მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გენერლის მკვლელობამ მოსკოვი შეარყია: რუსეთში ნორმალური არაფერია! - "ეს ყველაფერი საშინელებაა. ყოველი ხმა შემაშფოთებელია - ფიქრობ, რომ ეს არის დრონი ან ტერაქტი“
11:13 / 18-12-2024
“მოჩვენებითი სიმშვიდე და რეალობა: მოსკოვში ამ ორს შორის გამუდმებული ბრძოლა მიმდინარეობს,“ - წერს BBC - ი სტატიაში, რომელშიც რუსი გენერლის მკვლელობას და რუსეთ-უკრაინის ომის გავლენას მიმოხილავს ქვეყანაში.
მიუხედავად თითქმის სამწლიანი ომისა: მეტროში მრავალრიცხოვანი მგზავრებით დაწყებული, ახალგაზრდა მოსკოველებით გადავსებული ბარებითა და კლუბებით დასრულებული, აქ ცხოვრება, ერთი შეხედვით, სრულიად ნორმალური ჩანს, თუმცა, უცებ ხდება რაღაც, რაც გახსენებს, რომ დღევანდელ რუსეთში ნორმალური არაფერია.
ეს “რაღაც“ შეიძლება იყოს უკრაინული დრონი, რომელმაც მოსკოვის საჰაერო თავდაცვის სისტემა გაარღვია. ან - კიდევ უფრო დრამატული რამ, მაგალითად, ის, რაც სამშაბათს დილით მოხდა: რუსი მაღალჩინოსანი გენერლის განზრახ მკვლელობა მაშინ, როდესაც ის მრავალსართულიან საცხოვრებელ სახლს ტოვებდა.
როდესაც გენერალ-ლეიტენანტი იგორ კირილოვი და მისი თანაშემწე ილია პოლიკარპოვი ელექტრო სკუტერში დამალული ბომბის გააქტიურების შედეგად დაიღუპნენ, ყოველდღიურობის რუტინაში ჩართული მოსკოველებისთვის ომი, რომელიც თითქოს არ ახსოვდათ, უცებ რეალურზე რეალური გახდა...
"ერთია, როდესაც ამის შესახებ ახალ ამბებში კითხულობ, თითქოს ის სადღაც შორს არის. თუმცა, როდესაც ეს ყველაფერი შენს გვერდით ხდება, სულ სხვაა, საშინელებაა. აქამდე თითქოს ისე იყო, რომ ომი სადღაც შორს მიმდინარეობდა, სადაც ვიღაცები იღუპებოდნენ, თუმცა ამ შემთხვევაში შედეგები აქვეა საგრძნობი. ჩემი შფოთვა პიკს აღწევს. ყოველი ხმა შემაშფოთებელია - ფიქრობ, რომ ეს არის დრონი ან ტერაქტი“, - აცხადებს BBC -თან ლიზა, რომელიც აფეთქების ადგილიდან ერთ კორპუსის მოშორებით ცხოვრობს.
“უკრაინაში მიმდინარე ომი რუსეთში აღიქმება, როგორც რაღაცა შორეული პროცესი. აქ ეს ხშირად მსმენია. მაქვს განცდა, რომ მოსახლეობის დიდი ნაწილისთვის ეს არის ომი, რომელსაც მხოლოდ ტელევიზორში ან სმარტფონის ეკრანზე ხედავენ - ვირტუალური ომი. რაც დაღუპულთა და დაჭრილთა დიდი რაოდენობის გათვალისწინებით, გასაკვირია“, - წერს გამოცემა.
თუმცა, მოსკოვში რუსი გენერლის მკვლელობა უდავოდ გამოღვიძების ზარია. ეს არის მტკიცებულება იმისა, რომ სინამდვილეში ომი რეალური და თან ძალიან ახლოსაა.
იქნება ეს გამოფხიზლების ზარი რუსეთის ხელისუფლებისთვის?
დიდი ალბათობით არა. კრემლის მხრიდან, უკრაინის საკითხთან დაკავშირებით, შემობრუნების ძალიან ცოტა ნიშანი არსებობს. მოსკოვი, სავარაუდოდ, ომს გააძლიერებს.
უბრალოდ, შეხედეთ ნიშნებს... კირილოვის მკვლელობაზე საუბრისას, რუსეთის სახელმწიფო ტელევიზიის პოლიტიკური თოქ-შოუს წამყვანმა, უკრაინა დაადანაშაულა და თქვა, რომ “ამ თავდასხმით პრეზიდენტმა ზელენსკიმ საკუთარ თავს სასიკვდილო განაჩენი გამოუტანა“.
რუსეთის ყოფილმა პრეზიდენტმა დიმიტრი მედვედევმა კი განაცხადა, რომ “გამოძიებამ მკვლელები რუსეთში უნდა იპოვოს“, და დაამატა: ”ჩვენ ყველაფერი უნდა გავაკეთოთ იმისათვის, რომ გავანადგუროთ კიევში მყოფი მათი მფარველები“.
პრეზიდენტ ვლადიმერ პუტინს საჯარო განცხადება რუსი გენერლისა და მისი თანაშემწის მკვლელობაზე, ჯერ არ გაუვრცელებია. თუმცა, კრემლის ლიდერმა არაერთხელ განაცხადა, რომ იმ შემთხვევაში, როდესაც რუსეთის უსაფრთხოება საფრთხის წინაშე აღმოჩნდება, “რეაგირება ყოველთვის იქნება“.
აქედან გამომდინარე სავარაუდოა, რომ იქნება საპასუხო ზომები.
კრემლის ლიდერის ყოველწლიური პრესკონფერენცია და სატელეფონო საუბარი ხუთშაბათს იგეგმება. ეს ჩვეულებრივ მარათონული ღონისძიებაა და ყველა მთავარ სატელევიზიო არხზე პირდაპირ ეთერში გადაიცემა.
საინტერესოა: გამოიყენებს თუ არა ის ეთერს კირილოვის დრამატულ მკვლელობაზე კომენტარისთვის?
დაარღვევს თუ არა სიჩუმეს სირიასთან დაკავშირებით?
რუსეთის პრეზიდენტს ჯერჯერობით საჯაროდ არაფერი უთქვამს ახლო აღმოსავლეთში მოსკოვის მთავარი მოკავშირის, ბაშარ ალ-ასადის დამხობის შესახებ.
და რას ეტყვის ის რუსებს იმაზე, თუ საით მიდის ქვეყანა, როდესაც ომი უკრაინაში, რომელსაც პუტინი ჯერ კიდევ "სპეციალურ სამხედრო ოპერაციას" უწოდებს - სამწლიან ნიშნულს უახლოვდება?
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
