მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ტუტანჰამონის აკლდამის აღმოჩენის შემდეგ პირველად, ეგვიპტეში კიდევ ერთი ფარაონის აკლდამა აღმოაჩინეს - რას მიაკვლიეს მეცნიერებმა: "სიხარულისგან რაც შევძელი, ტირილის დაწყება იყო"
13:16 / 20-02-2025
ტუტანჰამონის საფლავის აღმოჩენის შემდეგ პირველად, ეგვიპტოლოგებმა კიდევ ერთი ფარაონის საფლავი აღმოაჩინეს.
- მედიის ინფორმაციით, აღმოჩენილია მეფე თუტმოს II-ის საფლავი.
ბრიტანელი და ეგვიპტელი მეცნიერებისგან შემდგარმა გუნდმა ის ქალაქ ლუქსორის მახლობლად, თებეს ნეკროპოლის დასავლეთ ხეობებში იპოვა.
მკვლევრები ფიქრობდნენ, რომ ეგვიპტის მე-18 დინასტიის ფარაონების სამარხები ამ ადგილიდან 2 კილომეტრზე მეტი მანძილით იყო დაშორებული და ე.წ. მეფეთა ველთან უფრო ახლოს იყო.
- ჯგუფმა ის აღმოაჩინა ტერიტორიაზე, რომელიც აქამდე დინასტიის წევრი ქალების განსასვენებელ ადგილებთან იყო ასოცირებული, მაგრამ როდესაც სამარხში შევიდნენ, ნახეს, რომ ის მოხატული იყო, რაც მიუთითებდა, რომ სინამდვილეში ფარაონის საფლავს მიაკვლიეს.
"სამარხის ჭერის ნაწილი კვლავ ხელუხლებელი იყო: მეცნიერებს დახვდათ ლურჯად შეღებილი ჭერი ყვითელი ვარსკვლავებით. ასეთი ჭერი მხოლოდ ფარაონების აკლდამებში გვხვდება", - განაცხადა მისიის საველე ხელმძღვანელმა, დოქტორმა პირს ლიზერლენდმა.
"ასეთი რამეების აღმოჩენისას პირველი ემოცია უბრალოდ, უკიდურესი გაოგნებაა, რადგან როდესაც აწყდები რაღაცას, რის პოვნასაც არ ელოდი, ეს ძალიან ამაღელვებელია. როდესაც გამოვედი, ჩემი მეუღლე გარეთ მელოდებოდა და ერთადერთი, რაც შევძელი, ტირილის დაწყება იყო", - იხსენებს მკვლევარი BBC-სთან.
დოქტორმა ლიზერლენდმა განაცხადა, რომ აღმოჩენამ პასუხი გასცა კითხვას, თუ სად მდებარეობს მე-18 დინასტიის ადრეული ფარაონების აკლდამები.
თუტმოს II ტუტანჰამონის წინაპარი იყო, რომლის მმართველობაც სავარაუდოდ ძვ.წ. 1493-დან 1479 წლამდე გრძელდებოდა. ტუტანჰამონის საფლავი ბრიტანელმა არქეოლოგებმა 1922 წელს აღმოაჩინეს.
თუტმოს II ყველაზე მეტად ცნობილია, როგორც დედოფალ ჰატშეფსუტის მეუღლე, რომელიც ეგვიპტის ერთ-ერთ უდიდეს ფარაონად ითვლება და ერთ-ერთი იმ მცირერიცხოვან ქალ ფარაონთაგანია, რომლებიც დამოუკიდებლად მართავდნენ.
დოქტორმა ლიზერლენდმა თქვა, რომ აკლდამის "დიდი კიბე და ძალიან დიდი დაღმავალი დერეფანი" ფუფუნებაზე მიუთითებდა.
"ამ ყველაფრის გავლას ძალიან დიდი დრო დასჭირდა," - თქვა მან და აღნიშნა, რომ ის წყალდიდობის ნარჩენებით - სამარხში შესვლა მხოლოდ 10-მეტრიან გასასვლელში გაძრომის შემდეგ შევძელით, რომელსაც ზემოთ მხოლოდ 40-სანტიმეტრიანი ღრიჭო ჰქონდა", - ამბობს ლიზერლენდი.
სამარხში მკვლევრებმა ასევე აღმოაჩინეს რელიგიური ტექსტი, რომელიც მხოლოდ ფარაონებისთვის იყო განკუთვნილი. დოქტორი ლიზერლენდის თქმით, ეს კიდევ ერთი მთავარი ნიშანი იყო იმისა, რომ მათ მეფის საფლავი იპოვეს.
ნაპოვნი არტეფაქტები თუტმოს II-ის დაკრძალვასთან ასოცირდება.
დოქტორმა ლიზერლენდმა ხაზი გაუსვა, რომ მისმა გუნდმა იცის, დაახლოებით სად არის მეორე აკლდამა, და ის შეიძლება, კვლავ ხელუხლებელი და განძეულით სავსე იყოს.
ფარაონის საფლავის აღმოჩენამ დოქტორ ლიზერლენდის “ახალი სამეფოს კვლევის ფონდისა” და ეგვიპტის ტურიზმისა და ანტიკვარიატის სამინისტროს ერთობლივი გუნდის 12 წელზე მეტი ხნის მუშაობა დააგვირგვინა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
