კედელზე დამაგრებული ბანანი Sotheby's-ს აუქციონზე 6.2 მილიონ დოლარად გაიყიდა - ვინ არის ახალი მფლობელი?

მაურიციო კატელანის ინსტალაცია, "Comedian"-ი, რომელიც კედელზე წებოვანი ლენტით მიმაგრებულ ბანანს წარმოადგენს ნიუ-იორკში, Sotheby's-ს აუქციონზე 6.2 მილიონ დოლარად გაიყიდა.

• აუქციონი დაწყებიდან რამდენიმე წუთში დასრულდა. ინსტალაცია ჩინეთში დაბადებულმა კრიპტო მეწარმემ ჯასტინ სანმა შეიძინა.

როგორ მან განაცხადა, ბანანის შეჭმას "უახლოეს დღეებში, უნიკალური შემოქმედებითი გამოცდილების" ფარგლებში აპირებს.

ბანანის ახალი მფლობელის განცხადებით, მაურიციო კატელანის ნამუშევარი “არის კულტურული ფენომენი, რომელიც ერთმანეთთან ხელოვნების სამყაროებს, მემებსა და კრიპტოვალუტის საზოგადოებას აკავშირებს“.

აღსანიშნავია, რომ ბანანი აუქციონამდე რამდენიმე საათით ადრე 0.35 ცენტად შეიძინეს.

ინსტალაციას მოჰყვება დეტალური ინსტრუქცია მოჰყვება იმის შესახებ, თუ როგორ უნდა შეიცვალოს ბანანი, როცა ის დალპება.

პირველად მაურიციო კატელანის ინსტალაცია "Comedian"-ი საზოგადოებას 2019 წელს, მაიამიში გამართულ თანამედროვე ხელოვნების გამოფენაზე წარუდგინეს. მაშინ ბანანი ქართველმა არტისტმა დეივიდ დათუნამ შეჭამა. პირველი პერფორმანსი საკმაოდ შოკისმომგვრელი აღმოჩნდა მსოფლიოსთვის.

მეორედ ბანანი, 2023 წელს, სეულის მუზეუმში გამოფენილი ინსტალაცია სამხრეთ კორეელმა სტუდენტმა მიირთვა.

ამერიკაში მცხოვრები ქართველი არტისტი დევიდ დათუნა 48 წლის ასაკში, 2022 წელს გარდაიცვალა.

წყარო

იხილეთ ასევე:

• "ბევრი იბრძოლა და ბოლოს ვეღარ გაუძლო" - ამერიკაში მცხოვრები ქართველი ხელოვანი დევიდ დათუნა 48 წლის ასაკში გარდაიცალა
• "ვიყიდი ლენინს... მილიარდ დოლარად" - რას უპირებენ საბჭოთა ბელადს და რატომ ფიქრობს ქართველი მხატვარი, რომ ილიჩის ნეშტი ამერიკაში უნდა იყოს?