"შვილს, რომელსაც ველოდები, არაფრით დავუტოვებ საქართველოს, რომელიც რუსეთის იქნება" - რას წერს გიორგი კეკელიძე

მწერალი გიორგი კეკელიძე სოციალურ ქსელში ეხმაურება თბილისში განვითარებულ მოვლენებს, მთავრობის გადაწყვეტილებას და საპროტესტო აქციას, რომელიც ამ წუთებში რუსთაველის გამზირზე მიმდინარეობს.

• კეკელიძე წერს, რომ შვილს ელოდება და არ აპირებს მას დაუტოვოს საქართველო, რომელიც რუსეთის იქნება.

"მე ის ვიცი, რომ შვილს, რომელსაც ველოდები, არაფრით დავუტოვებ საქართველოს, რომელიც რუსეთის იქნება და ისიც, რომ ამისთვის ყველაფერი გამიკეთებია და სამომავლოდაც ყველაფერს ვიზამ" - წერს კეკელიძე (გიორგი კეკელიძე რამდენიმე თვის წინ დაქორწინდა... მისი რჩეული მარიამ სოსელიაა.).

ცნობისთვის, ამ დროისთვის საპროტესტო აქციები მიმდინარეობს, როგორც თბილისში ასევე რეგიონებში. დედაქალაქში აქციის გამო გადაკეტილია რუსთაველის გამზირი.

აქციები თბილისში და რამდენიმე ქალაქში მას შემდეგ დაიგეგმა, რაც საქართველოს პრემიერ-მინისტრმა, ირაკლი კობახიძემ საპარლამენტო უმრავლესობისა და სამთავრობო გუნდის შეხვედრის შემდეგ ბრიფინგზე განაცხადა, რომ საქართველო 2028 წლის ბოლომდე დღის წესრიგში არ დააყენებს ევროკავშირთან მოლაპარაკების გახსნის საკითხს.

ნახეთ ასევე:

• "თქვენ პრეზიდენტს არ პასუხობთ? რუსეთს ემსახურებით თუ საქართველოს? ფიცი ვის წინაშე დადეთ?" - ზურაბიშვილი სპეცრაზმს
• "არასდროს მიმიმართავს საჯარო მოხელეებისთვის, თუმცა დღეს მინდა მოგმართოთ - დროა გადაწყვეტილებები მიიღოთ" - მიხეილ ჯანელიძე