1300 ევროიანი კაბა, შეხვედრა პრინც უილიამთან და მეფესთან - ლელა მებურიშვილი დიპლომატ მეუღლესთან ერთად ბუკინგემის სასახლეში მიღებას დაესწრო (ფოტოები)

გასულ ღამეს, ბუკინგემის სასახლეში, მეფე ჩარლზმა, დედოფალმა კამილამ და პრინცმა უილიამმა დიპლომატიური კორპუსის ყოველწლიურ მიღებას უმასპინძლეს.

ღონისძიებაზე მიწვეული იყვნენ ლონდონში არსებული 170-ზე მეტი ელჩი და უმაღლესი კომისარი. ღონისძიება მიზნად ისახავს დიპლომატიური კავშირების გაღრმავებას და საერთაშორისო თანამშრომლობის წახალისებას.

საღამო მოიცავდა ოფიციალურ მისალმებებს, საუბრებსა და ვახშამს სასახლის დიდებულ გარემოში​.

საღამოს ესწრებოდა ცნობილი მსახიობი ლელა მებურიშვილიც, რომელიც ოჯახთან ერთად ქმრის დიპლომატიური სამსახურის გამო წლებია უკვე დიდ ბრიტანეთში ცხოვრობს. ლელას მეუღლე ბაჩო საგანელიძე, ბრიტანეთში საქართველოს ელჩის ერთ-ერთი მოადგილეა, ეკონომიკური მიმართულებით.

"ფანტასტიკური, დაუვიწყარი საღამო ბუკინგემის სასახლეში აღმოჩნდა მოულოდნელობებით სავსე. ეს ფორმალური გარემო იმდენად გაამსუბუქეს და გაალამაზეს მასპინძლებმა რომ ახლაც შთაბეჭდილების ქვეშ ვარ. გვქონდა პატივი შევხვედროდით და გაგვესაუბრა მეფესთან და ასევე პრინც უილიამთან.“- წერს ლელა სოციალურ ქსელში.

მსახიობმა მნიშვნელოვან საღამოზე არჩევანი Amelinda Royal Taffeta Peplum Dress-ზე შეაჩერა, რომელიც შექმნილია 21Six-ის ბრენდის დიზაინერების მიერ.

21Six ცნობილია თავისი დახვეწილი და ქალური სტილის კოლექციებით, რომლებიც ხშირად აერთიანებს კლასიკურ და თანამედროვე მოდას. ბრენდი დაარსდა 2014 წელს და მას შემდეგ ინარჩუნებს მაღალ რეპუტაციას ფუფუნების სეგმენტში. კაბის ფასი 1365 ევროა.

წაიკითხეთ ასევე:

• "შეხვედრა დიდებულ მსახიობთან" - ლელა მებურიშვილი ჰიუ გრანტთან ერთად: რას წერს ბრიტანეთში მცხოვრები ქართველი მსახიობი