მამაკაცმა, რომელიც დედამიწას Google Earth-ით ათვალიერებდა, ავსტრალიის გარეუბანში შოკისმომგვრელი აღმოჩენა გააკეთა
ამ წლის დასაწყისში მოლაშქრე ნულარბორის დაბლობის შესასწავლად Google Earth-ის სურათებს ათვალიერებდა, როდესაც მოულოდნელად რაღაც უცნაურს გადააწყდა: ეს იყო უდაბურ პეიზაჟში ამოტვიფრული უზარმაზარი, ნაწიბური. აღმოჩენამ დააინტერესა მეცნიერებიც. მჭიდრო შესწავლის შემდეგ, დაადგინეს, რომ ნაწიბური უძლიერესი ტორნადოს შედეგად შეიქმნა, რომლის შესახებ არავინ იცოდა.
-
ტორნადოები შეერთებულ შტატებსა და სხვა ქვეყნებში ერთ-ერთ გამორჩეულ საფრთხედ ითვლება, ასეა ავსტრალიაშიც.
თუმცა, სტატიაში მოყვანილი გრანდიოზული მასშტაბის ტორნადო ტექნოლოგიის გარეშე ყველასთვის შეუმჩნეველი ვერ დარჩებოდა. აღსანიშნავია, რომ ტორნადო თითქმის ყველა კონტინენტზეა დაფიქსირებული, გარდა ანტარქტიდისა. ისინი ყველაზე ხშირად გვხვდება შეერთებული შტატების დიდი დაბლობების რეგიონში და ინდოეთის ჩრდილო-აღმოსავლეთ რეგიონში.
ნულარბორის დაბლობი არის შორეული, უკაცრიელი მიწის რეგიონი, რომელიც სამხრეთ ავსტრალიაში მდებარეობს. შემთხვევით აღმოჩენილი ნაწიბური გადაჭიმულია დასავლეთ ავსტრალიიდან სამხრეთ ავსტრალიამდე.
-
კვლევის შედეგად დადგინდა, რომ ტორნადო 2022 წლის 16-დან 18-ნოემბრამდე შუალედში მოხდა. ნაწიბურის გასწვრივ არის ლურჯი წრიული ადგილები, რაც მიუთითებს წყლის გუბეებზე.
ნაწიბურის სიგრძე 11 კილომეტრია. სიგანე 160-დან 250 მეტრამდე. სავარაუდოდ ტორნადო არ იყო ჩვეულებრივი ქარიშხალი, არამედ კლასიფიცირებული იყო, როგორც F2 ან F3- დამანგრეველი სტიქია, რომელიც ტრიალებს 200 კილომეტრზე მეტი საათში. ტორნადო სავარაუდოდ შვიდიდან 13 წუთამდე გაგრძელდა. მართალია, ის დასახლებულ პუნქტებს არ შეხებია, მაგრამ მან მაინც დატოვა თავისი კვალი, შეცვალა დედამიწის ზედაპირი და მოხდა ნიადაგის ეროზია.
ავსტრალიაში ყველაზე ადრე დაფიქსირებული ტორნადო 1795 წელს სიდნეის გარეუბანში მოხდა. ბოლო კი 2016 წელს დააფიქსირეს.
იხილეთ ასევე: