“ხალხი გაიფიცოს და სამსახურში არ იაროსო, სხვები ამუნათეს და თვითონ დაფინანსებაზე უარი არ თქვეს“ - ნიკა გვარამია ოპოზიციას აკრიტიკებს

“კოალიცია ცვლილებისთვის“ ლიდერი ნიკა გვარამია აკრიტიკებს ოპოზიციურ პარტიებს, ვინც დაფინანსებაზე უარი არ თქვა.

როგორც გვარამია სოციალურ ქსელში წერს, მისი კოალიციის გარდა, ყველა ოპოზიციურმა პოლიტიკურმა პარტიამ “ქოცების შეთხზულ-გაყალბებულ ციფრებზე დამყნობილ დაფინანსებაზე არ თქვა უარი.“

“ხალხი გაიფიცოს და სამსახურში არ იაროსო, ბიზნესი გაიფიცოს და გადასახადები არ გადაიხადოსო, ქარხნები დაიხურონ და პროდუქცია არ გამოუშვანო - აი ეს იძახეს, სხვები ამუნათეს და ბოლოს თვითონ ქოცების შეთხზულ-გაყალბებულ ციფრებზე დამყნობილ დაფინანსებაზე უარი არ თქვეს.

აი, მესმის,“ - წერს გვარამია.

ცესკოს ინფორმაციით, საპარლამენტო არჩევნების შედეგების საფუძველზე დაფინანსებას 6 პოლიტიკური გაერთიანება მიიღებს.

ესენია:

1. “ქართული ოცნება - დემოკრატიული საქართველო“;

2. “ერთიანი ნაციონალური მოძრაობა“;

3. “გახარია საქართველოსთვის“;

4. “ლელო საქართველოსთვის“;

5. “საქართველოს პატრიოტთა ალიანსი“;

6. “ახალი პოლიტიკური ცენტრი - გირჩი“.

ცესკო-ს ინფორმაციით, დაფინანსების მიღებაზე უარი განაცხადა პარტიამ “კოალიცია ცვლილებისთვის გვარამია მელია გირჩი დროა“.

იხილეთ ასევე:

• “საპარლამენტო არჩევნების შედეგების საფუძველზე, დაფინანსებას 6 პოლიტიკური გაერთიანება მიიღებს“ - ერთმა პარტიამ დაფინანსებაზე უარი განაცხადა: რა ინფორმაციას აქვეყნებს ცესკო