"ვგმობ და ვემიჯნები ნებისმიერი მხრიდან წარმოქმნილ ყველანაირ ძალადობას" - ზაზა ფაჩულია

ცნობილი კალათბურთელი ზაზა ფაჩულია თბილისში მიმდინარე მოვლენებს სოციალურ ქსელში ეხმაურება და წერს:

"რთულია უყურო ამ კადრებს და არ გაგიჩნდეს პროტესტი, როდესაც ქართველი ქართველს ასე უსწორდება. ვგმობ და ვემიჯნები ნებისმიერი მხრიდან წარმოქმნილ ყველანაირ ძალადობას. საქართველო იყო არის და იქნება ევროპის განუყოფელი ნაწილი" - ზაზა ფაჩულია.

შეგახსენებთ, 29 ნოემბერს, საპროტესტო აქცია რუსთაველის გამზირზე, პარლამენტის წინ 19:00 საათზე დაიწყო. ადგილზე ვითარება არაერთხელ დაიძაბა პროტესტის მონაწილეებსა და სამართალდამცველებს შორის. მომიტინგეების დაშლა სპეცრაზმმა დაახლოებით, ღამის, 12:00 საათისთვის დაიწყო. დემონსტრანტების წინააღმდეგ არაერთხელ გამოიყენეს წყლის ჭავლი და სპეციალური საშუალებები.

თავის მხრივ დემონსტრანტები საპოლიციო ძალების მისამართით პიროტექნიკას და სხვადასხვა საგნებს ისროდნენ, მომიტინგეები ცდილობდნენ სხვადასხვა კონსტრუქციით ბარიკადების აღმართვასაც, რათა სპეცრაზმისთვის გზა ჩაეხერგათ. სამართალდამცველები აქციის მიმდინარეობისას პერიოდულად აკავებდნენ მომიტინგეებს, არიან დაშავებულებიც, თუმცა მათი რაოდენობა ჯერჯერობით უცნობია.

წაიკითხეთ ასევე:

• “მტკივნეულია ვხედავდე როგორ იტანჯება ჩვენი ხალხი - საქართველო იმსახურებს ერთობას და სამართლიანობას“ - გიორგი ქოჩორაშვილი
• მიმართვა გურამ კაშიას, თორნიკე შენგელიას და ვასილ ლობჟანიძეს - "ხალხს, ვინც თქვენ თხოვნას არაერთხელ გამოხმაურებია და სტადიონები გადაუვსია, თქვენი მხარდაჭერა სჭირდება"