სუდანის არმიამ ხარტუმში მოწინააღმდეგე ნახევრად სამხედრო სწრაფი მხარდაჭერის ძალებისგან (RSF) საპრეზიდენტო სასახლე გაათავისუფლა. ამის შესახებ სამხედრო ლიდერებმა განაცხადეს.
- სოციალურ მედიაში გამოქვეყნებული ვიდეო და ფოტოები, რომლებიც BBC-მ გადაამოწმა, მხიარულ ჯარისკაცებს ასახავს, რომლებიც ზეიმობენ და ლოცვისთვის მუხლებზე დგებიან.
როგორც ჩანს, ორი წლის შემდეგ, რაც ისინი ნახევრად სამხედრო მეტოქეებმა განდევნეს, არმია დედაქალაქის კონტროლის დასაბრუნებლად მზადაა.
ნახევრად სამხედრო ჯგუფს ჯერ კომენტარი არ გაუკეთებია.
ხარტუმი არის ადგილი, სადაც თითქმის ორი წლის წინ სასტიკი სამოქალაქო ომი დაიწყო და ყველაზე დიდი ბრძოლები გაიმართა.
დედაქალაქის უმეტესი ნაწილი და სუდანის დასავლეთი ომის დაწყებიდან RSF-ს ეკავა.
ხარტუმის დაბრუნება სუდანის შეიარაღებული ძალებისთვის უზარმაზარი გამარჯვება და კონფლიქტში გადამწყვეტი მომენტია. არმიამ ბოლო კვირებში სუდანის ცენტრალური ნაწილის გარკვეულ რაიონებშიც წინ წაიწია.
მოწმეების თქმით, ხუთშაბათს, რესპუბლიკურ სასახლესთან დრონებით განხორციელებული თავდასხმებისა და საჰაერო დარტყმების შედეგად აფეთქებების ხმა ისმოდა.
შაბათის ვიდეო ჩანაწერში RSF-ის მეთაურმა, მოჰამედ ჰამდან დაგალომ, რომელიც ჰემედტის სახელითაა ცნობილი, დაიფიცა, რომ საპრეზიდენტო სასახლესა და მიმდებარე ტერიტორიას, რომელიც მისი ნახევრად სამხედრო ჯგუფის კონტროლის ქვეშაა, დაიცავდა.
ის ჩრდილოეთის რამდენიმე ქალაქს მომავალი თავდასხმებითაც დაიმუქრა.
გაეროს მონაცემებით, ომმა მსოფლიოში უდიდესი ჰუმანიტარული კრიზისი გამოიწვია, ამასთან, როგორც RSF-ს, ისე არმიას, ადამიანის უფლებათა ფართომასშტაბიან დარღვევებში ადანაშაულებენ.
წყარო
