"თბილისელების რეაქციამ მოიტანა კონკრეტული შედეგი... გამოვაცხადეთ წინააღმდეგობის მოძრაობა, გაიწევა პოლიცია და..." - რა ხდება მელიქიშვილზე და როგორია ოპოზიციის გეგმა
აქციის მონაწილეებმა მელიქიშვილის გამზირიდან ჭავჭავაძის გამზირისკენ გადაინაცვლეს.
- თავდაპირველად სამართალდამცველებს დაკავებული ჰქონდათ მელიქიშვილის გამზირის ნაწილი და ამგვარად აქციის მონაწილეებს ჭავჭავაძის გამზირისკენ გადაადგილების საშუალებას არ აძლევდნენ, თუმცა ცოტა ხნის წინ პოლიციამ აღნიშნული ტერიტორია დატოვა.
ადგილზე ოპოზიციის ლიდერებმა აღნიშნეს, რომ უწყვეტი პროტესტი გრძელდება. კოალიცია ცვლილებისთვის" ერთ-ერთმა ლიდერმა, ელენე ხოშტარიამ თქვა, რომ მოქალაქეები მელიქიშვილის გამზირზე დღეს ღამეც დარჩებიან.
ხოშტარიამ აქციის მონაწილეებს მიმართა და აღნიშნა, რომ უკან დახევას არც ერთი ნაბიჯით აპირებს.
"თბილისელების რეაქციამ მოიტანა კონკრეტული შედეგი, ყველაფრის მიუხედავად ჩვენ ვართ აქ, ვაგრძელებთ ბრძოლას, დღეს ღამეც დავრჩებით აქ და ვიქნებით იმდენი ხანი, რამდენიც საჭიროა გამარჯვებამდე.
ყველანაირი ორგანიზაციული საკითხი იქნება მოგვარებული, ჩვენ დავიცავთ ყველა მოქალაქეს, მოვუფრთხილდებით მათ. არ დავიხევთ არც ერთი ნაბიჯით უკან. ჩვენ გამოვაცხადეთ წინააღმდეგობის მოძრაობა და ეს მოძრაობა წავა წინ, გაიწევა პოლიცია, გაიწევა "ოცნებაც" და გაიწევა რუსეთიც ამ ქვეყნიდან. იმიტომ, რომ თუ ჩვენ გადავწყვეტთ, რომ ვიბრძვით, მაშინ ჩვენ სხვა გზა არ გაქვს" - აღნიშნა ოპოზიციის ერთ-ერთმა ლიდერმა ელენე ხოშტარიამ.
ნახეთ ასევე: