ფრანგული მედიის ინფორმაციით, ლიონში გიორგი მიქაუტაძის სახლი გაძარცვეს - წყაროს ცნობით, "გიორგი ამ დროს შინ იყო და ორი შეიარაღებული პირი იარაღით დაემუქრა"
გუშინ "ლიონის" ფორვარდის გიორგი მიქაუტაძის სახლი გაძარცვეს, ამის შესახებ ინფორმაციას Le progres-ი ავრცელებს. წყაროს ცნობით, გიორგი ამ დროს სახლში იყო და ორი შეიარაღებული პირი იარაღით დაემუქრა.
წყაროს ცნობით, ადგილი ფიზიკურ ძალადობას არ ჰქონია.
გამოცემის ინფორმაციით, მიქაუტაძის სახლიდან დაახლოებით 250 000 ევროდ შეფასებული ნივთები მოიპარეს.
აღნიშნულთან დაკავშირებით ჯერჯერობით დამატებითი ინფორმაცია არ ვრცელდება.
შეგახსენებთ, გუშინ, ლიგა 1-ის მეცამეტე ტურში "ლიონმა" საკუთარ მოედანზე "ნიცა" 4:1 დაამარცხა. მიქაუტაძე კი თამაშში 71-ე წუთზე ჩაერთო.