მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯენიფერმა და ბენმა მორიგი თავბრუსდამხვევი რომანის შემდეგ დაშორება საბოლოოდ გადაწყვიტეს - ლოპესი და აფლეკი განქორწინებაზე შეთანხმდნენ
12:40 / 07-01-2025
ჯენიფერ ლოპესი და ბენ აფლეკი მათი შოკისმომგვრელი დაშორებიდან 5 თვეში განქორწინებაზე შეთანხმდნენ.
წყვილი, რომელმაც 2022 წელს იქორწინა, ოფიციალურად 2025 წლის 20 თებერვალს განქორწინდება. შეთანხმების მიხედვით, თითოეული მათგანი ქორწინების პერიოდში ინდივიდუალურად შეძენილ ქონებას შეინარჩუნებს.
ყოფილმა წყვილმა ასევე მიაღწია შეთანხმებას ბევერლი ჰილსის 61-მილიონ დოლარიან სასახლეზე, რომელიც ერთად იყიდეს, თუმცა უცნობია, რა პირობებზე შეთანხმდნენ ვარსკვლავები ამ უძრავ ქონებასთან დაკავშირებით.
ისინი წინასწარი ხელშეკრულების გარეშე დაქორწინდნენ და მათი საერთო ქონება 550 მილიონ დოლარს შეადგენს, თუმცა ლოპესის ქონება გაცილებით მეტი - 400 მილიონია.
აფლეკმა და ლოპესმა 2022 წლის 16 ივლისს ლას ვეგასში, Little White Chapel-ში საიდუმლოდ იქორწინეს. ეს მათი პირველი ნიშნობის შეწყვეტიდან 18 წლის შემდეგ მოხდა.
იმავე წლის 20 აგვისტოს წყვილმა მეორედ, ამჯერად აფლეკის მამულში, ჯორჯიის შტატში დადო ფიცი.
ჯენიფერმა განქორწინებაზე საბუთები მათი ჯორჯიაში ქორწინების ზუსტად 2 წლის თავზე შეიტანა, თუმცა დაშორების თარიღად 2024 წლის 26 აპრილი მიუთითა.
მსახიობმა და მომღერალმა რომანი 2021 წლის დასაწყისში აღადგინეს - სულ რამდენიმე კვირის შემდეგ, რაც ჯენიფერმა ალექს როდრიგესთან ნიშნობა გააუქმა.
განქორწინების პირობებზე შეთანხმების მიხედვით, ლოპესი ასევე, აფლეკის გვარზე უარს ამბობს საკუთარ სრულ სახელსა და გვარს - ჯენიფერ ლინ ლოპესს იბრუნებს.
აფლეკსა და ლოპესს თავიანთი მრავალწლიანი კარიერის განმავლობაში მრავალი მილიონი აქვთ ნაშოვნი, მათ შორის გასართობი პროექტებიდან, ინვესტიციებიდან, ბრენდებთან დადებული კონტრაქტებიდან და ა.შ.
კალიფორნიის საზოგადოებრივი საკუთრების კანონის მიხედვით, წყვილი შესაძლოა, იურიდიულად ვალდებული ყოფილიყო, რომ ქორწინების დროს მიღებული მილიონები 50/50-ზე გაეყო - მათ შორის, უძრავი ქონება, ავტომობილები და შემოსავალი.
Cosmopolitan-ის ინფორმაციით, ლოპესი წელიწადში დაახლოებით 40 მილიონ დოლარს გამოიმუშავებს, თუმცა ეს თანხა შეიძლება, მისი ყოველწლიური პროექტების რაოდენობის მიხედვით განსხვავდებოდეს.
აფლეკის წლიური შემოსავალიც წლიდან წლამდე განსხვავებულია, თუმცა 2020 წელს მსახიობმა 55 მილიონი დოლარი გამოიმუშავა.
განქორწინებაზე მორიგების შესახებ ინფორმაცია მას შემდეგ გავრცელდა, რაც აფლეკს ყოფილი მეუღლე "ოქროს გლობუსის" ცერემონიამდე რამდენიმე საათით ადრე ესტუმრა.
არსებული ცნობებით, ბენი და ჯენიფერი დაშორების მიუხედავად, ერთმანეთთან კონტაქტს ინარჩუნებენ.
დეკემბერში აფლეკი და ლოპესი ლოს ანჯელესში შეხვდნენ ერთმანეთს და საახალწლო საჩუქრები გაცვალეს.
"მათ განზრახული აქვთ, ერთმანეთის ცხოვრებაში დარჩნენ, მიუხედავად იმისა, რომ რომანტიკული კავშირი აღარ აქვთ", - განუცხადა Page Six-ს წყარომ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
