22
მარტიდღის ზოგადი ასტროლოგიური პროგნოზი
საფრანგეთი გეგმავს თითოეულ მოქალაქეს “გადარჩენის გზამკვლევი“ ბროშურა დაურიგოს, სადაც "გარდაუვალი საფრთხეების“, მათ შორის საფრანგეთის ტერიტორიაზე შეიარაღებული კონფლიქტის შემთხვევაში, ოჯახში გასატარებელი ღონისძიებებია აღწერილი.
“გზამკვლევის მიზანია მოამზადოს მოქალაქეები სხვადასხვა კრიზისის შემთხვევაში. ეს მოიცავს ბუნებრივ კატასტროფებს, ტექნოლოგიურ და კიბერ ინციდენტებს, ჯანდაცვის კრიზისებს, როგორიცაა COVID-19 და უსაფრთხოების უზრუნველყოფას, მაგალითად, ტერორისტული თავდასხმების ან შეიარაღებული კონფლიქტების შემთხვევაში,” - განუცხადა CNN-ს საფრანგეთის პრემიერ-მინისტრის სპიკერმა ფრანსუა ბაირომ.
მისი თქმით, 20-გვერდიანი ბროშურა ოჯახებს ზაფხულამდე გადაეცემა. მანამდე მსგავსი შინაარსის ბროშურები თავის მოქალაქეებს, შვედეთმა და ფინეთმაც დაურიგა.
გზამკვლევი დაყოფილი იქნება სამ ნაწილად და მფლობელს მისცემს პრაქტიკულ რჩევებს, თუ როგორ დაიცვას საკუთარი თავი და საყვარელი ადამიანები საფრთხის შემთხვევაში.
რეკომენდაციები მოიცავს სასწრაფო დახმარების კონტაქტების სიას (სახანძრო, პოლიცია და სასწრაფო დახმარება); კონკრეტული რადიო სიხშირის პოვნას და რეკომენდაციებს ბირთვული ავარიის შემთხვევაში.
- ბროშურა რეკომენდაციას იძლევა, რომ ყველა ოჯახს შენახული ჰქონდეს "გადარჩენის ნაკრები“ - ექვს ლიტრი წყალი, საკვები კონსერვები, ბატარეები და ფანარი.
მოქალაქეებს ასევე ურჩევენ შეიძინონ ისეთი სამედიცინო საშუალებები, როგორიცაა პარაცეტამოლი, კომპრესები და მარილიანი ხსნარი.
ამ თვის დასაწყისში მაკრონმა გამოაცხადა საფრანგეთის უსაფრთხოების ძალების "ძირითადი რეფორმა". გეგმის მიხედვით 2035 წლისთვის ოპერატიული რეზერვისტების რაოდენობა 40 000-დან 100 000-მდე უნდა გაიზარდოს.
იხილეთ ასევე:
