თალიბანის უზენაესმა ლიდერმა აკრძალა ფანჯრები, საიდანაც ის სივრცეები ჩანს, სადაც ქალები საქმიანობენ - “მათზე დაკვირვებამ შეიძლება უხამსი ქმედებები გამოიწვიოს “
ავღანეთში, თალიბანის უზენაესმა ლიდერმა ახალი შეზღუდვა დააწესა. მისი თქმით, აიკრძალა ფანჯრები, საიდანაც საჯარო სივრცეები, ან საზიარო უბნები ჩანს.
ახალი საცხოვრებელი კორპუსები ისეთი ფანჯრების გარეშე აშენდება, რომლებიც როგორც წესი “ქალების მიერ საყოველთაოდ გამოყენებული უბნებს“ გადაჰყურებს. ლიდერის თქმით, ასეთი ხედები უნდა დაიბლოკოს “უხამსი ქმედებების“ თავიდან ასაცილებლად.
-
აღნიშნული განცხადება თალიბანის მთავრობის წარმომადგენელმა ზაბიჰულა მუჯაჰიდიმ X-ზე გამოაქვეყნა. წესდების შინაარსის მიხედვით, ახალ შენობებს არ უნდა ჰქონდეთ ფანჯრები, საიდანაც ჩანს “საერთო ეზო, მეზობლის ჭა და სხვა ადგილები, სადაც როგორც წესი, ქალები საქმიანობენ“.
“სამზარეულოებში, ეზოებში და სხვა ადგილებში მყოფ ქალებზე დაკვირვებამ შეიძლება გამოიწვიოს უხამსი ქმედებები“, - ნათქვამია მთავრობის სპიკერის მიერ გამოქვეყნებულ განკარგულებაში.
მუნიციპალური სამსახური და სხვა შესაბამისი უწყებები ასევე გააკონტროლებენ შენობებს, რომ მსგავსი ფანჯრები ამოშენებული იქნეს მფლობელების მიერ. ეს ყველაფერი კი იმისთვის ხდება, რომ “არ შეუქმნან უხერხულობა მეზობლებს“.
მას შემდეგ, რაც ავღანეთში, ხელისუფლებაში თალიბანი მოვიდა, ქალების წინააღმდეგ უამრავი შეზღუდვა დაწესდა. გოგონებსა და ქალებს აეკრძალათ საშუალო განათლების მიღება, შეიზღუდა დასაქმება, პარკებსა და სხვა საზოგადოებრივ ადგილებში სეირნობა.
უახლესი კანონი ქალებს საჯაროდ სიმღერასაც უკრძალავს. ზოგიერთმა ადგილობრივმა რადიომ და ტელევიზიამ ასევე შეწყვიტა ქალთა ხმების გადაცემა.
იხილეთ ასევე:
- ავღანეთში, ქალებს ერთმანეთს ხმის გაგონება და საუბარი ეკრძალებათ - თალიბანმა ახალი შეზღუდვები შემოიღო: “ყოველდღიურად გვაწამებენ...“
- ათასობით ადამიანი უყურებდა მამაკაცის სიკვდილით დასჯას ავღანეთში - "მკვლელს მსხვერპლის მამამ სამჯერ ესროლა" (ფოტოები)
- "ჩვენ ვგავართ მიცვალებულებს, რომლებიც მოძრაობენ“ - ოლიმპიელი კიმიას და სხვა ავღანელი ქალების ბრძოლა საკუთარი უფლებებისთვის, რომელთაც უკვე საუბარსაც უკრძალავენ