22
მარტიდღის ზოგადი ასტროლოგიური პროგნოზი
საქართველოს ეროვნულმა საფეხბურთო ნაკრებმა ერევანში სომხეთის ნაკრები დიდი უპირატესობით, ანგარიშით 0-3 დაამარცხა.
მატჩის 33-ე წუთზე გიორგი ქოჩორაშვილმა ოთარ კიტეიშვილის გადაცემით ისარგებლა და ანგარიში გახსნა, მალევე, 37-ე წუთზე მამარდაშვილის პასით გიორგი მიქაუტაძემ ანგარიში გაზარდა.აღსანიშნავია, რომ საქართველოს ნაკრების მეკარისთვის ეს არის კარიერაში პირველი საგოლე გადაცემა.
59-ე წუთზე მიქაუტაძემ ამჯერად გიორგი ჩაკვეტაძის პასი აქცია გოლად, დუბლი შეასრულა და ანგარიში 0-3 გახდა. მატჩის დარჩენილ წუთებში ანგარიში აღარ შეცვლილა.
ანალიტიკური საიტის sofascore-ის მიხედვით, ჩვენი ნაკრების ფეხბურთელების შეფასებები დღევანდელ მატჩში ასეთია - გიორგი მიქაუტაძე - 8.7, ოთარ კიტეიშვილი - 7,2, გიორგი ჩაკვეტაძე - 7.7, ზურიკო დავითაშვილი - 6,8, გიორგი ქოჩორაშვილი - 8,1, ნიკა კვეკვესკირი - 6.5, ირაკლი აზაროვი - 7,6, ლუკა ლოჩოშვილი - 6.9. საბა გოგლიჩიძე - 7.1, ოთარ კაკაბაძე - 7.2, გიორგი მამარდაშვილი - 8.0.
