მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
წიგნი, რომელიც ხანგრძლივი ცხოვრების მთავარ გასაღებზე გვიამბობს - ინტერვიუ "ლურჯი ოკეანის" ხელმძღვანელ თამთა ჯაფარაშვილთან
13:13 / 06-03-2025
თანამედროვე მსოფლიოში, სადაც ქრონიკული დაავადებები მილიონობით ადამიანის ცხოვრებას განსაზღვრავს, სულ უფრო მეტს ვფიქრობთ იმაზე, თუ როგორ შეიძლება შევინარჩუნოთ ახალგაზრდობა, ენერგია და სიცოცხლის ხანგრძლივობა. სწორედ ამ კითხვებზე პასუხს გვთავაზობს პიტერ ატია თავის ბესტსელერში „Outlive: The Science and Art of Longevity“ („ხანგრძლივი სიცოცხლე – დღეგრძელობის მეცნიერება და ხელოვნება“).
ბესტსელერი ქართულ ენაზე პროექტ „ლურჯ ოკეანის“ ფარგლებში ითარგმნა და უკვე ხელმისაწვდომია როგორც წიგნის მაღაზიებში, ისე „პალიტრა L-ის“ ვებგვერდზე. რატომ არის წიგნის გამოცემა მნიშვნელოვანი და როგორ დაეხმარება ის მკითხველს ჯანსაღი ცხოვრების დაწყებასა და ყოველდღიური რუტინის გაუმჯობესებაში, ამის შესახებ პროექტ „ლურჯი ოკეანის“ ხელმძღვანელი, თამთა ჯაფარაშვილი საუბრობს:
- პიტერ ატია მსოფლიოს მასშტაბით ერთ-ერთი ყველაზე პოპულარული მკვლევარი და ექიმია, რომლის იდეებიც ადამიანებს შთააგონებს, აჩვენებს გზას, როგორ შეცვალონ ყოველდღიური რუტინა და გამოიმუშაონ ჯანსაღი ჩვევები. საინტერესოა, რამდენად მნიშვნელოვანია მისი იდეების თარგმნა და გამოცემა ქართულ ენაზე და რამდენად დაინტერესებულია ქართული აუდიტორია მსგავსი თემებით?
თანამედროვე ცხოვრება, ტექნოლოგიური განვითარება, დამოკიდებულება სოციალურ მედიაზე, სრულ განაკვეთზე მუშაობა და ნაკლებად მოძრავი ცხოვრების წესი, არაჯანსაღი საკვები და მავნე ნივთიერებებით გაჯერებული ჟანგბადი თითქოს უკვე იქცა თითოეული ჩვენგანის მოცემულობად, საცხოვრებელი ადგილის მიუხედავად. ამ გამოწვევებს ყოველდღიურ სტრესსაც თუ დავუმატებთ, დავინახავთ, თუ რა საფრთხის წინაშე დგას ჩვენი ფიზიკური და მენტალური ჯანმრთელობა. შესაბამისად, ჩემი შეფასებით, პიტერ ატიას მსგავსი ნოვატორული მიდგომების მქონე ავტორებისა და მათი უახლესი ნაშრომების ქართულ ენაზე გამოცემა ჩვენი საზოგადოების ფიზიკური სიჯანსაღისთვის კრიტიკულად მნიშვნელოვანია.
სწორედ ამ მიზნით დავიწყეთ ახალი საგამომცემლო პროექტი, „პანაცეა“ - ქვეყანაში ჯანსაღი, დაბალანსებული ცხოვრების წესისა და დღეგრძელობის ხელშეწყობისთვის. აუდიტორიის ინტერესს ერთი მხრივ, საკითხის აქტუალურობა განაპირობებს - ჯანმრთელობის მდგომარეობა და ცხოვრების ხარისხი ყველა ადამიანისთვის მნიშვნელოვანია. მეორე მხრივ, სწორედ აქ ჩანს ჩვენი, როგორც წამყვანი გამომცემლობის როლი - ისეთი წიგნები შესთავაზო მკითხველს, რომელიც მათ არა მხოლოდ დააფიქრებს, არამედ ბიძგს მისცემს რეალური და ძალიან საჭირო ცხოვრებისეული ცვლილებებისთვის.
- ზოგადად პიტერ ატიას პერსონა რამდენად გავლენიანია პრევენციულ მედიცინაში, რომელიც განვითარებულ ქვეყნებში ერთ-ერთი წამყვანი მიმართულება გახდა?
მედიცინის დოქტორი პიტერ ატია Early Medical-ის დამფუძნებელია. სამედიცინო ხარისხი სტენფორდის უნივერსიტეტის სამედიცინო სკოლაში მიიღო, ჯონს ჰოპკინსის ჰოსპიტალში კი ზოგად ქირურგიაში დახელოვნდა. ასევე მუშაობდა NIH-ის ქირურგიული ონკოლოგიის განყოფილებაში სიმსივნის ეროვნულ ინსტიტუტში, სადაც მისი კვლევითი საქმიანობა ფოკუსირებული იყო მელანომის იმუნიტეტზე დაფუძნებულ თერაპიაზე. 30 წლის ასაკისთვის პიტერ ატია მარათონელი მოცურავე იყო და კატალინას არხიც კი გადაცურა. მაგრამ თანდათან აღმოაჩინა, რომ უკვე აღარ იყო ჯანმრთელი და გულის დაავადებით ნაადრევი სიკვდილის გზას ადგა. ამის გაცნობიერებამ დღეგრძელობის გააზრებამდე და პრევენციულ მედიცინამდე მიიყვანა. დღეს ის ამ მიმართულების ერთ-ერთ წამყვან სპეციალისტად ითვლება გლობალური მასშტაბით.
- რა აღმოჩენების გაკეთებას შევძლებთ პიტერ ატიას „ხანგრძლივი სიცოცხლე დღეგრძელობის მეცნიერება და ხელოვნება?“
წიგნის დასაწყისში ავტორი საკუთარ უცნაურ და ხშირ სიზმარზე საუბრობს, თუ როგორ ესვრის ვიღაც კვერცხებს და როგორ ცდილობს იმ ნატყორცნი კვერცხების დაჭერას, თუმცა უმეტესად ამაოდ. დასკვნის სახით გვეუბნება, რომ მთავარი გზა არა მათი აცდენა ან დაჭერა, არამედ მსროლელის შეჩერებაა. პრევენცია - სწორედ ესაა ამ ტექსტის ძირითადი საზრისი. ძენ ბუდიზმში არსებობს ასეთი კონცეფციები: კენშო და სატორი. სატორი გააზრების, გაცნობიერების შედეგად ზრდას გულისხმობს და „ხანგრძლივი სიცოცხლის“ გამოცემით სწორედ ასეთ გზაზე ვიწვევთ მკითხველს თანამგზავრად. კენშო ტკივილის შედეგად ზრდას აღნიშნავს. ჩვენი დიდი სურვილია, რომ ამ და მსგავსი ლიტერატურის გაცნობით ადამიანებს დაავადებებისა და დაავადებებით გამოწვეული ტკივილის თავიდან აცილებაში დავეხმაროთ.
„ხანგრძლივ სიცოცხლეში“ მკითხველები აღმოაჩენენ:
- რატომაა სისხლისა და ქოლესტერინის ტესტების შედეგები „ნორმალური“ წლიური შემოწმებისას, თუმცა მაინც არ ხართ ჯანმრთელი? – იმიტომ, რომ საშუალო არ ნიშნავს ოპტიმალურს.
- რატომაა ვარჯიში ყველაზე ძლიერმოქმედი „წამალი“ დღეგრძელობისთვის და როგორ დავიწყოთ მზადება ასწლოვანთა ათჭიდისთვის?
- რატომ უნდა ამოვიგდოთ თავიდან „დიეტები“ და ნაცვლად ამისა, ვფოკუსირდეთ კვებით ბიოქიმიაზე პერსონალური კვების რეჟიმისთვის საჭირო ტექნოლოგიისა და მონაცემების გამოყენებით.
- რატომ შეიძლება გადაიქცეს ემოციური ჯანმრთელობის იგნორირების ხარჯზე ფიზიკურ ვარჯიშსა და ხანგრძლივ სიცოცხლეზე ორიენტირება წყევლად.
- რამდენად მნიშვნელოვანია საქართველოში მკითხველი ეცნობოდეს თანამედროვე და წამყვან პროფესიულ და საგანმანათლებლო ლიტერატურას და რა ნაბიჯებს დგამს ამ მიმართულებით „ლურჯი ოკეანე?“
„ლურჯი ოკეანე“ 2015 წლიდან დღემდე უკონკურენტოა საქართველოში ბიზნესლიტერატურის მიმართულებით. 2020 წლიდან უკვე მეორეული საგამომცემლო ხაზიც, ე.წ Self-help მიმართულებაც დავამატეთ. სიახლე არაა, რომ ქართული საგამომცემლო სფერო, მკითხველის მოთხოვნები და მოლოდინები გარკვეულწილად იმეორებს და მიჰყვება საერთაშორისო სიახლეებს. პიტერ ატიას „ხანგრძლივი სიცოცხლე“ გამოცემის დღიდან დღემდე (85 კვირის განმავლობაში) New York Times-ის ბესტსელერების სათავეშია. სწორედ ამ წიგნის პოპულარობამ და თემის აქტუალურობამ განაპირობა „პანაცეას“ დაწყებაც. შესაბამისად, „ლურჯი ოკეანე“ ყოველთვის იქაა, სადაც სიახლე, შთაგონება და ღირებული იდეების გავრცელების შესაძლებლობა ჩნდება.
შეჯამების სახით ვიტყოდი, რომ სიცოცხლისა და ჯანმრთელობის ხანგრძლივობა იმაზე მეტადაა ჩვენზე დამოკიდებული, ვიდრე გვგონია. ნებისმიერ მომენტში შეგვიძლია დავადგეთ ცხოვრების ახალ გზას, რომლის მეშვეობითაც მოლოდინებს გადავაჭარბებთ და ყოველ ათწლეულს წინაზე უკეთესად ვაქცევთ.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
