გამომცემლობა „პალიტრა L”-ის ყოველწლიური ლიტერატურული კონკურსის - „გახდი ბესტსელერის ავტორი 2025“-ის გამარჯვებულები 10 თებერვალს გამოვლინდა.
კონკურსი უკვე წლებია ხელს უწყობს თანამედროვე ქართული მწერლობის განვითარებას, ნიჭიერი ავტორების აღმოჩენასა და პოპულარიზაციას.
მკითხველთა ხმების მიხედვით, წლევანდელი კონკურსის ლიდერი გახდა იზა ქავთარაძე, რომლის რომანმა „გასული წლები, საყვარელი ვენები“ - მკითხველების განსაკუთრებული მოწონება დაიმსახურა.
ჟიურის გადაწყვეტილებით, კონკურსის გამარჯვებულები გახდნენ:
ლიტერატურული კონკურსის ჟიურის შემადგენლობაში იყვნენ ცნობილი ქართველი მწერლები: ბესო სოლომანაშვილი, ნესტან-ნენე კვინიკაძე და დავით გაბუნია, რომელთაც მნიშვნელოვანი წვლილი შეიტანეს გამარჯვებულების შერჩევის პროცესში.
„გახდი ბესტსელერის ავტორი“ უკვე რამდენიმე წელია ქართული ლიტერატურული სივრცის ერთ-ერთი მთავარი კონკურსია. იგი ახალ ავტორებს აძლევს შესაძლებლობას, საზოგადოებას საკუთარი ნამუშევრები გააცნონ და მოხვდნენ ბესტსელერ მწერლების სიაში.
გამომცემლობა ულოცავს გამარჯვებულებს და უსურვებს შემოქმედებით წინსვლას!
მადლობა ყველა მონაწილეს, მკითხველსა და მხარდამჭერს, ვინც ამ კონკურსის ტრადიციას ინარჩუნებს. შევხვდებით მომავალ წელს!
R
