"ჩემო ბედკრულო სამშობლოვ, რა დღეში ხარ" - ნათია თოდუა საქველმოქმედო კონცერტს გამართავს: თანხა აქციებზე დაკავებული ახალგაზრდების ოჯახებს გადაეცემათ

20 დეკემბერს გერმანიაში მცხოვრები ქართველი მომღერალი, ნათია თოდუა საქველმოქმედო კონცერტს გამართავს.

„საქველმოქმედო კონცერტი საქართველოსთვის “ We Stand With Georgians” შემოსვლა უფასოა! შემოწირული თანხა მოხმარდება აქციებზე უსამართლოდ დაპატიმრებული ახალგაზრდების ოჯახებს..." - წერს თოდუა სოციალურ ქსელში.

• ნათია თოდუა თბილისში მიმდინარე პროტესტს თავიდანვე გულშემატკივრობდა. ჯერ კიდევ საპარლამენტო არჩევნებიდან ორ დღეში სოციალურ ქსელში წერდა: "ჩემო ბედკრულო სამშობლოვ, რა დღეში ხარ, რა დღეში...“

დეკემბრის დასაწყისში კი ბერლინში ჩატარებულ აქციას, შვილთან ერთად სტუმრობდა. ამ დღის ფოტო სოციალურ ქსელში გამოაქვეყნა და დაწერა:

"ჰუგო მეგობრებთან ერთად აქციაზე საქართველოსთვის..."