ოთხი პირი დაასანქცირა. გაერთიანებული სამეფოს მთავრობის განცხადებით, სანქციების ეს პაკეტი მიმართულია საქართველოს ოფიციალური პირების მიმართ, რომლებიც პასუხისმგებელნი არიან ადამიანის უფლებების სერიოზულ დარღვევებზე, 2020 წლის ადამიანის უფლებების გლობალური სანქციების რეგულაციის თანახმად.
სანქციები დაუწესდათ გენერალურ პროკურორს გიორგი გაბიტაშვილს, შს მინისტრის მოადგილეს შალვა ბედოიძეს, განსაკუთრებულ დავალებათა დეპარტამენტის დირექტორის მოადგილე მირზა კეზევაძესა და სპეციალური საგამოძიებო სამსახურის უფროსს კარლო კაციტაძეს. სანქციები ითვალისწინებს აქტივების გაყინვას, დირექტორის დისკვალიფიკაციის სანქციასა და სამოგზაურო აკრძალვას.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
